Հայոց ցեղասպանության զոհերի 1000 ժառանգներ փոխհատուցում կստանան AXA-ից

Հայոց ցեղասպանության զոհերի կամ տուժածների գրեթե 1000 ժառանգներ հունվարի 31-ից 2 շաբաթվա ընթացքում AXA ապահովագրական ընկերությունից կստանան իրենց հասանելիք փոխհատուցման գումարները։

Ինչպես «Օրեր» եվրոպական ամսագրին տեղեկացրել է ամերիկահայ հայտնի փաստաբան Վարդգես Եղիայանը, 12 հազարից ավելի դատական հայցեր մերժվել են, և այդ մասին բոլոր հայցվորները ծանուցում կստանան։
Հայտնի է, որ «Աքսա»-ի դեմ հարուցված դատական գործի արդյունքում, 2007թ. հայ փաստաբանների խումբը շահել էր դատը։ 17,5 միլիոն դոլարի փոխհատուցումից 11 միլիոնը պետք է բաժանվի ժառանգներին, իսկ մնացածը` փաստաբաններին և Ֆրանսիայի հայկական կազմակերպություններին։
Թերթ.am

Շարունակել կարդալ >>>
Leer mas >>>

Իսրայելն այլևս չի կարող անտեսել Հայոց ցեղասպանության փաստը. Independent

Հայտնի բրիտանացի վերլուծաբան և հոդվածագիր Ռոբերտ Ֆիսկը Independent–ում հրապարակված իր վերջին հոդվածում գրում է. «Իսրայելն օրերս կրկին հարգանքի տուրք էր մատուցում 20-րդ դարի երկրորդ Հոլոքոստի զոհերի հիշատակին: Սակայն, ըստ հոդվածագրի, Իսրայելի հայկական համայնքի անդամները չէին մասնակցում իսրայելական պաշտոնական արարողություններին։

Բրիտանացի վերլուծաբանի կարծիքով` դրա պատճառը, հավանաբար այն է, որ Իսրայելը պաշտոնապես չի ճանաչում Հայոց ցեղասպանությունը, և մեկնաբանում է՝ թուրք-իսրայելական դիվանագիտական և ռազմավարական հարաբերություններն ավելի կարևոր են, քան Ցեղասպանությունը: «Կամ ավելի կարևոր էին»,– ավելացնում է վերլուծաբանը։
Ռոբետ Ֆիսկը մեջբերում է «Երուսաղեմի 2000-հոգանոց ազդեցիկ հայկական համայնքի ականավոր ներկայացուցիչ», պատմաբան Ջորջ Հինթլյանի խոսքերը, թե «կան բաներ, որոնք անբացատրելի են. գուցե, իսրայելցիներին դուր չի գալիս այն, որ մեկ այլ ցեղասպանություն էլ է եղել»:

«Բայց ժամանակները փոխվում են: Ինչ Թուրքիան սկսել է խոսել Իսրայելի կողմից Գազայի հատվածում պաղեստինցիների սպանդի մասին, իսրայելցի բարձրաստիճան պաշտոնյաները հակարծ իրենց համար նորից հայտնաբերել են Հայոց ցեղասպանությունը։ Ովքե՞ր են թուրքերը, որ խոսեն զանգվածային սպանդի մասին: Ի՞նչ է, որևէ մեկը մոռացե՞լ է Հայոց ցեղասպանության մասին»,– գրում է վերլուծաբանը:

Ջորջ Հինթլյանը հիշեցրել է՝ «երեք տասնամյակ շարունակ իսրայելական հեռուստաալիքներով չի ցուցադրվել Հայոց ցեղասպանության մասին վավերագրական որևէ ֆիլմ, քանի որ դա կվիրավորեր թուրքերին: Եվ հանկարծ անցած տարի իսրայելցի բարձրաստիճան պաշտոնյաներ պահանջեցին, որ նման ֆիլմ ցուցադրվի»:

Բոլորն սկսեցին խոսել Հայոց ցեղասպանության մասին. Ջորջ Հինթլյանը հայտնվեց իսրայեկան հեռուստաեթերում փոխարտգործնախարար Դենի Այալոնի հետ, որը վիրավորել էր թուրք դեսպանին` ստիպելով նրան նստել ավելի ցածր բազմոցի վրա, և Իսրայելի Կնեսետի խոսնակ Ռուվեն Ռիվլինի հետ, որն ասաց, որ Իսրայելը պետք է «ամեն տարի» հարգանքի տուրք մատուցի Հայոց ցեղասպանության զոհերի հիշատակին:

Բրիտանացի վերլուծաբանի հոդվածում նշվում է, որ այժմ իսրայելական մամուլը Հայոց ցեղասպանությունն անվանում է Shoah։ Դա այն բառն է, որն իսրայելցիներն օգտագործում են հրեական Հոլոքոստի մասին խոսելիս:

Թերթ.am

Շարունակել կարդալ >>>
Leer mas >>>

Թուրքիայի դպրոցական դասագրքերից հանվել է «Արարատ» անվանումը

Թուրքական դպրոցական դասագրքերում Արարատ լեռը ներկայացվում է միայն «Աղրը Դաղը» անունով:

Թուրքիայի կրթության նախարարության կողմից 2007թ. պատրաստված և հրատարակված 11-րդ դասարանի համար նախատեսված աշխարհագրության դասագրքում բիբլիական լեռը ներկայացվում էր ոչ թե «Աղրը Դաղը», այլ հենց «Արարատ» անունով (Արարատ լեռան պաշտոնական անվանումը Թուրքիայում Աղրը Դաղը է):

«Ֆըրաթ» գործակալության փոխանցմամբ` այդ քայլի դեմ իրենց բողոքի ձայնն էին բարձրացրել Թուրքիայի ազգայնական շրջանակները: Թուրքիայի կրթության և գիտության ոլորտի աշխատողների արհմիության նախագահ Իսմայիլ Քոնջուքը հայտարարել էր, թե երկրի կրթության նախարարությունը նման կերպ նպաստում է հայկական քարոզչությանը:
«Աններելի է նախարարության կողմից հավանություն ստացած աշխարհագրության դասագրքում տեղ գտած այդ վրիպակը, քանի որ «Արարատ» անվանումը մեր օրերում դարձել է այսպես կոչված Հայոց ցեղասպանության խորհրդանիշ»,- հայտարարել էր Քոնջուքը:

Հարցին միջամտել էր նաև Թուրքիայի «Ազգայնական շարժում» կուսակցությունը և կրթության նախարարից պահանջել էր բացատրություններ տալ կատարվածի համար:

Այդ ամենից հետո Թուրքիայի կրթության նախարարությունը հավաքել է դասագրքերը և «Արարատ» անվանումը փոխարինել «Աղրը Դաղը»-ով:

«Քանի որ գրքում զետեղված քարտեզը հստակ չէր պատկերված, այդ բառը չէր հասկացվում: Երկրորդ ուսումնասիրության ժամանակ ամեն ինչ պարզ դարձավ, և նոր հրատարակության մեջ արդեն գրվեց «Աղրը Դաղը» անվանումը: Նահանգապետարաններն այս ամսին իրազեկել են մեր դպրոցներին»,- հայտարարել է Թուրքիայի կրթության նախարար Նիմեթ Չուբուքչուն:

Ավելի վաղ թուրքական ազգայնական շրջանակները բողոքում էին Google-Earth-ի կողմից «Արարատ» անվանումը գործածելու դեմ և պահանջում, որպեսզի հարցին միջամտի Թուրքիայի կրթության նախարարությունը:

Թերթ.am

Շարունակել կարդալ >>>
Leer mas >>>

Շվեյցարիան հրաժարվում է գրավոր երաշխիքներ տալ Թուրքիային

Թուրքիան դիմել է Միացյալ Նահանգներին, ինչպես նաև Երևանի ու Անկարայի միջև բանակցությունների պաշտոնական միջնորդ Շվեյցարիային ՀՀ Սահմանադրական դատարանի որոշման հետ կապված գրավոր պարզաբանման խնդրանքով։ Մասնավորապես, Անկարան պատրաստվում է բանակցություններ սկսել Շվեյցարիայի և Միացյալ Նահանգների հետ՝ փորձելով ստանալ իրավական երաշխիքներ առ այն, որ ՀՀ Սահմանադրական դատարանի ընդունած որոշումն Անկարային չի խանգարի վիճարկել Հայոց ցեղասպանության իրողությունը։ Այդ մասին հաղորդում է թուրքական Hurriyet-ը։«Մենք կարող ենք ստեղծել պատմաբանների հանձնաժողով, որը կարող է խոսել 1915–ի իրադարձությունների մասին, սակայն չի կարող քննարկել Ցեղասպանության հարցը, քանի որ ՀՀ Սահմանադրական դատարանի որոշմամբ՝ դա քննարկման թեմա չէ»,- պարբերականի հետ զրույցում նշել է թուրք բարձրաստիճան պաշտոնյան։

Նա նաև նշել է, որ չնայած Շվեյցարիան չի ցանկանում գրավոր երաշխիք տալ ՀՀ Սահմանադրական դատարանի որոշման վերաբերյալ, այնուամենայնիվ, պաշտոնական Անկարան շարունակելու է բանակցությունները Բեռնի և Վաշինգտոնի հետ` իրավական հիմքերով որոշում գտնելու համար:
Թերթ.am

Շարունակել կարդալ >>>
Leer mas >>>

21-ամյա աղջիկը սովորում է առաջին դասարանում

Դոնի Ռոստովի 21-ամյա բնակչուհի Օլգա Սոբուրը, ով երբեք նախկինում դպրոց չի հաճախել, այս տարվա հունվարին առաջին անգամ գնացել է միջնակարգ դպրոցի առաջին դասարան: Այս մասին հաղորդում է газета.ru-ն:

«Օլգայի մայրը մահացել էր, հայրը նրանով չէր զբաղվում, ստացվել է այնպես, որ նա երբեք չի սովորել»,- նշել է դպրոցի տնօրեն Վալենտինա Տոկարևան` հավելելով, որ աղջիկը վաստակել է իր ապրուստը` աշխատելով որպես վաճառողուհի և զուգահեռաբար սովորելով կարդալ ու գրել:
Այժմ Օլգան սովորում է առաջին դասարանում: «Սա հեռակա ուսուցում է, որը նախատեսում է ինքնուրույն տնային աշխատանք և քննություններ դպրոցում, սակայն քանի որ աղջիկը չի սովորել դպրոցում, մենք նրա համար կազմակերպել ենք ուսուցիչների հետ անհատական պարապմունքներ»,- նշել է դպրոցի տնօրենը: Աղջիկը սովորում է հատուկ իր համար մշակված կրթական ծրագրով:

Tert.am

Շարունակել կարդալ >>>
Leer mas >>>

Թուրքիան Հայոց ցեղասպանության հարցում այս տարի մտահոգվելու առիթ չունի՞

Այս տարի Թուրքիան անհանգստանալու որևէ առիթ չունի` կապված ամերիկյան Կոնգրեսի` Հայոց ցեղասպանության վերաբերյալ բանաձևի հնարավոր ընդունման հետ: Այս մասին թուրքական NTV հեռուստաալիքին տված հարցազրույցում ասել են Թուրքիայի արտաքին քաղաքական գերատեսչության բարձրաստիճան պաշտոնյաները, որոնց անունները չի նշվում:

«Այս տարի օրակարգում ոչ թե ապրիլի 24-ն է, այլ հայ-թուրքական Արձանագրությունների ապագան»,- նշել են թուրք դիվանագետները:

Իր հերթին NTV-ի լուրերի տնօրեն Մեթե Չաբուքչուն, մեկնաբանելով հայ-թուրքական հարաբերությունների կարգավորման գործընթացի վերջին զարգացումները, նշում է, որ Թուրքիան չի ցանկանում ստեղծված իրավիճակում դառնալ բանակցային սեղանը լքող կողմ:
«Բարի, իսկ ի՞նչ է անում Թուրիքան ստեղծված իրավիճակում: Ցույց տալու համար, որ ինքը չի ցանկանում գործընթացի տապալումը` ԱՄՆ-ից և Շվեյցարիայից երաշխիք է պահանջում, այն էլ` գրավոր»,- նշում է Չաբուքչուն` ընդգծելով, որ Թուրքիան, գրավոր երաշխիքներ պահանջելով, հետապնդում է այս գործընթացում ԱՄՆ-ին և Շվեյցարիային պատասխանատու դարձնելու նպատակ:

Անդրադառնալով ղարաբաղյան հակամարտության կարգավորման գործընթացին` Չաբուքչուն ընդգծում է, որ պետք է ակտիվացնել բանակցային գործընթացը: «Կարևոր է, որ արագություն հաղորդվի Հայաստանի և Ադրբեջանի միջև ընթացող բանակցային երթևեկությանը: Ադրբեջանցիները հայտարարում են, թե սահմանները կարող են բացվել, եթե հայերը դուրս գան Լեռնային Ղարաբաղին հարակից հինգ շրջաններից: Իսկ հայերը հարցի ամբողջական լուծման կողմնակից են: Հայտնի է նաև, որ Թուրքիան ոչ մի քայլ չի անի Արձանագրությունների վավերացման հարցում, քանի դեռ առաջընթաց չի գրանցվել ղարաբաղյան հիմնախնդրում»,- նշում է NTV-ի լուրերի տնօրենը` եզրակացնելով, որ Կովկասում ճգնաժամ է հասունանում:
Թերթ.am

Շարունակել կարդալ >>>
Leer mas >>>

Թուրքիան կամակորություն է անում` գործընթացից դուրս գալու համար. թուրքագետ

«Թուրքիան կամակորություն է կատարում, խնդիրներ է հարուցում, որպեսզի կարողանա հետ կանգնել հայ-թուրքական կարգավորման գործընթացից` առանց միջազգային հանրության ճնշման թիրախ դառնալու»,- այս կարծիքը հայտնեց թուրքագետ Հակոբ Չաքրյանը` Tert.am-ի խնդրանքով մեկնաբանելով այն տեղեկատվությունը, թե Թուրքիան սկսում է իրավաբանական խորհրդակցություններ` կապված ՀՀ ՍԴ որոշման հետ։Թուրքագետի խոսքով, Հայաստանի ՍԴ-ի որոշումը Թուրքիային չի վերաբերվում։ Այն ընդամենը հայկական իշխանություններին հիշեցնում է, որ նրանք պետք է հետամուտ լինեն Հայոց ցեղասպանության միջազգային ճանաչմանը, ինչպես նաև ամրագրում, որ Արձանագրությունների վավերացումը կապ չունի որևէ մեկ այլ խնդրի կամ երրորդ կողմի հետ։ Այս պարագայում ՍԴ որոշման առնչությամբ իրավական երաշխիքներ ստանալու Թուրքիայի ցանկությունը, ըստ Հակոբ Չաքրյանի, գործընթացից դուրս գալու քայլ է` գործընթացի տապալման պատասխանատվությունը Հայաստանի վրա բարդելու ցանկությամբ։

Թուրքիայի կամակորության պատճառներից մեկն էլ, Հակոբ Չաքրյանի կարծիքով, Թուրքիայի վարչապետ Էրդողանի այցերն էին ԱՄՆ և Ռուսաստան, որտեղ «նախագահներ Օբաման և Պուտինը նրան ասել են, որ հայ-թուրքական և ղարաբաղյան խնդիրները հնարավոր չէ կապակցել միմյանց»։ Ըստ թուրքագետի` հայ-թուրքական հարաբերությունների կարգավորման «իրական ցանկացողները» միջազգային ուժերն էին, հետևաբար` գործընթացի տապալման դեպքում նրանք պետք է մեղադրեն Թուրքիային։

Շարունակել կարդալ >>>
Leer mas >>>

Թուրքիայի ԵՄ անդամակցության հարցում Եվրոպան երկատվել է

Թուրքիայի ԵՄ անդամակցության հարցում եվրոպացիները բաժանվել են երկու հավասար մասերի: Այս մասին են վկայում եվրոպական հինգ երկրներում անցկացված հասարակական կարծիքի հարցման արդյունքները:

Ինչպես հաղորդում է «Ֆրանսպրես» գործակալությունը, հարցումն իրականացվել է Մադրիդի, Գրանադայի և Բողազիչիի համալսարանների կողմից Գերմանիայում, Իսպանիայում, Ֆրանսիայում, Լեհաստանում և Անգլիայում:
Հարցման մասնակիցների 47%-ը կողմ, 47%-ը` դեմ է արտահայտվել Թուրքիայի ԵՄ անդամակցությանը: Իսկ Թուրքիայի Եվրամիության անդամ դառնալու հարցը հանրաքվեի միջոցով լուծելուն կողմ է արտահայտվել հարցվածների 41%-ը, դեմ` 52%-ը:

Թերթ.am

Շարունակել կարդալ >>>
Leer mas >>>

Պատմական Հայաստանի քարտեզը կատաղեցրել է թուրք դիվանագետին

Վաշինգտոնում Թուրքիայի դեսպանատան աշխատակիցներից մեկը, որի անունը չի նշվում, վրդովվել է` տեսնելով պատմական Հայաստանի քարտեզը ԱՄՆ Ջորջ Վաշինգտոնի համալսարանի կազմակերպած «Հայ-թուրքական Արձանագրությունները. իրողություններն ու միֆերը» խորագրով սեմինարի ժամանակ:


«Անադոլու» գործակալության փոխանցմամբ, թուրքական դեսպանատան աշխատակիցը, տեսնելով, որ սեմինարի կազմակերպիչները պատից կախել են պատմական Հայաստանի քարտեզը, դժգոհություն է հայտնել։ Նա նաև բողոքել է, որ սեմինարին թուրքական կողմի տեսակետն արտահայտող որևէ մեկը չի հրավիրվել:
Անդրադառնալով Ցեղասպանությանը` թուրքական դեսպանատան աշխատակիցը նշել է, թե այդ հարցում թուրքական կողմն իր տեսակետն արդեն ներկայացրել է: Սակայն, ըստ թուրք դիվանագետի, Թուրքիայի` պատմաբանների համատեղ հանձնաժողով ստեղծելու և արխիվները բացելու առաջարկներին հայկական կողմը չի արձագանքել:

Քարտեզը կախելու պատասխանատվությունն ստանձնել է Ջորջ Վաշինգտոնի համալսարանի իրավաբանական դպրոցի դասախոս Շոն Մըրֆին՝ վստահեցնելով, որ այդ քարտեզը կախելով` ինքը որևէ հետին միտք չի ունեցել։
Թերթ.am

Շարունակել կարդալ >>>
Leer mas >>>

Հայ-թուրքական կարգավորման գործընթացի ձախողման վտանգ կա. Ռուբեն Սաֆրաստյան

«Ես կարծում եմ, որ հայ-թուրքական հարաբերությունների կարգավորման գործընթացը կարող է ձախողվել»,- Tert.am-ի հետ զրույցում նման կարծիք հայտնեց ՀՀ ԳԱԱ Արևելագիտության ինստիտուտի տնօրեն, թուրքագետ Ռուբեն Սաֆրաստյանը։ Ըստ նրա` «այդպիսի վտանգ կա, բայց դա դեռ վերջնական ձախողում չէ։ Ժամանակ կա, և եթե թուրքական կողմը կատարի իր պարտավորությունները, գործընթացը կշարունակվի»։Անդրադառնալով ԱՄՆ պետքարտուղարության մամուլի խոսնակ Ֆիլիպ Քրոուլիի վերջին հայտարարությանը` Սաֆրաստյանը նշեց, որ այն առաջին հերթին և գլխավորապես ուղղված է Թուրքիային, քանի որ հենց վերջինս է պատրվակներ փնտրում գործընթացը դանդաղեցնելու, կասեցնելու կամ էլ ընդհանրապես գործընթացից դուրս գալու համար։

Հիշեցնենք, որ Քրոուլին նշել էր, թե ԱՄՆ-ն շահագրգռված է հայ-թուրքական Արձանագրությունների շուտափույթ վավերացմամբ, ինչպես նաև կարևորել էր այն հանգամանքը, որ կողմերը կատարեն իրենց ստանձնած պարտավորություններն ու վավերացնեն արդեն ստորագրված Արձանագրությունները։

Շարունակել կարդալ >>>
Leer mas >>>

Շվեյցարիան չի հաստատում թուրքական ապատեղեկատվությունը

Շվեյցարիան շարունակում է հավատարիմ մնալ Հայաստանի և Թուրքիայի հարաբերությունների բարելավման գործընթացին աջակցություն ցուցաբերելու քաղաքականությանը: Այս մասին ԱՊԱ-ին հայտնել են Շվեյցարիայի արտաքին գործերի նախարարությունում:

«Մենք անհամբեր սպասում ենք Արձանագրությունների վավերացման գործընթացին, որը ճանապարհ կհարթի այն քայլերի իրականացման համար, որոնք նախատեսված են այդ փաստաթղթերով»,- նշել են Շվեյցարիայի ԱԳՆ-ում:
Շվեյցարիայի արտաքին գործերի նախարարությունը հրաժարվել է մեկնաբանել պաշտոնական Անկարայի դիրքորոշումը, որը հրաժարվում է ուղարկել փաստաթղթերը թուրքական խորհրդարան վավերացման համար` պատճառաբանելով դա ՀՀ Սահմանադրական դատարանի որոշմամբ:

«Հայաստանի և Թուրքիայի հարաբերությունների բարելավման գործընթացում միջնորդությունը Շվեյցարիայի ընդհանուր քաղաքականությունն է, և մենք հրաժարվում ենք այդ հարցի ինչ-որ պահի հետ կապված որևէ մեկնաբանություն տալ»,- եզրափակել է Շվեյցարիայի ԱԳՆ-ն:

Այսպիսով պաշտոնական Բեռնը չի հաստատել թուրքական հերթական ապատեղեկատվությունը, ըստ որի` Հայաստանի Սահմանադրական դատարանի կայացրած որոշման հետևանքով հայ-թուրքական հարաբերությունների կարգավորման գործընթացում առաջ եկած անհանգստությունների առնչությամբ պաշտոնական Բեռնը իբր երեք ուղերձ էր հղել պաշտոնական Երևանին:

Հիշեցնենք, որ երեկ թուրքական «Սթար» թերթը գրել էր, թե շվեյցարացի մի դիվանագետ իր հայ պաշտոնակցին հղել էր հետևյալ ուղերձները.

1. Հայաստանի Սահմանադրական դատարանի որոշումը դանդաղեցնելու է գործընթացը:
2. Երկու արձանագրությունները մեկ ամբողջություն են:
3. Մենք հավատում ենք, որ հայկական կողմը Սահմանադրական դատարանի որոշումը կմեկնաբանի արձանագրությունների ոգուն համապատասխան:

Ավելին, ինչպես Tert.am-ին փոխանցեցին մեր դիվանագիտական աղբյուրները, իրականում տեղի է ունեցել ճիշտ հակառակը. Շվեյցարիայից զանգահարել և հիշյալ ուղերձները փոխանցել են Թուրքիային:

Շարունակել կարդալ >>>
Leer mas >>>