Լոնդոնում տեղի է ունեցել Հայոց ցեղասպանության զոհերի հիշատակին նվիրված համերգ

Ապրիլի 15-ին «RP Musical management» կազմակերպության և Լոնդոնում Հայաստանի դեսպանության համատեղ ջանքերով Լոնդոնի հանրահայտ Վիգմոր սրահում տեղի է ունեցել 1915թ. Հայոց ցեղասպանության զոհերի հիշատակին նվիրված «Գարնան հիշատակի համերգը» («Spring Remembrance Concert»)` հանրաճանաչ կատարողներ Հրաչյա Ավանեսյանի, Էշլի Վասսի (Ashley Wass) և Այլիշ Թինանի (Ailish Tynan) մասնակցությամբ։
Ինչպես հաղորդում են ՀՀ ԱԳՆ մամուլի և տեղեկատվության վարչությունից, Ցեղասպանության զոհերի հիշատակին հարգանքի տուրք էին եկել մատուցելու բազմաթիվ բրիտանացի հանդիսականներ, նաև տեղական ինքնակառավարման մարմինների, դիվանագիտական կորպուսի ներկայացուցիչներ։


Tert.am

Շարունակել կարդալ >>>
Leer mas >>>

Թուրք լրագրողները հայ–թուրքական սահմանին են եղել, բայց միայն մեկ զարմանալի փաստ նկատել

Ապրիլի 15-ին հայ–թուրքական սահմանամերձ գոտում՝ Մարգարա գյուղում, ռուս սահմանապահները նկատել են լուսանկարող երեք մարդու և ուղեկցել են վերջիններիս սահմանապահների հենակետ։ Մեր թղթակիցը պարզել է, որ դրանք եղել են թուրք լրագրողներ Սելջուկ Յաշարը՝ «Հուրիյեթից», Ումութ Յերթութանը «Fox TV»–ից և նույն հետուստաընկերության օպերատորը։
Ինչպես մեզ հետ զրույցում նշեցին թուրք լրագրողները, սահմանապահներն իրենց անձը հաստատող փաստաթուղթ են խնդրել, թեյ հյուրասիրել և բաց թողել։
Ձերբակալության մասին լուրերը, ինչպես հայտնեցին մեզ լրագրողները, ամենևին էլ չեն համապատասխանում իրականությանը։
«Դա ձերբակալություն չէր, պարզապես ճշտում էին մեր ով լինելը»,– ասաց Յերթութանը։
Թուրք լրագրողները Երևան էին ժամանել հայ–թուրքական վերջին զարգացումների մասին նյութեր պատրաստելու նպատակով։
Լրագրողները ոչ մի խնդիր չէին տեսել և գնահատել էին սահմանապահների վերաբերմունքը։ Նրանք միայն զարմացել էին, որ հայկական սահմանին գտնվող ռուս սահմանապահների հենակետում տեսել էին ՌԴ նախագահ Դմիտրի Մեդվեդևի լուսանկարը։ Հետագայում միայն պարզել էին, որ հայ–թուրքական սահմանը հսկում էին ռուս իրավապահները։


Tert.am

Շարունակել կարդալ >>>
Leer mas >>>

El Genocidio armenio Parte 2

http://www.dailymotion.com/

Շարունակել կարդալ >>>
Leer mas >>>

Երևանում կազմակերպվել է «Ցեղասպանությունների միջազգային ճանաչումը՝ որպես կանխարգելման միջոց» թեմայով կլոր սեղան

«Արեգ» գիտամշակութային երիտասարդական ասոցիացիան ՄԱԿ-ի Հանրային տեղեկատվության վարչության երևանյան գրասենյակի աջակցությամբ այսօր կազմակերպել է կլոր-սեղան–քննարկում «Ցեղասպանությունների միջազգային ճանաչումը` որպես կանխարգելման միջոց» խորագրով։

Ստացված հաղորդագրության մեջ նշվում է, որ 1915թ. Օսմանյան կայսրության իրականացրած հայերի ջարդերը միջազգային հանրության համար ազդակ հանդիսացան` մարդկությանը զերծ պահելու նմանօրինակ հանցագործություններից. ստեղծվեց և պատմական, քաղաքական և իրավական շրջանակներում շրջանառության մեջ մտավ «ցեղասպանություն» տերմինը, և 1948թ. դեկտեմբերի 9-ին Միավորված ազգերի կազմակերպությունը համոզված լինելով, որ մարդկությանը այդ արհավիրքից ազատելու համար միջազգային համագործակցություն է անհրաժեշտ, ընդունեց Կոնվենցիա «Ցեղասպանության հանցագործությունը կանխարգելելու և պատժելու մասին»։«Կոնվենցիայի 60-ամյակից քիչ անց, հայացք նետելով ցեղասպանությունների շարքին, համոզվում ենք, որ չպատժված հանցագործությունները կրկնվելու հատկություն ունեն։ Այսպես` հայոց ցեղասպանությունը դարձավ հրեաների ողջակիզման, Ռուանդայի ցեղասպանության և այլ բազմաթիվ նմանատիպ հանցագործությունների նախադեպ, մինչդեռ, դրա միջազգային ճանաչումը, թերևս, վերջ դներ մարդկության դեմ ուղղված այդ սարսափելի հանցագործությանը»,– ասվում է մամուլի հաղորդագրության մեջ։

Կլոր սեղանի բանախոսներն էին ԱԳՆ Միջազգային կազմակերպությունների վարչության պետ Ձյունիկ Աղաջանյանը, Հայոց ցեղասպանության թանգարան-ինստիտուտի փոխտնօրեն Սուրեն Մանուկյանը և ՄԱԿ-ի Հանրային տեղեկատվության վարչության ներկայացուցչի պաշտոնակատար Արմինե Հալաջյանը, ովքեր անդրադարձան ցեղասպանության միջազգային ճանաչման ՀՀ ջանքերին, ժխտողականության դեմ պայքարին և ցեղասպանության երևույթը կանխարգելելու ՄԱԿ-ի ձեռնարկած միջոցներին։ Մտքերի փոխանակման ընթացքում ներկաները` հասարակական կազմակերպությունների ու լրատվամիջոցների ներկայացուցիչներ և ուսանողներ, իրենց վրդովմունքն արտահայտեցին ներկայումս կատարվող մարդկության դեմ ուղղված հանցագործությունների հանդեպ, իրենց համերաշխությունը` ցեղասպանության զոհ դարցած ազգերի նկատմամբ։ Անտարբերությունն ու կանխարգելելու չկամությունը տեղիք են տալիս նոր հանցագործությունների, ընդհուպ մինչև ցեղասպանությունների։ Երևույթները պետք է կոչել իրենց անուններով և պատժել հանցագործներին։ Մասնակիցները նույնպես նշեցին, որ դրա համար պահանջվում է բոլոր երկրների համագործակցությունը։ Դա է ցեղասպանությունից ձերբազատվելու ելքը։


Tert.am

Շարունակել կարդալ >>>
Leer mas >>>

El genocidio armenio Parte 1

Desde hacía siglos, la invasión, el sojuzgamiento y las matanzas indiscriminadas de los turcos contra la población armenia, culminaron en 1915 con la planificación y el asesinato sistemático de 1.500.000 armenios, originando una diáspora imposibilitada de volver a sus tierras ancestrales.
Aquí les presentamos la primera parte de documental de Genocidio Armenio que ocurro en 1915....

http://www.dailymotion.com/

Շարունակել կարդալ >>>
Leer mas >>>

Եգիպտացի աշակերտներն այցելել են Եգիպտոսում Հայաստանի դեսպանություն

Եգիպտոսում Հայաստանի դեսպանության և մոտ հինգ հազար աշակերտ ունեցող եգիպտական Դր. Ներմին Իսմայիլ միջնակարգ դպրոցների ցանցի (Dr. Nermien Ismail Language Schools) տնօրինության միջև ձեռք էր բերվել պայմանավորվածություն, որի համաձայն, դպրոցների 5-րդ դասարանների համար հաստատվել է ուսումնական նախագիծ «Հայաստանը» թեմայով։
Ինչպես հայտնում են ԱԳՆ մամուլի և տեղեկատվության վարչությունից, այդ կապակցությամբ ապրիլի 8-ին Եգիպտոսում Հայաստանի դեսպանություն են այցելել դպրոցի տնօրենն ու 20 աշակերտներ և հանդիպել դեսպան Ռուբեն Կարապետյանի հետ։ Հանդիպման ընթացքում Հայաստանի դեսպանը նշել է նման նախաձեռնությունների կարևորությունը, որոնք միտված են եգիպտացի երեխաների շրջանում Հայաստանի ու հայ ժողովրդի վերաբերյալ տեղեկության տարածմանը։
Ռուբեն Կարապետյանն ընդգծել է, որ հայ-եգիպտական բազմադարյա բարեկամությունը հիմնված է ազնվության, նվիրվածության, փոխադարձ հարգանքի վրա, և այդ էջերի վերհանումն ու քարոզումն այսօր կենսական նշանակություն ունի։

Հանդիպման ավարտին դեսպանը դպրոցի տնօրենին է փոխանցել Հայաստանի, Լեռնային Ղարաբաղի, եգիպտահայության և հայ-եգիպտական հարաբերությունների վերաբերյալ գրքեր գրադարանների համար։


Թերթ.am

Շարունակել կարդալ >>>
Leer mas >>>

Հրանտ Դինքի սպանության մասնակցին դատապարտել են այլ հանցագործության համար

Տրապիզոն նահանգի առաջին ատյանի դատարանը ևս մեկ անգամ է դատապարտել Յանիս Հայալին, ով այս անգամ մեղադրվում է 2004թ. Տրապիզոնի ՄաքԴոնալդս ռեստորանում պայթյուն կազմակերպելու համար։ Պայթյունի արդյունքում վիրավորվել էր 6 մարդ: Այս մասին հաղորդում է Hurriyet-ը:
Հայալը նաև հայազգի լրագրող Հրանտ Դինքի սպանության մեջ կասկածվող հիմնական անձանցից մեկն է: Վերաքննիչ գերագույն դատարանը մասնակիորեն չեղյալ է համարել դատարանի նախկին որոշումը, համաձայն որի Հայալը դատապարտվել էր ավելի քան 6 տարի ազատազրկման և գործը վերադարձրել առաջին ատյանի դատարան:
Վերաքննիչ դատարանի որոշման մեջ ասվում է, որ տեղական դատարանի վճիռը, որը վերաբերվում է «պայթուցիկներ նետելուն», «այլոց սեփականությունը պայթուցիկ նյութերի միջոցով վնասելուն» և «մարդկանց պայթուցկիկ միջոցների միջոցով վիրավորելուն» պետք է վերանայվի և փորձարկման շրջան նշանակվի, ինչը ժողովրդի մեծամասնության կողմից դիտվում է որպես ներման շնորհում:

Տեղական դատարանը, այնուամենայնիվ, պնդել է իր որոշումը` նշելով, որ Հայալը կարող է կրկին հանցանք գործել: Դատարանը վերջնական որոշմամբ չի դադարեցնել պատժի կատարումը և Հայալին թողել է բանտում:


Թերթ.am

Շարունակել կարդալ >>>
Leer mas >>>

«Ամերիկացիները մեր կարիքը չունեն Ցեղասպանության փաստի մեջ համոզվելու». ՀՀ նախագահ

«Ամերիկացիներն իրենք են ականատեսն եղել Ցեղասպանությանը։ Ամերիկացիներն ունեցել են դիվանագետներ, ամերկացիներն ունեցել են միսիոներներ, ամերկացիներն ունեցել են բիզնեսմեններ, և ամերիկացիները մեր կարիքը չունեն համոզվելու Ցեղասպանության փաստի մեջ»,– այսօր իր պաշտոնավարման մեկ տարվա առիթով կազմակերպված մամուլի ասուլիսի ժամանակ հայտարարել է Հայաստանի նախագահ Սերժ Սարգսյանը։

Երկրի ղեկավարը որպես օրինակ նշել է, որ ԱՄՆ Կոնգրեսի արտաքին հարաբերությունների հանձնաժողովում տեղի ունեցած բազմաթիվ քննարկումների ժամանակ հազվադեպ են եղել այն ելույթները, որոնցում ասվում էր, թե Հայոց ցեղասպանություն չի եղել։ Քննարկումների ժամանակ մի մասն ասում էր՝ եղել է ցեղասապնություն, մյուս կեսը, թե հիմա ժամանակը չէ այն ճանաչելու։
«Այնպես որ, Միացյալ Նահանգները եթե համարեն, որ այսօր ցեղասպանության ճանաչումը կարող է հանդիսանալ գործոն, որը կխոչընդոտի նոր ցեղասպանությունների կազմակերպմանը, որ կօգնի պայքարելու տեռորզիմի դեմ, այլ հանցագործությունների դեմ, Միացյալ Նահանգները դա կանեն, եթե ոչ, դա չեն անի։ Ես չեմ կապում այս գործընթացը մեր հարաբերությունների հետ (նկատի ունի Հայոց ցեղասպանության ճանաչման գործընթացի ազդեցությունը հայ–թուրքական հարաբերությունների վրա–հեղ.)։ Եթե կապենք, ապա յուրաքանչյուր ճանաչման դեպքում մեր հարաբերությունները կարող են վատանալ։ Մենք չէ, որ ԱՄՆ–ին դրդում ենք ճանաչել Հայոց ցեղասպանությունը»,– ասել է նախագահ Սերժ Սարգսյանը։


Թերթ.am

Շարունակել կարդալ >>>
Leer mas >>>