Շրթներկը կօգնի պայքարել ավելորդ քաշի դեմ

Մեծ Բրիտանիայում վաճառքի է հանվել շրթներկ, որի օգնությամբ կանայք կարող են ազատվել հավելյալ յուղաշերտերից։ Շրթներկ արտադրող ընկերությունը խոստանում է, որ դրա օգնությամբ կանայք այլևս չեն ցանկանա չարաշահել շոկոլադը կամ պաղպաղակը։ Այդ մասին հաղորդում է mignews.com-ը։

Burner Balm բալզամի գինը 10 դոլար է. շրթներկի բաղադրիչներն են յուղը, կոֆեինը և կանաչ թեյը։ Բալզամը պետք է օգտագործել օրական առնվազն վեց անգամ։

Արտադրող ընկերությունը նշում է, որ կանայք պետք է օգտագործեն շրթներկն ամեն անգամ, երբ զգան սնվելու կարիքը։

Նշենք, որ առողջ ապրելակերպի և ճիշտ սննդակարգի բազմաթիվ ասոցիացիաներ արդեն դեմ են դուրս եկել Burner Balm ընկերությանը՝ պնդելով, որ այն նվաստացնում է գեր կանանց։


Tert.am