Քննարկվել է Թուրքիայի մասին Եվրախորհրդարանի զեկույցը

Անցյալ շաբաթ Հաագայում ՀՅԴ Հոլանդիայի Հայ Դատի հանձնախմբի չորս անդամներ հանդիպեցին Նիդեռլանդների Քրիստոնեա-ժողովրդավարական կուսակցության (CDA) խորհրդարանական խմբակցության քարտուղար Սիբրանդ վան Հաերսմա Բումայի հետ:

Հանդիպման նպատակը նույն կուսակցությունից Եվրախորհրդարանի անդամ տիկին Օմեն-Ռաույթենի` Թուրքիայի մասին զեկույցի առնչությամբ Հայ Դատի հանձնախմբի մտահոգությունների արծարծումն էր:

Տիկին Օմեն-Ռաույթենը Եվրախորհրդարանի հանձնարարությամբ արդեն երկու տարի է` զեկույց է պատրաստում Թուրքիայի ներքաղաքական և հասարակական իրավիճակի մասին, որը, սկզբունքորեն, Եվրամիության գնահատականն է Թուրքիայի` երկիրը եվրոպական չափանիշներին համապատասխանեցնելուն ուղղված աշխատանքներին:

Եթե նախկինում նույն կուսակցության անդամ Էուրլինգսը բավական անաչառ և արդարացի զեկույց էր պատրաստում Թուրքիայի ներքաղաքական վիճակի մասին, ապա Օմեն-Ռաույթենը ինչ-ինչ պատճառներով փորձում է առնվազն մեղմել կամ իրենց անուններով չանվանել Թուրքիայում առկա խնդիրները:

Այսպես` Թուրքիայի ՔՕ 301-րդ հոդվածի կապակցությամբ նա մեղմորեն հիշատակում է, որ Եվրախորհրդարանը այն այլ կերպ կցանկանար տեսնել, իսկ Հայոց Ցեղասպանության մասին ընդհանրապես խոսք չկա: Մոռացության է մատնված նաև Թուրքիայի կողմից Հայաստանի շրջափակման փաստը:

Բնականաբար, զեկույցը մեծ վրդովմունք է առաջացրել հայկական շրջանակներում: Մանավանդ այն հանգամանքը, որ տիկին Օմեն-Ռաույթենը այն կուսակցության անդամ է, որը 2004 թվականին միաձայն քվեարկել է հօգուտ Հայոց Ցեղասպանությունը պաշտոնապես ճանաչող բանաձևի, Հայ Դատի հանձնախմբում երկմտանք է առաջացրել այդ հարցում կուսակցության դիրքորոշման վերաբերյալ:

Այդ պատճառով հանձնախմբի անդամները դիմել էին հանդիպման ակնկալիքով, և հունիսի 18-ին հանձնախմբի պատվիրակությանը ընդունեց պարոն Հաերսմա Բուման, որը, կուսակցության խորհրդարանական խմբակցության քարտուղարը լինելուց բացի, նաև Հայոց Ցեղասպանության հարցերի պատասխանատուն է:

Վերոհիշյալ խնդիրները ներկայացնելով` հանձնախմբի անդամները բացատրություն պահանջեցին տիկին Օմեն-Ռաույթենի հակահայ դիրքորոշման վերաբերյալ: Հաերսմա Բուման բացատրեց, որ իրենց կուսակցությունը Եվրախորհրդարանի` մի քանի քրիստոնեական կուսակցություններից կազմված խոշոր միավորման մասն է, որի դիրքորոշումների մշակման վրա հոլանդական կուսակցության ազդեցությունը բավականին փոքր է: Այս հանգամանքը հայացքների ընտրության ազատություն է տալիս զեկույցը պատրաստողին:

Այնուամենայնիվ, պարոն Հաերսմա Բուման խոստացավ Հայ Դատի հանձնախմբի դիտողությունները փոխանցել կուսակցության բյուրոյին և խորհուրդ տվեց անմիջապես ազդեցություն գործել նաև Եվրախորհրդարանի քրիստոնեական միության վրա:

Հանձնախմբի համար կարևոր էր նաև իմանալ Հայոց Ցեղասպանության վերաբերյալ կուսակցության արդի դիրքորոշման մասին: Պարոն Հաերսմա Բուման նշեց, որ իր կուսակցությունը հավատարիմ է այն տեսակետին, որը հիմք է ընդունվել Հայոց Ցեղասպանության մասին բանաձեւի օգտին քվեարկելիս, և չնայած այդ դիրքորոշումը թանկ նստեց կուսակցության վրա` ծագումով թուրք պատգամավորներ կորցնելու առումով, այնուամենայնիվ, Հայոց Ցեղասպանության փաստը որևէ կասկած չի հարուցում կուսակցության մեջ:

Հույս հայտնելով, որ կուսակցությունը հետևողականություն կդրսևորի իր անդամների կողմից նրա տեսակետների իրականացման գործում, Հայ Դատի հանձնախմբի անդամները հրաժեշտ տվեցին պարոն Հաերսմա Բումային:


/Երկիր /

Շարունակել կարդալ >>>
Leer mas >>>

Համաշխարհային դատարանի փաստաթուղթը բացահայտում է, որ ԱՄՆ-ը ճանաչել է Հայոց Ցեղասպանությունը

Չնայած ԱՄՆ նախագահ Բուշը և նրա մի քանի նախորդներ խուսափել են 1915թ. հայերի դեմ կազմակերպված զանգվածային սպանությունները բնութագրել որպես ցեղասպանություն, վերջերս հայտնի դարձավ, որ 57 տարի առաջ Միացյալ Նահանգների կառավարությունը պաշտոնապես ճանաչել է Հայոց Ցեղասպանությունը մի փաստաթղթով, որը ներկայացվել էր Արդարադատության միջազգային դատարան, ինչը նաև հայտնի է որպես Համաշխարհային դատարան:

Հայոց Ցեղասպանությանն անդրադարձող` կեսդարյա վաղեմության այս փաստաթուղթը հայտնաբերել է պրոֆեսոր Ուիլյամ Ա. Շաբասը, ով 2008թ. հունիսի 4-ին այն տեղադրել էր «PhD Studies in Human Rights» կայքէջում: Պրոֆեսոր Շաբասը, որը ցեղասպանության և միջազգային իրավունքի համաշխարհային ճանաչում ունեցող մասնագետ է, Գելվեյ քաղաքում գտնվող Իռլանդիայի ազգային համալսարանի մարդու իրավունքների իռլանդական կենտրոնի տնօրենն է:

Միացյալ Նահանգների կառավարության կողմից Արդարադատության միջազգային դատարան ներկայացված այս փաստաթուղթը ընդգրկված է Արդարադատության միջազգային դատարանի 1951թ. մայիսի 28-ի զեկույցում, որը վերնագրված է. «Ցեղասպանություն հանցագործության կանխման և պատժի վերաբերյալ կոնվենցիային ուղղված վերապահում»:Հայոց Ցեղասպանության մասին խնդրո առարկա հիշատակումը գտնվում է Արդարադատության միջազգային դատարանի զեկույցի 25-րդ էջում. «Ցեղասպանության մասին կոնվենցիան արդյունք է անմարդկային և բարբարոսական գործողությունների պրակտիկայի, որը տարածված է եղել որոշ երկրներում մինչ երկրորդ համաշխարհային պատերազմը և դրա ընթացքում, երբ կրոնական, ռասայական և ազգային փոքրամասնությունների ամբողջ խմբեր գտնվել են կանխամտածված ոչնչացման սպառնալիքի տակ և ենթարկվել են կանխամտածված ոչնչացման: Ցեղասպանության գործողություններ տեղի են ունեցել մարդկային պատմության ամբողջ ընթացքում:

Քրիստոնյաների հալածանքները Հռոմի կողմից, հայերի կոտորածները թուրքերի կողմից, միլիոնավոր հրեաների և լեհերի ոչնչացումը նացիստների կողմից ցեղասպանության հանցանքի վառ օրինակներն են»:

Սա շատ կարևոր հայտարարություն է, քանզի այն արվել է այդ ժամանակվա ամերիկյան կառավարության կողմից միայն մեկ նպատակով` ասել ճշմարտությունը` առանց հաշվի առնելու որևէ քաղաքական կամ այլ նկատառումներ: Ո՛չ հայերը և ո՛չ էլ թուրքերը Միացյալ Նահանգների հայտարարության վերաբերյալ քարոզչություն կամ հակաքարոզչություն չեն իրականացրել: Այլ կերպ ասած` այն պարզապես արվել է պատմական փաստերի հիման վրա:

Որքան այլ է իրավիճակն այսօր, երբ Սպիտակ տունը պատրաստակամորեն տեղի է տալիս Թուրքիայի կառավարության սպառնալիքներին և ճնշումներին` խոչընդոտելով Ներկայացուցիչների պալատին` ընդունել Հայոց Ցեղասպանությունը հիշատակող բանաձևը: Այժմ, երբ Միացյալ Նահանգների կառավարության կողմից ընդունված այս քննադատական փաստաթուղթը, որը ներկայացվել էր Արդարադատության միջազգային դատարանին, ի հայտ է եկել, այլևս կարիք չկա ավելորդ ջանքեր գործադրել` փորձելու և վերահաստատելու համար Հայոց Ցեղասպանության փաստերը Միացյալ Նահանգների Կոնգրեսի կողմից, մասնավորապես` քանի որ Ներկայացուցիչների պալատը 1975թ. եւ 1984թ. ընդունել է Հայոց Ցեղասպանության հիշատակմանը վերաբերող, համապատասխանաբար, 247 և 148 բանաձեւերը:

Ավելին, չկա ոչ մի հատուկ պատճառ պնդելու, որ Միացյալ Նահանգների հաջորդ նախագահը ճանաչի Հայոց Ցեղասպանությունը, քանի որ նախագահ Ռոնալդ Ռեյգանը դեռեւս 1981թ. ապրիլի 22-ին հրապարակել է թիվ 4838 նախագահական հռչակագիրը, որում նշված է. «Հոլոքոստի դասերը պետք է երբեք չմոռացվեն, ինչպես և դրանից առաջ տեղի ունեցած Հայոց Ցեղասպանությունը, դրանից հետո եղած կամբոջացիների ցեղասպանությունը, ու ինչպես շատ այլ նմանատիպ հալածանքներ` ուղղված շատ այլ ժողովուրդների դեմ»:

Իհարկե, եթե ընտրված մի պաշտոնյա հրապարակի Հայոց Ցեղասպանության փաստերը վերահաստատող հայտարարություն, նման ճանաչումը կարժանանա աշխարհասփյուռ հայության հավանությանը: Մյուս կողմից, եթե պետական մի պաշտոնյա ժխտի կամ հրաժարվի ճանաչել Հայոց Ցեղասպանությունը, ապա ամերիկահայերը լավ պատճառ կունենան նրան չաջակցելու ընտրություններում:

Անկախ այդ բանից, թե որքանով են համաձայն նախագահ Ռեյգանի քաղաքականությանը, շատ մարդիկ ընդունում են, որ նա սկզբունքային մարդ էր: Նրա հաջորդները` նախագահ Ջորջ Հ.Վ. Բուշը, Բիլ Քլինթոնը եւ Ջորջ Վ. Բուշը, չեն կարողացել դրսևորել նման բարոյական առաջնորդություն: Իրենց նախագահական քարոզարշավների ընթացքում նրանք խաբեցին ընտրողներին` խոստանալով ճանաչել Հայոց Ցեղասպանությունը, և ընտրվելուց հետո խախտեցին իրենց խոստումները:

Հիշատակված վերջին երեք ԱՄՆ նախագահները ոչ միայն չկատարեցին իրենց խոստումը, այլև շատ ավելի հեռուն գնացին. նրանք իրենց ուժերի ներածին չափով ամեն ինչ արեցին` կանխելու համար Հայոց Ցեղասպանության վերաբերյալ Կոնգրեսի բանաձևերը: Այս ստոր մերժողականների անունները պետք է ընդմիշտ փորագրվեն հատուկ «անպատվության պատին», որպեսզի հաջորդ սերունդները չմոռանան պարսավանքի արժանի նրանց վարքի մասին:

1951թ. Միացյալ Նահանգների կառավարության կողմից Միջազգային դատարան ներկայացված պաշտոնական հայտարարության, ինչպես նաև 1975թ. եւ 1984թ. ընդունված երկու բանաձևերի, նախագահ Ռեյգանի 1981թ. հայտարարության և ԱՄՆ ավելի քան 40 նահանգների և ԱՄՆ հարյուրավոր քաղաքների կողմից ընդունված բանաձևերի հիման վրա հայերը այժմ Միացյալ Նահանգներին կարող են դասել այն ավելի քան 20 երկրների շարքում, որոնք պաշտոնապես ճանաչել են Հայոց Ցեղասպանությունը:

Նրանք, ովքեր պնդում են, որ Միացյալ Նահանգները չի ճանաչել Հայոց Ցեղասպանությունը, խեղաթյուրում են այս հարցի շուրջ Միացյալ Նահանգների կառավարության հստակ արձանագրումը:

Հարութ Սասունյան
«Կալիֆոռնիան կուրիերի» հրատարակիչ
Երկիր

Շարունակել կարդալ >>>
Leer mas >>>

Խստիվ քննադատվել է ԱՄՆ դիվանագետների «պարը ցեղասպանություն բառի շուրջը»

«Ամոթ է, որ արտաքին գործերի ծառայություններում աշխատելը որպես կարիերա ընտրած պաշտոնյաները հանձնաժողովի առաջ կանգնեն և դժվարություններ ունենան ընդունելու պատմական փաստերը և ճանաչելու միջազգայնորեն ընդունված իրականությունները: Զարմանալի է, որ մենք կարող ենք խոսել մեկուկես միլիոն մարդկանց մասին, որոնց կոտորել են, կանանց մասին, որոնց բռնաբարել են, կամ բոլոր մյուսների մասին, որոնց բռնի տեղահանել են իրենց բնօրրանից, և նախագահի մակարդակով հաստատումներ լսել այդ բոլորի մասին, բայց չկարողանալ անվանել այդ ամենը իր իսկական անունով: Դա մի տեսակ անմիտ պար է, որ վարչակազմը պարում է ցեղասպանություն եզրի գործածման շուրջը», ասել է համբերությունը կորցրած դեմոկրատ սենատոր Ռոբերտ Մենենդեսը ունկնդրելուց հետո ՀՀ-ում ԱՄՆ հաջորդ դեսպանի թեկնածու Մարի Յովանովիչի անհեթեթ պատասխանները ԱՄՆ Սենատի արտաքին հարաբերությունների հանձնաժողովում կայացած լսումներում, որոնց մասին «Ազգը» գրել է հունիսի 20-21-ի համարներում:

«Կալիֆոռնիա կուրիեր» թերթի հրատարակիչ և խմբագիր Հարութ Սասունյանը գրում է, որ Յովանովիչի խոսքերում երեք հիմնական թերություն կա: «Մեծ եղեռն» բառերի օգտագործումը նրա կողմից խելացի քայլ էր գուցե, բայց եթե նա ցանկանում էր հայկական եզրեր գործածել, ավելի ճիշտ կլիներ «Հայկական ցեղասպանություն» եզրը գործածել», գրում է նա և շարունակում. «Երկրորդ` ոչ թե Յովանովիչն է ասում` «շատ հայեր անվանում են», այլ հայերը կամ բոլոր հայերը հավատացած են, որ «կատարվածը ցեղասպանություն էր, և երրորդ` ճիշտ չէ, որ «Մ. Նահանգների երկու կուսակցություններից նախկին նախագահների քաղաքականությունն է եղել» չգործածել ցեղասպանություն բառը: Յովանովիչը պետք է տեղյակ լիներ, որ նախագահ Ռոնալդ Ռեյգանը օգտագործել էր այդ եզրը դեռ 1981 թվին:

Վերջին հարցի վերաբերյալ լսումների ժամանակ խուսափողական պատասխան է տվել նաև ԱՄՆ պետքարտուղարի օգնական Դենիել Ֆրիդը: Կոնգրեսական Ադամ Շիֆի հարցին, թե արդյոք հայերի զանգվածային սպանությունները ցեղասպանություն կորակե՞ր, նա պատասխանել է. «Այս վարչակազմի և նախագահի քաղաքականությունն է չօգտագործել այդ բառը, չնայած ուզում եմ հստակ լինել այն հարցում, որ մենք երբեք չենք ուրացել զանգվածային սպանությունների, ոճրագործությունների, բռնի տեղահանությունների և գազանությունների պատմական փաստերը, որոնք տեղի են ունեցել այդ տարիներին»:

Անկախ այն հանգամանքից, Սենատը կընդունի՞, թե՞ կմերժի Յովանովիչի թեկնածությունը, իրական հանցագործները պետքարտուղարության և Սպիտակ տան նրա ղեկավարներն են, որոնք ամոթի ամեն զգացում անտեսելով ենթարկվում են ճնշումներին օտարերկրյա չնչին մի իշխանության, որի ղեկավարները համարձակվում են լռեցնել այս մեծ երկրի առաջնորդներին: Մեր միակ հույսն այն է, որ առաջիկա նախագահական ընտրություններից հետո նախագահ Բուշից բացի մենք ցտեսություն կասենք բոլոր նրանց, ովքեր ստել են ու խաբել հանրությանը հանուն ժամանակավոր քաղաքական շահերի` անգամ նսեմացնելով ամերիկյան արժեքները», եզրափակում է իր հոդվածը Հարութ Սասունյանը:

/armtown.com/

Շարունակել կարդալ >>>
Leer mas >>>

Ամերիկայի հայ համայնքն ապասում է Բարակ Օբամայի հաջորդ քայլին դեպի Սպիտակ տուն

Լոս-Անջելեսում անցել է ԱՄՆ նախագահի պաշտոնի թեկնածու Բարակ Օբամայի կողմնակիցների առաջին հավաքը, որին ներկա էին բարերարներ, Հոլիվուդի աստղեր և Լոս-Անջելեսի ավելի քան կես միլիոնանոց հայ համայնքի ներկայացուցիչները: Իր ելույթում նախագայի թեկնածուն նշել է, որ «անհրաժեշտ է շտապ փոխել մթնոլորտը Վաշինգթոնում»: Նա նաև նշել է միավորման կարևորությունը ոչ միայն դեմոկրատական կուսակցության շրջանակներում, այլև ողջ ազգի մասշտաբներում՝ շեշտը դնելով այն կետի վրա, որ ամերիկացիները ընդհանուր նպատակներ ու հույսեր ունեն ինչպես Ամերիկայի, այնպես և ողջ աշխարհի համար:

«Մենք ուրախ ենք լինել Օբամայի հաջողության մի մասը: : Նա ավելի ակտիվ է, քան հանրապետականների, դեմոկրատների, անկախ թեկնածուների մեծամասնությունը, և մեր համայնքը միավորվել է ի աջակցություն Բարակ Օբամայի: Մենք հուսով ենք, որ սենատոր Օբաման կդառնա նախագահ Օբամա»,- ասել է հայ համայնքի ներկայացուցիչ Նորա Հովսեփյանը:

Ինչպես հաղորդել են PanARMENIAN.Net-ին Ամերիկայի Հայ Դատի Հանձնախմբի խաղաղօվկիանոսյան բաժնում (ANC-PAC), Լոս-Անջելեսի հայ համայնքը ողջունում է Օբամայի խիստ բարոյական դիրքորոշումը Օսմանյան կայսրությունում 1915-1923 թվականներին տեղի ունեցած Հայոց ցեղասպանության հարցի շուրջ: «Նա նաև պահանջում է դադարեցնել Հայաստանի շրջափակումը Թուրքիայի և Ադբեջանի կողմից, և հայ համայնքը շնորհակալ է նրան դրա համար: Բարակ Օբաման հանդիսանում է Սենատի արտաքին գործերի հանձնաժողովի անդամ, որը պետք է հաստատի Հայաստանում ԱՄՆ դեսպան Մարիյա Յովանովիչին»,- ասվում է ANC-PAC հաղորդագրությունում:

/armtown.com/

Շարունակել կարդալ >>>
Leer mas >>>

Լև Սպիվակ. Կնեսետում Հայոց ցեղասպանության հարցի քննարկման առաջարկը փաստ է, որի հետ պետք է հաշտվել

Կնեսետում Հայոց ցեղասպանության հարցի քննարկման առաջարկը փաստ է, որի հետ պետք է հաշտվել: Այդ մասին հայտարարել է Իսրայել-Ադրբեջան միության` «Ազիզ»-ի գլխավոր տնօրեն Լև Սպիվակը:
«Ես բացարձակ վստահ եմ, որ այդ օրենքը հերթական անգամ չի անցնի, սակայն ես նաև բացարձակ վստահ եմ, որ այն նորից և նորից են առաջադրելու: Եվ ընդ որում, միշտ պահպանվելու է այն ընդունելու հավանականությունը: Իսրաելի բնակչության բացարձակ մեծամասնությունը , այդ թվում քաղաքական գործիչները, այդ հարցին անտարբեր են վերաբերվում, իսկ եթե ավելի ճշգրիտ, ընդհանրապես տեղյակ չեն դրա գոյության մասին: Իսրայելի մամուլը ուշադրություն է դարձրել այդ օրենքին դրա քննարկման ժամանակ տեղի ունեցած սկանդալի պատճառով: Պատմությունը չի ավարտվել: Օրենքը վաղ թե ուշ քննարկվելու է Կնեսետի արտաքին քաղաքականության և պաշտպանության հանձնաժողովում, իսկ դա նշանակում է, որ կարող է վերադառնալ քվեարկության: Եվ անգամ չընդունվելու դեպքում ոչինչ չի խանգարում մեկ տարի անց նորից առաջադրել այն, ինչը և տեղի է ունենում»,- նշել է Սպիվակը: /հաղորդում է 1news.az-ը /


/PanARMENIAN.net/

Շարունակել կարդալ >>>
Leer mas >>>

Ջոզեֆ Պենինգտոն. Հայաստանում ԱՄՆ դեսպանի պաշտոնում Մարի Յովանովիչի թեկնածության հարցում բախտը ժպտացել է Հայաստանին

«Ուրախությամբ նշեմ, որ շատ լավ թեկնածու ունենք հանձինս դեսպան Յովանովիչի: Կարծում եմ, թեկնածուի հարցում բախտը ժպտացել է Հայաստանին: Մենք սպասում ենք նրա գալստյանը ու նա շատ լավ կաշխատի այստեղ»,-PanARMENIAN.Net-ին տված հարցազրույցում հայտարարել է Հայաստանում ԱՄՆ գործերի ժամանակավոր հավատարմատար Ջոզեֆ Պենինգտոնը: Նա հիշեցրել է, որ անհրաժեշտ է, որ սենատը հաստատի թեկնածությունը և դրա հետ կապված գործընթացը սկսվում է հինգշաբթի օրը: «Հուսով եմ, որ գործընթացն առանց նշանակալի խնդիրների կանցնի, սենատը կհաստատի դեսպան Յովանովիչի թեկնածությունը, ու դա շուտ կլինի: Կարծում եմ, Հայաստանը արժանի է ունենալու ամբողջականորեն ներկայացված ԱՄՆ առաքելություն, որի կազմում կլինի նաև դեսպան, բայց իհարկե սենատն էլ իր աշխատանքն է կատարելու, որի արդյունքը ես անկարող եմ կանխատեսել: Այնուհանդերձ, հուսով ենք, որ որոշումը կլինի դրական և մենք շուտով դեսպան կունենանք: Դեսպանի գալու համար ամենաշատը թերևս ես ուրախ կլինեմ»,-ընդգծել է նա:

Միևնույն ժամանակ Պենինգտոնը հույս է հայտնել, որ Ռիչարդ Հոգլանդի հետ կապված պատմությունը չի կրկնվի:«Դա բացասական կլինի թե Միացյալ Նահանգների, թե հայ-ամերիկյան հարաբերությունների համար, սակայն դա մեր ձեռքերում չէ, դա սենատի ձեռքին է ու տեսնենք, թե ինչ կլինի»,-ասել է ամերիկացի դիվանագետը: Ավելի վաղ ԱՄՆ նախագահ Ջորջ Բուշը Հայաստանում ԱՄՆ դեսպանի պաշտոնում առաջարկել էր Ռիչարդ Հոգլանդի թեկնածությունը, որի հաստատումը արգելափակեց սենատոր Ռոբերտ Մենենդեսը Հայոց ցեղասպանության ժխտման պատճառով: Նախկին դեսպան Ջոն Էվանսը ազատվեց դիվանագիտական ծառայությունից 1915 թ. իրադարձությունները հրապարակավ Հայոց ցեղասպանություն անվանելու պատճառով: Սենատի հանձնաժողովում Մարի Յովանովիչի թեկնածության քննարկումների ժամանակ սենատորներ Մենեդեսը, Բոքսերը եւ Օբաման 8 հարց են տվել թեկնածուին, որոնց նա պետք է գրավոր պատասխան տա: Ներկայումս քվեարկությունը Յովանովիչի թեկնածության վերաբերյալ հետաձգվել է մեկ ամսով:

armtown.com

Շարունակել կարդալ >>>
Leer mas >>>

Իսպանիայի խորհրդարանը կապիկներին շնորհել է մարդու իրավունքներ

Իսպանիայի խորհրդարանը ճանաչել է խոշոր մարդանման կապիկների կյանքի և ազատության իրավունքը, հայտնում է Reuters գործակալությունը:

Սա առաջին դեպքն է, երբ նման իրավունքներ պաշտոնապես շնորհվում են մարդուց բացի որևէ կենդանու: Տվյալ որոշումն ընդունվել է «Կապիկների մեծ նախագիծ» միջազգային կազմակերպության նախաձեռնությամբ, որը հիմնադրվել է 1993թ., սակայն մինչ օրս աշխարհում ոչ մի երկրում նման հաջողության չէր հասել:

Մոտ ժամանակներս Իսպանիայում օրենսդրությամբ կարգելեն կապիկների վրա փորձեր կատարել, ինչպես նաև նրանց մասնակցությունը կրկեսային և հեռուստատեսային շոուներին: Կենդանաբանական այգիներում կապիկներ պահել կթույլատրվի, սակայն վարչությունը ստիպված կլինի լրջորեն բարելավել նրանց բնակեցման պայմանները:

/Tert.am/

Շարունակել կարդալ >>>
Leer mas >>>

Կգա՞ արդյոք Թուրքիայի նախագահը Երևան

Հայաստանի նախագահ Սերժ Սարգսյանը Մոսկվայում հայտարարություն է կատարել, որը կարող է փոխել իրադրրությունը տարածաշրջանում: Խոսքը հայ-թուրքական հարաբերությունների հնարավոր բարելավման մասին է, ինչն անհրաժեշտ է ԱՄՆ-ին, ԵՄ-ին և իհարկե Թուրքիային: Չէ որ, հենց այդ կետը կարող է որոշիչ լինել ԵՄ-ի հետ բանակցություններում: Միացյալ Նահանգներին էլ է պետք խողովակատարերի անվտանգությունը, որը Ադրբեջանն ու Թուրքիան ի վիճակի չեն ինքնուրույն ապահովել:

ՀՀ նախագահը Մոսկվայում հայտարարել է, որ հայ-թուրքական հարաբերությունների հարցում Հայաստանի դիրքորոշումը հստակ է. Հարևան պետությունների միջև 21-րդ դարում չպետք է լինեն փակ սահմաններ: Ըստ Ս.Սարգսյանի, թուրքական կողմն առաջարկում է ձևավորել մի հանձնաժողով, որը պետք է ուսումնասիրի պատմական փաստերը: «Մենք դեմ չենք այդպիսի հանձնաժողովի ստեղծմանը, բ այց այն ժամանակ, երբ կբացվի սահմանը մեր պետությունների միջև: Այլապես, այն կարող է դառնալ հարցը տարիներով երկարաձգելու և շահավետ միջոց»,- նշել է նա: «Առաջիկայում մտադիր եմ նոր քայլեր ձեռնարկել հայ-թուրքական հարաբերությունները խթանելու ուղղությամբ: Ամենայն հավանականությամբ , ես կհրավիրեմ Թուրքիայի նախագահ Աբդուլա Գյուլին Երևան` միասին դիտելու Հայաստանի և Թուրքիայի ֆուտբոլի հավաքականների խաղը»,- հայտարարել է Ս.Սարգսյանը: Ավելորդ չի լինի հիշեցնել, որ Թուրքիայի նախագահը առաջիններից մեկն էր, ով շնորհավորեց Սերժ Սարգսյանին Հայաստանի նախագահի պաշտոնին ընտրվելու առթիվ:

Ճիշտ է, թերևս չենք կարող խոսել հայ-թուրքական սահմանի բացման անգամ մոտավոր ժամանակահատվածի մասին: Սակայն այն, որ Հայաստանի նախագահը պատրաստ է երկխոսության, արդեն լավ է: Փաստորեն, ԱՄՆ պետդեպարտամենտի հանձնարարականները երկխոսություն սկսելու առումով կարող են իրականություն դառնալ: Սակայն, ինչպես ասում էր և ասում է հայկական կողմը, առանց նախապայմանների: Թուրքական կողմից այդ նախապայմանները չափազանց շատ են: 1921 թվականի Մոսկվայի համաձայնագրի ճանաչում, Ղարաբաղի հակամարտութունն ու Հայոց ցեղասպանությունը Օսմանյան կայսրությունում: Հայկական կողմից, ինչպես հայտնի է, նման բան չկա: Բնական է, Հայաստանը կշարունակի երաշխավորի դեր խաղալ Լեռնային Ղարաբաղի բնակչության անվտանգության համար և ձգտել Հայոց ցեղասպանության փաստի միջազգային ճանաչմանը: Թուրքիայում պետք է հասկանան, որ ավելի հեշտ է ճանաչել Հայոց ցեղասպանությունը, քան միլիոններ ծախսել և շանտաժի ենթարկել ողջ աշխարհը: Եվ այդ հարցում Անկարային շատ է «խանգարում» Ադրբեջանը:

Բաքվին կարելի է հասկանալ. Ղարաբաղի հակամարտության կարգավորման հարցում չունենալով իրական դաշնակիցներ` նա հույսը դնում է Թուրքիայի վրա, որը ավելի մոտ է իրեն: Եվ ինչպես բազմաթիվ անգամներ ասվել է. Թուրքիան իրոք դարձել է Բաքվի, նրա շահերի, նրա էներգակիրների պատանդը և որքան դա կշարունակվի, հայտնի չէ. պարզապես հետաքրքիր է` ինչպես կվերաբերվի Ադրբեջանը, եթե Աբդուլահ Գյուլը ժամանի Երևան… Եթե Թուրքիայի նախագահը իրոք ցանկանում է բարելավել հարաբերությունները և պատասխանի Սարգսյանի հրավերին, ապա դա կլինի մեծ առաջընթաց: Եվս մի բան. նման հրավերները արվում են միայն այն ժամանակ, երբ կա որոշակի պայմանավորվածություն գոնե երկու երկրների ԱԳՆ մակարդակներով և անպայման երրորդ երկրի, տվյալ դեպքում ամենայն հավանականությամբ ԱՄՆ-ի միջնորդությամբ: Ռուսաստանը այս երկխոսությանը չի մասնակցում, քանի որ չի վերահսկում իրավիճակը և թվում է այնքան էլ չի ցանկանում այդ բաց սահմանը, արդարացիորեն ենթադրելով, որ այդպես Հայաստանը կարող է հեռանալ ռուսական ազդեցությունից:

Ինչ վերաբերում է հայ-թուրքական, իսկ ավելի վաղ թուրք-խորհրդային սահմանի ճանաչմանը, ապա այս դեպքում շատ ավելի բարդ դրություն է: 1953 թվականի մայիսի 30-ին ԽՍՀՄ կառավարությունը պաշտոնապես հայտարարել է Թուրքիայի նկատմամբ տարածքային հավակնությունների բացակայության մասին, նկատի ունենալով Կարսի շրջանը, Էրզրումն ու Սուրմալուն: Խորհրդային Միությաւնը փլուզվեց, և անկախ Հայաստանը հանդիսանում է ոչ թե ՀԽՍԽ, այլ Հայաստանի Առաջին Հանրապետության իրավահաջորդը և, բնականաբար, որևէ պարտավորություն չունի ԽՍՀՄ համաձայնագրերի առումով:

ԱՄՆ Կոնգրեսում լսումների ժամանակ պետքարտուղարի Եվրոպայի և Եվրոպայի հարցերով տեղակալ Դենիել Ֆրիդը հայտարարել է. «Խնդրի կարգավորման մասերից մեկը ԱՄՆ-ն համարում է հայ-թուրքական սահմանի բացումը: Առկա ստատուսքվոն վնասակար է երկու կողմերին էլ: ԱՄՆ-ն աջակցում է հայերի և թուրքերի երկխոսությանն ու համագործակցությանը գիտաժողովների, հանդիպումների և ծրագրերի փոխանակման միջոցով: Հայաստանի և Թուրքիայի հարաբերությունների վերականգնումը շատ նուրբ և հիվանդագին հարց է: Թուրքիան պետք է հաշտվի իր պատմության որոշ մութ էջերի հետ. մեկուկես միլիոն հայերի սպանություն և տարհանում Օսմանյան կայսրությունից: Դա հեշտ չէ, ինչպես և ԱՄՆ-ի համար, երբ պետք էր ժամանակ սեփական պատմության մութ էջերը ճանաչելու համար: Իր հերթի, Հայաստանը պետք է պատրաստ լինի սահմանների ճանաչմանը և տարածքային պահանջներ չներկայացնել ժամանակակից Թուրքիային և կառուցողական մոտեցում դրսևորել Թուրքիայի ջանքերի նկատմամբ»,- ասել է Ֆրիդը: Այս երևույթում նաև հետաքրքիր է այն, որ Ֆրիդը ոչինչ չասաց Լեռնային Ղարաբաղի հակամարտության կարգավորման հարցում Թուրքիայի հնարավոր մասնակցության մասին:

Իսկ Հայաստանի գործերով ժամանակավոր հավատարմատար Ջոզեֆ Փենինգթոնի խոսքերով, Հայաստանում նախագհական ընտրություններից հետո երկկողմանի հարաբերություններում որոշ առաջխաղացումներ են նկատվել, և դա կարող է լավ հիմք դառնալ, որպեսզի ուղի գտնվի դեպի փոխզիջում: «Երկկողմանի հարաբերություններում առաջընթաց գրանցելու համար պաշտոնական Երևանն ու Անկարան պետք է միասին աշխատեն, իսկ ԱՄՆ-ն միայն կաջակցի հարաբերությունների հաստատմանը»,- ընդգծել է Ջոզեփ Փենինգթոնը:

PanARMENIAN.net

Շարունակել կարդալ >>>
Leer mas >>>

Ջոզեֆ Պենինգտոն. Թուրքական հասարակության շրջանում ավելի մեծ պատրաստակամություն կա անկեղծորեն խոսել անցյալի մասին

Հայ-թուրքական հարաբերությունների կարգավորումը չափազանց կարևոր հարց է Հայաստանի ու Թուրքիայի, երկու երկրների ապագայի ու տարածաշրջանի կայունության համար: Այդ մասին PanARMENIAN.Net-ին տված հարցազրույցում հայտարարել է Հայաստանում ԱՄՆ գործերի ժամանակավոր հավատարմատար Ջոզեֆ Պենինգտոնը: «Իմ աշխատանքային գործունեության ընթացքում ես երկու երկրներում էլ աշխատել եմ, ուստի ես նաև անձնական հետաքրքրվածություն ունեմ այս հարցում: Դուք գիտեք, որ մենք` Միացյալ Նահանգները վաղուց ի վեր օժանդակել է մշակութային, սոցիալական կապերին, այսինքն այն կապերին, որոնք ներառում են շփումներ թուրք և հայ մարդկանց շրջանում:

Մի օրինակ նշեմ, վաղը երեկոյան ես բացելու եմ Ստամբուլի «Բոսֆոր» քառյակի համերգը Երևանի Կոմիտասի անվան համերգասրահում: Անցյալ շաբաթ Ստամբուլում համերգով հանդես եկավ «Կոմիտաս» քառյակը: Սա պարզապես օրինակներից մեկն է: Մենք կարծում ենք, որ այս կարգի շփումները` համաժողովներ, փոխանակումներ, գիտական բանավեճեր և այլն, նպաստում են հաղթահարել խոչընդոտներն ու առաջընթաց ապահովել քաղաքական գործընթացների համար: Մենք նաև շարունակում ենք աշխատել կառավարությունների մակարդակում` փորձելով խրախուսել կողմերին ձեռնարկելու քայլեր ուղղված տարաձայնությունների հարթմանը: Ու իհարկե հուսով ենք, որ ոչ հեռու ապագայում առաջընթաց կտեսնենք նաև այդ մակարդակում»,-նշել է Պենինգտոնը:

Նա նաև հիշեցրել է, որ Թուրքիայում աշխատել է 1995-98թթ., 10-13 տարի առաջ, ու կարող է ասել, որ այդ բանավեճի շուրջ փոփոխությունը ներկայումս և այդ ժամանակ հստակորեն տեսանելի է: «Կարծում եմ Թուրքիայի ժողովրդի շրջանում ավելի մեծ պատրաստակամություն կա անկեղծորեն խոսել անցյալի մասին ու ավելի բաց կերպով դիտարկել անցյալի իրադարձությունները: Եթե հետևենք թուրքական լրատվամիջոցներին, կտեսնենք, որ Հայաստանի, Հայաստանի ու Թուրքիայի մասին աշխույժ բանավեճ է ընթանում: Սա Թուրքիայում քաղաքացիական հասարակության ակտիվացման ու ժողովրդավարայնացման առավել բաց գործընթացների համատեքստում է ընթանում:

Իհարկե, դեռ կան խնդիրներ. տարիներ շարունակ մարդիկ են դատապարտվում 301 հոդվածի հատկանիշներով, դեռ կան մարդիկ, ովքեր դեմ են այս քննարկմանը և մարդիկ, ովքեր գնացին բռնության ընդդեմ Հրանտ Դինքի, երբ նա խոսեց այդ ամենի մասին: 2006թ Թուրքիայում աշխատելու իմ վերջին շաբաթվա ընթացքում ես հանդիպեցի Հրանտ Դինքին, ու նրա մոտեցումը այն էր, որ մեզ բոլորիս` հայերի, թուրքերի, միջազգային հանրության համար ամենակարևորն այն է, որ Հրանտը համոզված էր, որ հարաբերությունները բարելավելու միջոցով կարող ենք խրախուսել, որ անկեղծ հայացք նետվի դեպի անցյալը: Ահա այն ուղղությունը, որով մենք փորձում ենք գնալ»,-ասել է ամերիկացի դիվանագետը:

/armtown.com/

Շարունակել կարդալ >>>
Leer mas >>>

ԱՄՆ Սենատը որոշել է մեկ ամսով հետաձգել Մարի Յովանովիչին ՀՀ-ում ԱՄՆ դեսպանի պաշտոնում հաստատելու հարցը

ԱՄՆ Սենատի արտաքին կապերի հանձնաժողովը որոշել է մեկ ամսով հետաձգել Հայաստանի Հանրապետությունում ԱՄՆ դեսպանի թեկնածու Մարի Յովանովիչին ՀՀ-ում ԱՄՆ դեսպանի պաշտոնում հաստատելու հարցը։ Դրա պատճառը, դիվանագետին ուղղված գրավոր հարցերի պատասխանների ուշացումն է։ ԱՄՆ Սենատի անդամ Բարբարա Բոքսերի խոսքերով, վերջնական որոշումը կընդունվի Յովանովիչին ուղղված բոլոր հարցերի պատասխանները ստանալուց և դրանց ուշադիր ուսումնասիրությունից հետո։ ՀՀ-ում ԱՄՆ դեսպանի թեկնածուին հարցեր են ուղղել Սենատի արտաքին կապերի հանձնաժողովի նախագահ Ջո Բայդընը, սենատորներ Ռոբերտ Քեյզին, Ջոն Քերին եւ ԱՄՆ նախագահի թեկնածու Բարաք Օբաման։

Բարբարա Բոքսերի այն հարցին, որ եթե Լեռնային Ղարաբաղի պաշտոնատար անձինք իրեն հրավիրեն տարածաշրջան, արդյո՞ք կընդունի հրավերը, Մ. Յովանովիչը պատասխանել է.

«ԵԱՀԿ Մինսկի խմբում ԱՄՆ ներկայացուցիչն ու նրա աշխատակիցները մշտական շփումների մեջ են գտնվում ԼՂ փաստացի ղեկավարության հետ։ Համաձայն ԱՄՆ ներկայիս քաղաքականության, եթե ամերիկացի համանախագահը դա չպահանջի, ես չեմ հանդիպի ԼՂ ներկայացուցիչների հետ»։

Հայաստանի տնտեսական շրջափակումը դադարեցնելու և հարևան երկրների հետ համագործակցությունը վերականգնելու մասին Ջո Բայդընի հարցին Յովանովիչն ասել է, որ Հայաստանի ներգրավումը տարածաշրջանային համագործակցության մեջ ԱՄՆ հիմնական գերակայությունն է։

«Սպիտակ տան վարչախումբը ցանկանում է Հայաստանին ներգրավել Վրաստանի հետ էներգետիկական համագործակցության մեջ և վերջնական արդյունքում կապել Կասպից ծովի նավթագազային պաշարների հետ։ Դա կծառայի Հայաստանի էներգետիկ աղբյուրների դիվերսիֆիկացիային։ Սպիտակ տան հետաքրրքություններն ընդգրկում են այնպիսի հարցեր, ինչպիսիք են ազատությունների ընդլայնումն ու ժողովրդավարությունը, հակաահաբեկչությունը, հակամարտությունների խաղաղ լուծումն ու էներգետիկան», -ասել է նա։

Թերթ.am

Շարունակել կարդալ >>>
Leer mas >>>

ԱՄՆ–ը կարող է դադարեցնել համագործակցությունը Ռուսաստանի հետ միջուկային ոլորտում

ԱՄՆ–ի կոնգրեսի քննարկման է ներկայացվել բանաձևի նախագիծ, համաձայն որի պետք է կասեցվի Ռուսաստանի հետ միջուկային ոլորտում համագործակցությունը։
Նախագիծը, որը պատրաստել են Դեմոկրատական և Հանրապետական կուսակցությունների ականառու օրենսդիրները, քննարկվելու է ԱՄՆ–ի ներկայացուցիչների պալատի արտաքին գործերի կոմիտեի կողմից։

Ռուս–ամերիկյան ատոմային համաձայնագրի ընդդիմախոսներից մեկը՝ Դեմոկրատական կուսակցության ներկայացուցիչ Հովարդ Բերմանը նշել է, որ նախագիծը դեռևս չի նշանակում, որ ԱՄՆ–ն սկզբունքայնորեն չի ընդունում վերոնշյալ համաձայնագիրը, բայցևայնպես, մատնանշում է, որ առկա է տվյալ հարցի հավելյալ ուսումնասիրության անհրաժեշտությունը, հաղորդում է Associated Press գործակալությունը։

Հիշեցնենք, որ ԱՄՆ–ի նախագահ Ջորջ Բուշը կոնգրեսի քննարկման է ուղարկել Ռուսաստանի հետ մայիսի 13–ին կնքված պայմանագիրը՝ այսպիսով սկսելով դրա վավերացման գործընթացը։ Ըստ ԱՄՆ–ի գործող օրենսդրության՝ համաձայնագիրը ուժի մեջ է մտնում, եթե 90 օրերի ընթացքում կոնգրեսը չընդունի այն արգելափակող բանաձև։

Դրա համար երկու պալատները պետք է հավանություն տան բանաձևին՝ մեծամասնության երկու երրորդ ձայներով։

Թերթ.am

Շարունակել կարդալ >>>
Leer mas >>>

Բրյուսելում տեղի է ունեցել ՀՀ-ԵՄ համագործակցության կոմիտեի հերթական 9-րդ նիստը

Հունիսի 24-ին Բրյուսելում տեղի է ունեցել ՀՀ-ԵՄ համագործակցության կոմիտեի հերթական 9-րդ նիստը։ Հայկական կողմը նիստին մասնակցում էր միջգերատեսչական պատվիրակությամբ, որը գլխավորում էր ՀՀ էկոնոմիկայի նախարար Ներսես Երիցյանը։ Այդ մասին հայտնում է ՀՀ ԱԳՆ մամուլի և տեղեկատվության վարչությունը։

Ծավալված քննարկումներում ՀՀ-ԵՄ համագործակցության քաղաքական խնդիրները ներկայացրել է ՀՀ փոխարտգործնախարար Արման Կիրակոսյանը։ Եվրոպական կողմը կոմիտեի աշխատանքներին մասնակցում էր Եվրոպական հանձնաժողովի, ԵՄ խորհրդի, ԵՄ նախագահության ներկայացուցչիներից բաղկացած պատվիրակությամբ, որը գլխավորում էր Եվրոպական հանձնաժողովի արտաքին կապերի գլխավոր տնօրինության Արեւելյան Եվրոպայի, Հարավային Կովկասի և Կենտրոնական Ասիայի վարչության տնօրեն Գուննար Վիգանդը։

Նիստի առանձնահատկությունն այն էր, որ այն ամփոփել է Եվրոպական հարևանության քաղաքականության շրջանակներում Հայաստանի արձանագրած առաջընթացը, որի վերաբերյալ գնահատականները զետեղվել էին Եվրոպական հանձնաժողովի կազմած Առաջընթացի զեկույցում։ Այս տեսակետից ԵՀՔ Գործողությունների ծրագրի կատարման ընթացքը կենտրոնական տեղ էր զբաղեցնում նիստի օրակարգում։

Համագործակցության կոմիտեի աշխատանքների ընթացքում կողմերը հանգամանորեն քննարկել են Հայաստանի և Եվրոպական Միության համագործակցության ամբողջ շրջանակը. հատուկ անդրադարձ է կատարվել ԼՂ հիմնահարցի և հայ-թուրքական հարաբերությունների կարգավորմանը։ Քննարկումների արդյունքում կողմերը հավաստել են իրենց պատրաստակամությունը փոխադարձ աջակցությամբ շարունակելու Գործողությունների ծրագրի լավագույնս իրականացումը։

Ի թիվս այլ հարցերի, քննարկվել են նաև քաղաքական հարաբերությունների զարգացմանը, տարածաշրջանային համագործակցությանը, առևտրին, հարկային և մաքսային ոլորտներին, տեխնիկական աջակցությանն առնչվող խնդիրներ։

Թերթ.am

Շարունակել կարդալ >>>
Leer mas >>>

Միլիոնատերերն ավելանում են

2007թ. արդյունքներով առնվազն 1 մլն դոլար կարողություն ունեցող մարդկանց թիվն աշխարհում հասել է 10,1 մլն մարդու, որը 6 տոկոսով գերազանցում է 2006թ. ցուցանիշը:

Նրանց ակտիվների ընդհանուր ծավալը (չհաշված անշարժ գույքը) ավելացել է 9,4 տոկոսով և կազմել 40,7 տրիլիոն դոլար: Նման տվյալներ է պարունակում Merrill Lynch ամերիկյան ներդրումային բանկի և խորհրդատվական Capgemini ընկերության զեկույցը:
Նախորդ տարվա արդյունքներով` մեկ միլիոնատիրոջը բաժին հասնող միջին կարողությունը գերազանցել է 4 մլն դոլարը, ինչը Merrill Lynch-ի և Capgemini-ի 12-ամյա հետազոտությունների պատմության ընթացքում առաջին դեպքն է:

Ինչպես նշվում է զեկույցում, միլիոնատերերի և նրանց կարողության ամենատպավորիչ աճը գրանցվել է BRIC (Բրազիլիա, Ռուսաստան, Հնդկաստան, Չինաստան) երկրներում:
Ամենամեծ թվով միլիոնատերեր ներկա դրությամբ բնակվում են ԱՄՆ-ում, Ճապոնիայում և Գերմանիայում:

/Թերթ.am/

Շարունակել կարդալ >>>
Leer mas >>>

Foreign Policy հանդեսը Հայաստանը չի դասել ձախողված պետությունների թվին

Հայաստանը ԱՊՀ-ի տարածքի այն սակավաթիվ պետություններից մեկն է, որը, ըստ ամերիկյան Foreign Policy- հանդեսի, չի դասվում ձախողվածների թվին, հայտնում է azatutyuna.am-ը։
Foreign Policy-ն արդեն չորրորդ տարին է, ինչ հրապարակում է աշխարհի պետությունների կայունության աստիճանին նվիրված հետազոտության արդյունքները` փորձելով պարզել, թե արդյոք շա՞տ են աշխարհի այն երկրները, որոնց պետական ապարատի բնականոն գործունեությունը վտանգված է։ Որքան բարձր է պետության զբաղեցրած տեղն այս ցանկում` այնքան ավելի մտահոգիչ է այնտեղ տիրող իրավիճակը։ Այս առումով, Հայաստանը միջին ցուցանիշ ունեցող երկրների շարքում է։

2007 թվականին Հայաստանն այս ցանկում 112-րդ տեղն էր կիսում Կիպրոսի և Ալբանիայի հետ մեկտեղ, իսկ այս տարի 109-րդ տեղն է կիսում Ուկրաինայի հետ։

Foreign Policy-ի փորձագետները 12 տարբեր չափանիշների են անդրադառնում` մարդու իրավունքների պաշտպանության մակարդակից մինչև պետական կառույցների լեգիտիմության աստիճանն ու երկրում տիրող տնտեսական ու ժողովրդագրական կացությունը։

Հայաստանի ցուցանիշներից Foreign Policy-ի մասնագետներն առավել մտահոգիչ են համարում արտագաղթի ծավալները, փախստականների թիվը։ Երկրում խնդիրներ կան մյուս բնագավառներում ևս` դատական համակարգի արդյունավետություն, մարդու իրավունքների պաշտպանություն։

Որպես հարևան Ադրբեջանի ամենալուրջ խնդիր` Foreign Policy-ի փորձագետները մատնանշում են պետական ապարատի քրեականացումն ու դելեգիտիմացումը, ինչը, ըստ նրանց, վտանգում է Ադրբեջանի` որպես պետության բնականոն զարգացումը։

Այդուհանդերձ, ոչ Հայաստան և ոչ էլ Ադրբեջանը աշխարհի ամենաանկայուն 60 պետությունների թվին չեն դասվել։ Պետությունների այս խմբում են Կենտրոնական Ասիայի բոլոր հանրապետությունները` բացառությամբ Ղազախստանի, ինչպես նաև Բելառուսը, Մոլդովան ու Վրաստանը։

Վրաստանի հիմնական խնդիրներ են` փախստականների մեծ թիվը, «սառեցված» հակամարտությունները, երկրում տիրող իրավիճակից դժգոհ բնակչության մեծ խմբերի առկայությունը։ Բացի այդ, լուրջ մտահոգության տեղիք է տալիս օտար պետությունների միջամտությունը երկրի ներքին գործերին։

Հայաստանի անմիջական հարևաններից բավական անկայուն վիճակում են նաև Թուրքիան ու Իրանը` համոզված են ամերիկացի մասնագետները։

Թուրքիան, որը ցանկում 92-րդն է, ըստ Foreign Policy հանդեսի` տնտեսական բավական լուրջ խնդիրներ ունի, մասնավորապես` երկրի տնտեսական զարգացումը հաստատուն բնույթ չի կրում։ Բացի այդ, Թուրքիայի ուժային կառույցները քաղաքացիական իշխանություններից անկախության բավական բարձր մակարդակ ունեն, ինչը եւս չի նպաստում պետություն կայունությանը։

Իրանը ընդգրկվել է առավել ռիսկային համարվող 60 պետությունների թվում։ Տնտեսության զարգացումը իսլամական հանրապետությունում շարունակական բնույթ չունի, անվտանգության ուժերն ու բանակը գործում են ինչպես «պետություն պետության ներսում», մարդու իրավունքների պաշտպանության մակարդակը խիստ ցածր է։

Աշխարհի առավել ձախողված եւ անկայուն պետությունը, ըստ վերլուծաբանների, Սոմալին է, որը, Foreign Policy-ի գնահատականով, որպես միասնական պետական կազմավորում փաստացիորեն դադարել է գոյություն ունենալ 1991 թվականին։

Աշխարհի ամենակայուն պետությունները սկանդինավյան երկրներն են` Նորվեգիան, Ֆինլանդիան և Շվեդիան։

/Թերթ.am /

Շարունակել կարդալ >>>
Leer mas >>>

Կազմել են ամենավստահելի քաղաքական գործիչների վարկանշային աղյուսակը

WorldPublicOpinion.org-ն անցկացրել է հարցում, որտեղ Ռուսաստանի վարչապետ Վլադիմիր Պուտինը զբաղեցնում է ամենավստահելի քաղաքական գործիչների շարքում երկրորդ տեղը ՄԱԿ-ի գլխավոր քարտուղար Պան Գի Մունից հետո, իսկ վերջին ութերորդ հորիզոնականը զբաղեցնում է Պակիստանի նախագահ Պերվեզ Մուշարաֆը:
Պան Գի Մունին վստահում են հարցվածների 35 տոկոսը, իսկ Պուտինին` 32 տոկոսը: Ընդ որում, հարցման մասնակիցների 48 տոկոսը չեն վստահում Ռուսաստանի կառավարության ղեկավարին:

Վստահության վարկանիշում երրորդ տեղը զբաղեցրել է Մեծ Բրիտանիայի վարչապետ Գորդոն Բրաունը, ով հավաքել է 30 տոկոս: Նրան հաջորդում է Չինաստանի նախագահ Հու Ձինտաոն (28 տոկոս), Ֆրանսիայի նախագահ Նիկոլա Սարկոզին (26 տոկոս), ԱՄՆ-ի նախագահ Ջորջ Բուշը (23 տոկոս) և Իրանի նախագահ Մահմուդ Ահմադինեժադը (22 տոկոս): Մուշարաֆը գտնվում է աղյուսակի վերջին հորիզոնականում ձայների 18 տոկոսով:


/Թերթ.am/

Շարունակել կարդալ >>>
Leer mas >>>

Ամերիկացիները հավատում են Աստծուն և չեն հավատում դժոխքի գոյությանը

Ամերիկացիների 92 տոկոսը խոստովանել է, որ հավատում է Աստծուն կամ գերագույն գաղափարին: Այս մասին են վկայում US Religious Landscape Survey-ի կատարած հետազոտության արդյունքները, որն իրականացվել է Pew Research կենտրոնի կողմից:
Ուշագրավ է, որ գերագույն ուժի գոյությանը հավատում են ոչ միայն այս կամ այն կրոն դավանողները, այլ նաև իրենց աթեիստ համարող քաղաքացիների մի մասը։

Հարցվածների 56 տոկոսը խոստովանել է, որ կրոնը մեծ դեր է խաղում իրենց կյանքում: Հարցման մասնակիցների 58 տոկոսը հայտնել է, որ պարտադիր աղոթում է ամեն օր: Ընդ որում՝ այս խմբի հարցվածների 31 տոկոսը հայտարարել է, որ Աստվածն արձագանքում է իրենց կանչերին առնվազն ամիսը մեկ անգամ, իսկ յուրաքանչյուր հինգերորդը խոստովանել է, որ իր աղոթքների պատասխանը ստանում է ամեն շաբաթ:

Հետազոտության արդյունքները նաև ցույց են տվել, որ ԱՄՆ-ի բնակիչներն ավելի շատ հավատում են դրախտին, քան դժոխքին: Հարցվածների 74 տոկոսը հայտարարել է, որ հավատում է, որ ճիշտ կյանքով ապրող մարդիկ մահից հետո հայտնվում են դրախտում: Դժոխքի գոյությանը հավատում է հարցման մասնակիցների ընդամենը 59 տոկոսը:


/Թերթ.am/

Շարունակել կարդալ >>>
Leer mas >>>

Ամերիկայի Հայոց ցեղասպանության թանգարանը և Մերձավոր Արևելքի հիմնադրամը ստորագրել են համագործակցության պայմանագիր

Ամերիկայի` Հայոց ցեղասպանության թանգարանը (ԱՀՑԹ) և Մերձավոր Արևելքի հիմնադրամը ստորագրել են համագործակցության պայմանագիր։ Հիմնադրամի` Նյու Յորքում տեղակայված միջազգային կենտրոնակայանում երկու կազմակերպությունների անունից պայմանագիրը ստորագրել են ԱՀՑԹ-ի հոգաբարձու, Շինարարության ու գործառնությունների կոմիտեի նախագահ Վան Գրիգորյանը և Մերձավոր Արևելքի հիմնադրամի խորհրդի նախագահ Շանթ Մարտիրոսյանը։ Ինչպես հայտնում է Ամերիկայի` Հայոց ցեղասպանության թանգարանից, պայմանագիրը թանգարանի ցուցանմուշներում Հայոց ցեղասպանության ժամանակաշրջանի արժեքավոր փաստաթղթերի ու իրերի գործածման հնարավորություն է ընձեռում։ Հիմնադրամը նաև մարդասիրական նախաձեռնությունների մասին հարուստ փաստական նյութ ունի։
«Անթիվ հայ որբերի պատմությունների մասին մեզ են պատմում արխիվները։ Այդ պատմությունները մեզ են հասել նաև Մերձավոր Արևելքի օգնության կազմակերպության աշխատակիցների օրագրերի և գրությունների միջոցով։ Վաշինգտոնի սրտում տեղակայված այս թանգարանը հարգանքի տուրք կլինի նրանց հերոսական ջանքերին»,- պայմանագրի ստորագրման արարողության ժամանակ ասել է Շ.Մարտիրոսյանը։

Մերձավոր Արևելքի հիմնադրամը Հայ և սիրիական օգնության ամերիկյան կոմիտեի իրավահաջորդն է։ Կոմիտեն հիմնվել է 1915թ-ին, իսկ ավելի ուշ` 1919-ին, Կոնգրեսի ակտով դարձել է Մերձավոր Արևելքի օգնության կորպորացիա։ Մերձավոր Արևելքի օգնության կազմակերպությունը հիմնել և շահագործել է մանկատներ, հիվանդանոցներ, դպրոցներ Բալկաններում, Կովկասում ու Մերձավոր Արևելքում` մեղմացնելու Հայոց ցեղասպանությունից փրկվածների տառապանքները, ովքեր ապաստան էին փնտրում Օսմանյան կայսրությունից դուրս։ Ըստ Մերձավոր Արևելքի հիմնադրամի փաստաթղթերի` 1915-1930թթ. Մերձավոր Արևելքի օգնության կազմակերպությունը 117 մլն դոլարի օգնություն է ցուցաբերել, նրա գործունեության շնորհիվ փրկվել է միլիոնավոր մարդկանց կյանք, մասնագիտական դասընթացներ են կազմակերպվել 132 հազար հայ որբերի համար։

Ամերիկայի Հայոց ցեղասպանության թանգարանը նախատեսվում է բացել 2010 թ-ին Վաշինգտոնում։ Թանգարանը տեղակայված կլինի Վաշինգտոնի պատմական Ազգային բանկի շենքում, որը գտնվում է 14 և G փողոցների խաչմերուկում` Սպիտակ տնից մի քանի քայլ հեռավորության վրա։ Շինարարության ավարտից հետո այն կլինի հայ համայնքի առաջին միջազգային մակարդակի թանգարանը` նվիրված Հայոց ցեղասպանության զոհերի ու այն վերապրածների հիշատակին։ Ապրիլին թանգարանը համագործակցության պայմանագիր է կնքել ՀՀ ԳԱԱ Հայոց ցեղասպանության թանգարան-ինստիտուտի հետ։


/Արմենպրես/

Շարունակել կարդալ >>>
Leer mas >>>

ԵԽԽՎ համազեկուցողները կոչ են անում Հայաստանի համար երկարաձգել 1609 բանաձևի պահանջների կատարման ժամկետը

ԵԽԽՎ դիտարկման հանձնաժողովն անհրաժեշտ է համարում, որպեսզի Վեհաժողովը երկարաձգի 1609 բանաձևի պահանջների կատարման ժամկետը Հայաստանի համար։ Ժամկետն առաջարկվում է երկարաձգել մինչև 2009 թվականի հունվարին կայանալիք ձմեռային նստաշրջանը։ Այդ մասին ասվում է «Հայաստանի կողմից ԵԽԽՎ 1609 բանաձևի կատարումը» զեկույցում։

Զեկույցում, մասնավորապես, նշվում է, որ Դիտարկման հանձնաժողովն ափսոսում է այն առնչությամբ, որ Վեհաժողովի պահանջների կատարմանը նպատակաուղղված որոշակի միջոցառումների իրագործումն ուշանում է։ Այդուհանդերձ, Դիտարկման հանձնաժողովը խոստովանում է, որ Հայաստանի իշխանություններին տրամադրված ժամկետը սահմանափակ էր։

«Ժամանակի սղության պատճառով անհնար էր գնահատական տալ այն բանին, թե Վեհաժողովի պահանջների կատարմանը նպատակաուղղված իշխանությունների նախաձեռնությունները որքանով են համապատասխանել, օրինակ, մարտի 1-ի իրադարձությունների անկախ, թափանցիկ հետաքննության անցկացման առնչությամբ։ Այդուհանդերձ, հանձնաժողովը Վեհաժողովին առաջարկում է 2009 թվականի հունվարին կայանալիք ձմեռային նստաշրջանում քննարկել թիվ 1609 բանաձևի պահանջների կատարման գործում Հայաստանի ձեռք բերած առաջընթացը։ Եթե 1609 բանաձևում, ինչպես նաև տվյալ զեկույցում նշված պահանջները կատարված չլինեն, Դիտարկման հանձնաժողովը Վեհաժողովին առաջարկում է հունվարի նստաշրջանում արդեն քննարկել Հայաստանի պատվիրակության մանդատը դադարեցնելու և նրան ձայնի իրավունքից զրկելու հնարավորությունը», - նշվում է փաստաթղթում։

Միևնույն ժամանակ փաստաթղթում նշվում է, որ թեև Դիտարկման հանձնաժողովը ողջունում է այն առաջընթացը, որին Հայաստանի իշխանությունները հասել են Վեհաժողովի պահանջների կատարման գործում, այդուհանդերձ, չնայած քաղաքական կամքի առկայությանը, առաջընթացն ամենևին էլ բավարար չէ։ Փաստաթղթում, մասնավորապես, մտահոգություն է հայտնվում այն փաստի առնչությամբ, որ մարտյան իրադարձություններին մասնակցելու համար ձերբակալված անձինք մինչ օրս կալանքի տակ են։ Զեկույցում նշվում է, որ նրանց գործերը կամ պետք է անմիջապես կարճվեն, կամ պետք է մուտքագրվեն դատարան։ Բացի այդ, 300 և 225 հոդվածներով մեղադրվող անձինք պետք է անմիջապես ազատ արձակվեն, եթե չկան հստակ ապացուցյներ, որ նրանք հեղինակել են քրեօրեն դատապարտելի արարքներ։ Զեկույցում նշվում է, որ անընդունելի են համարվում այն դատավճիռները, որոնք հիմնված են միմիայն ոստիկանների վկայությունների վրա և չեն պարունակում անկախ մարմինների վկայություններ։

«Այդ գործոնը նպաստում է իշխանությունների և ընդդիմության միջև հարաբերությունների լարվածությանը և կարող է ձախողել երկխոսության և բարենորոգումների հնարավորությունները։ Անհրաժեշտ է ձեռնարկել հետագա քայլեր։ Մենք իշխանությունների հետ երկխոսությունը բոյկոտող բոլոր քաղաքական ուժերին կոչ ենք անում վերանայել սեփական դիրքորոշումը և օգտվել իշխանությունների առաջարկած հնարավորությունից», - նշվում է զեկույցում։

Բացի այդ, զեկույցում խոսվում է այն մասին, որ իշխանությունները չպետք է խոչընդոտեն հանրահավաքների անցկացմանը։ Մասնավորապես, ողջունվում է այն փաստը, որ հունիսի 20-ի հանրահավաքն անցավ առանց միջադեպերի։

Փաստաթղթի հեղինակները դիմում են ԵԽ գլխավոր քարտուղարին խնդրանքով, որքան հնարավոր է արագ նշանակել ԵԽ գլխավոր քարտուղարի հատուկ ներկայացուցչին, ով կմեկնի Երևան և հնարավորություն կունենա անընդմեջ հետևել իրականոցվող քայլերին և ստեղծված հանձնաժողովի աշխատանքին։


/Թերթ.am/

Շարունակել կարդալ >>>
Leer mas >>>

Հայաստանի նախագահը մտադիր է Թուրքիայի նախագահին հրավիրել Երևան` ֆուտբոլ դիտելու նպատակով

Հայ-թուրքական հարաբերությունների հարցում Հայաստանի դիրքորոշումը հստակ է. հարևան պետությունների միջև 21-րդ դարում չպետք է լինեն փակ սահմաններ:
Այդ մասին ՀՀ նախագահ Սերժ Սարգսյանը հայտարարել է Մոսկվայում` Ռուսաստանի հայ համայնքի ներկայացուցիչների հետ հանդիպմանը:
Ըստ Ս,Սարգսյանի , թուրքական կողմն առաջարկում է ձևավորել մի հանձնաժողով, որը պետք է ուսումնասիրի պատմական փաստերը:

«Մենք դեմ չենք այդպիսի հանձնաժողովի ստեղծմանը, բաըց այն ժամանակ, երբ կբացվի սահմանը մեր պետությունների միջև: Այլապես, այն կարող է դառնալ հարցը տարիներով երկարաձգելու և շահարկելու միջոց»,- նշել է նա:

«Առաջիկայում ես մտադիր եմ նոր քայլեր ձեռնարկել հայ-թուրքական հարաբերությունները խթանելու ուղղությամբ: Ամենայն հավանականությամբ, ես կհրավիրեմ Թուրքիայի նախագահ Աբդուլա Գյյուլին Երևան` միասին դիտելու Հայաստանի և Թուրքիայի ֆուտբոլի հավաքականների խաղը»,- հայտարարել է Սերժ Սարգսյանը:

/ԱրմԻնֆո/

Շարունակել կարդալ >>>
Leer mas >>>

Հրանտ Դինքի դատավարությունն այսուհետև բաց կլինի մամուլի համար

Անցյալ տարի հունվարի 19-ին Ստամբուլի հայալեզու «Ակոս» թերթի խմբագրապետ Հրանտ Դինքին սպանած Օգյուն Սամաստի 18 տարին հունիսի 28-ին լրանալու կապակցությամբ, հուլիսի 7-ին նշանակված դատական լսումը տեղի կունենա մամուլի և հետևողների համար բաց պայմաններում։
Օգյուն Սամաստից բացի, Ստամբուլի 14-րդ ծանր հանցագործությունների դատարանում նույն օրը կլսվի Հրանտ Դինքի գործով ևս 18 մեղադրյալների նկատմամբ հարուցված դատական գործը։

Դատական մեղադրականով, նկատի առնելով հանցագործություն գործելու պահին Սամաստի անչափահաս լինելու հանգամանքը, դատախազությունը նրան 18-ից 24 տարվա ազատազրկման պատիժ է պահանջել։ Բացի այդ, ահաբեկչական կազմակերպությանն անդամակցելու և անօրինական զենք կրելու մեղադրանքով դատախազությունը պահանջել է Սամաստի պատիժը երկարացնել 8,5-ից 18 տարի ժամկետով։ Այսպիսով, բոլոր հանցագործությունների համար Օգյուն Սամաստի նկատմամբ 26,5-ից 42 տարվա ընդհանուր պատիժ է պահանջվում, իսկ մյուս 18 մեղադրյալներին` 7,5 տարուց մինչև ցմահ բանտարկություն։


Արմնեպրես

Շարունակել կարդալ >>>
Leer mas >>>

ԵԽԽՎ լիագումար նիստը կքննարկի օրակարգում Հայաստանի իրավիճակի շուրջ բանավեճեր ներառելու հարցը

ԵԽԽՎ Բյուրոյի նիստում որոշում է կայացվել ԵԽԽՎ ամառային նստաշրջանի օրակարգում Հայաստանի իրավիճակի վերաբերյալ արտահերթ բանավեճեր ներառելու վերաբերյալ։ Այդ մասին հաղորդել է ԵԽԽՎ-ում հայաստանյան պատվիրակության ղեկավար, ՀՀ ԱԺ պետաիրավական հարցերի մշտական հանձնաժողովի ղեկավար Դավիթ Հարությունյանը։

Մեկնաբանելով Եվրախորհրդի խորհրդարանական վեհաժողովում իրավիճակի զարգացման առավել հավանական ընթացքը`պատվիրակության ղեկավարը նշել է.

«Ես կանխատեսումներ չեմ անի, կարծում եմ`մեզ կհաջողվի ներկայացնել կատարված և դեռևս ընթացքում գտնվող աշխատանքը»։
Պատասխանելով այն հարցին, թե գոյություն ունի արդյոք ըմռնում այն բանի, որ Վեհաժողովի կողմից ցանկացած պատժամիջոց օգուտ չի բերի Հայաստանի ժողովրդավարացման գործընթացին`Դ. Հարությունյանը նշել է.

«Կարծում եմ`դա պարզ կլինի բանավեճերից, սակայն մինչ այդ մենք դեռ շատ աշխատանք ունենք կատարելու մոնիտորինգի կոմիտեում, այնպես որ`հիմնականում հարցը կքննարկվի այնտեղ»։


/ԱրմԻնֆո /

Շարունակել կարդալ >>>
Leer mas >>>

Փարիզում ներգաղթյալների ճամբարից փախուստի է դիմել 50 մարդ

Հունիսի 22-ին մոտ 50 մարդ է փախուստի դիմել Փարիզի արվարձաններից մեկում տեղակայված ներգաղթյալների ճամբարից, որտեղ հրդեհ էր բռնկվել, հայտնում է AFP գործակալությունը։

Ոստիկանության ներկայացուցչի խոսքերով՝ ոստիկանական մեկուսարանում կանխամտածված հրեհում է տեղի ունեցել։ Հրդեհի արդյունքում այրվել է համալիրի մեջ մտնող երկու շինություն. զոհեր չկան, 18 մարդ տեղեփոխվել է հիվանդանոց։ Վերջիններիս կյանքին վտանգ չի սպառնում։

Նշենք, որ շաբաթ օրը ճամբարում սրտի անբավարարվածությունից մահացել էր Թունիսի 41–ամյա քաղաքացի։ «Կանաչների կուսասկության» պատգամավոր Նոել Մամերը դեպքի հետ կապված խորհրդարանին խնդրել էր հետաքննություն անցկացնել՝ պարզելու, թե ինչպիսի պայմաններում են ապրում ներգաղթյալները ճամբարում


/Թերթ.am/

Շարունակել կարդալ >>>
Leer mas >>>

Բեն Կարդին. ԱՄՆ-ին պատմական փաստերը հասկացող դեսպան է պետք Հայաստանում

Սենատոր Ռոբերտ Մենենդեզը կտրուկ քննադատության է ենթարկել ԱՄՆ նախագահ Ջորջ Բուշի վարչակազմի քաղաքականությունը Հայոց ցեղասպանության մերժման հարցում և կոչ է արել Հայաստանում ԱՄՆ դեսպանի թեկնածու Մարիա Յովանովիչին արդարացիորեն բնութագրել Օսմանյան կայսրության հայ բնակչության ոչնչացումը որպես Ցեղասպանություն, հաղորդում է Ամերիկայի Հայ դատի Հանձնախումբը (ANCA):

The Associated Press-ում լույս տեսած «Թեկնածուն հրաժարվում է սպանությունը Ցեղասպանություն անվանել» հոդվածում նշվում է, որ սենատոր Մենենդեզը Հայաստանում դեսպանի պաշտոնի թեկնածուին «հարցաքննության է ենթարկել դատախազի ոճով» Սենատի արտաքին գործերի նահձնաժողովում: Ողջ ՉԼՄ-ներով մեկ տարածված հոդվածում մեջբերվում են ANCA-ի գործադիր տնօրեն Արամ Համբարյանի խոսքերը. «Մենք անհանգստացած ենք դեսպան Յովանովիչի մերժումով` բացատրություն տալ վարչակազմի դիրքորոշմանը, որը աջակցում է Հայոց ցեղասպանության մերժման թուրքական քաղաքականությանը»,- ասել է նա լսումներից հետո:

Սենատոր Մենենդեզը, ով երկու անգամ վետո է դրել Ռիչարդ Հոգլանդի թեկնածության վրա Հայոց ցեղասպանության համար, մանրամասնորեն հարցաքննել է Յովանովիչին, ներկայացնելով Ցեղասպանության ժամանակների Պետդեպարտամենտի պատմական փաստաթղթեր, դրանք համեմատելով նրա հայտարարությունների հետ: Նա թեկնածուին ներկայացրել է որոշ փաստոթղթեր, մեջբերելով Օսմանյան կայսրությունում ԱՄՆ դեսպաններ Հենրի Մորգենթաուին ու Աբրահամ Էլկուսին և այլ ամերիկացի դիվանագետների, ովքեր այն ժամանակ աշխատում էին տարածաշևջանում և գրում էին հայ բնակչության ոչնչացման մասին: «Ամոթ է, որ դիվանագետը եկել է հանձնաժողով և չի կարող ընդունել պատմական փաստերը, միջազգային ճանաչում ստացած իրականությունը: Եվ ինձ զարմացնում է, որ խոսելով մեկուկես միլիոն մարդկանց մասին, ովքեր սպանվել են, բռնության ենթարկվել, վտարվել են իրենց հայրենիքից և իմանալով, որ ԱՄՆ նախագահը ընդունում է դա, մենք չենք կարող իրերն իրենց անունով կոչել»,- հայտարարել է նա:

«Մենք հուսով ենք, որ դեսպան Յովանովիչը կպատասխանի Սենատի հանձնաժողովի գրավոր հարցերին, որպեսզի պարզ լինի ԱՄՆ շահերն ու ամերիկյան արժեքները ներկայացնելու նրա ունակությունները Երևանում դեսպանի պաշտոնում»,- նշել է Համբարյանը:
Լսումներին նախագահող սենատոր Բեն Կարդինը, ով աջակցում էր Մենենդեզին, նշել է, որ չի հասկանում` ինչպես հայ ժողովրդի ողբերգությունը չի կարող ընդունվել որպես ցեղասպանություն: «ԱՄՆ-ին պատմական փաստերը հասկացող դեսպան է պետք Հայաստանում»,- ասել է Կարդինը:

Սենատոր Բարակ Օբաման կրկին հաստատել է, որ 1915-1923
թվականներին մեկուկես միլիոն հայերի զանգվածային սպանությունը հանդիսանում է Ցեղասպանություն:


PanARMENIAN.net

Շարունակել կարդալ >>>
Leer mas >>>

Դոնաթելա Վերսաչեն Բարաք Օբամային նվիրել է հագուստի հավաքածու

Մոդելավորող Դոնաթելա Վերսաչեն գարուն-ամառ-2009 տղամարդկանց հավաքածուն նվիրել է ԱՄՆ նախագահի թեկնածու Բարաք Օբամային, հայտնում է AP-ն:
Վերսաչեի խոսքերով` հավաքածուն, որի ստեղծմանը նրան ոգեշնչել է սևամորթ սենատորը, նախատեսված է «անկաշկանդ տղամարդու համար, ով կարիք չունի նեղ հագուստ կրել, որպեսզի շրջապատին ցույց տա իր ուժը»:

Ցուցադրումից հետո լրագրողները Դոնաթելային հարցրել են, թե նա ինչ խորհուրդ կտա թեկնածուի նախընտրական շտաբին: Մոդելավորողը խորհուրդ է տվել հրաժարվել փողկապից և ընտրել ազատ ոճի վերնաշապիկներ: Գործակալությունը նշում է, որ Վերսաչեի հավաքածուում բացակայում էին փոսղկապները, իսկ վերնաշապիկների թևքերը ծալած էին:


/Թերթ.am/

Շարունակել կարդալ >>>
Leer mas >>>

Աշխարհի ամենահարուստ մարդու հետ ճաշն այսօր հանվել է աճուրդի

Ուորեն Բաֆեթի հետ հանդիպումը` իրավունք ճաշել երկրագնդի ամենահարուստ մարդու հետ, այսօր կվաճառվի աճուրդում: Վաճառքները սկսվել են դեռ կիրակի երեկոյան eBay ինտերնետային աճուրդի կայքում: Խաղադրույքը սկսում է 25 հազար դոլարից: Հաղթողի հետ ճաշը, ում անունը կհայտարարվի ուրբաթ երեկոյան, տեղի կունենա Նյու-Յորքի հայտնի Smith & Wollensky ռեսոտրանում, որը հայտնի է որպես ԱՄՆ-ի լանագույն սթեյքհաուս` ամենանրբաճաշակ բարով: Այս ռեստորանում նվազագույն պատվերը սկսում է մեկ անձի համար 100 դոլարից:

Ստացված գումարը հանձնվելու է Սան-Ֆրանսիսկոյի աղքատների և անօթևաններին օգնելու նպատակով:

Առաջին անգամ չէ, որ Բաֆեթի հետ ճաշը հանվում է վաճառքի: Նախորդ տարի երկու գործարար վճարել էին 650 հազար դոլար ներդրումային շուկայի առաջատարի հետ ճաշի հնարավորության համար, ով անսխալ գուշակում է ներդրումային ամենաշահավետ ոլորտները:

Թերթ.am

Շարունակել կարդալ >>>
Leer mas >>>

Հայաստանը միացավ Ձեռնարկությունների եվրոպական ցանցին

Հայաստանի փոքր և միջին ձեռնարկատերերը այսուհետ հնարավորություն կունենան շփվելու և գործընկերներ գտնելու նաև եվրոպական շուկայում` շնորհիվ Հայաստանի՝ Ձեռնարկությունների եվրոպական ցանցին (Enterprise Europe Network) միանալու։

«Ձեռնարկությունների եվրոպական ցանցի» գործունեության նպատակն է աջակցել ցանցի անդամ երկրներում գործող փոքր և միջին ձեռնարկություններին` զարգացնելու իրենց նորարարական ներուժը և մասնակից դառնալու Եվրամիության շրջանակներում գործարարության խթանման ուղղությամբ իրականացվող գործընթացներին։ Այն մեկ պատուհանի սկզբունքով ձեռնարկատերերին առաջարկում է գործարար ծառայությունների լայն շրջանակ, ինչը լայն հնարավորություններ է ընձեռում ձեռնարկատիրական գործունեության զարգացման և միջազգայնացման համար։
«Ձեռնարկությունների եվրոպական ցանցի» բացման արարողության ժամանակ ՀՀ էկոնոմիկայի նախարար Ներսես Երիցյանը նշեց, որ առավել բարդ ու զարգացած եվրոպական շուկայի հետ առնչվելը, եվրոպական մասնագետների պրոֆեսիոնալ խորհրդատվությունը զարգացման հնարավորություն կտա ոչ միայն փոքր և միջին, այլև խոշոր ձեռնարկատերերին։ «Ցանցի ծառայություններից կարող են օգտվել ինչպես Երևանի, այնպես էլ մարզերի գործարարները, այն հատկապես օգտակար կլինի բիզնես աշխարհի նորեկներին, քանզի գործընկերներ փնտրելու եւ գտնելու հնարավորություն նույնպես ընձեռում է»,- ասաց նախարարը։

Նշենք, որ «Ձեռնարկությունների եվրոպական ցանցի» բացման պաշտոնական արարողությունը տեղի է ունեցել ընթացիկ տարվա փետրվարին՝ Բրյուսելում։ Հայաստանում Եվրոպական հանձնաժողովի պատվիրակության ղեկավար Ռաուլ դը Լուզենբերգերն իր խոսքում նշեց, որ ցանցին Հայաստանի անդամակցությունը Եվրոպական հարեւանության ծրագրի շրջանակներում կատարված հերթական կարեւորագույն քայլերից է, որը ավելի հասանելի կդարձնի եվրոպական շուկան հայ գործարարների համար։

«Հայաստանի փոքր և միջին ձեռնարկատիրության զարգացման ազգային կենտրոն» հիմնադրամի գործադիր տնօրեն Իշխան Կարապետյանի խոսքով՝ ցանցի ծառայություններն ամբողջությամբ անվճար են։ Դրանք ներառում են տեղեկատվության տրամադրում Եվրամիության քաղաքականության, օրենսդրության, ստանդարտների, ֆինանսավորման հնարավոր աղբյուրների, գործարար համագործակցության հնարավորությունների եւ ԵՄ այլ ընդհանուր հարցերի վերաբերյալ։

«Ցանցը կաջակցի ձեռնարկություններին նոր գործարար համագործացության ուղղության որոշման, շուկայի հետազոտությունների և պոտենցիալ գործընկերների հայտնաբերման, բանակցությունների վարման եւ համագործակցության համաձայնագրերի կնքման, միջազգային շուկայում գործունեության իրականացման համար իրենց պատրաստվածության և հնարա¬վորությունների գնահատման առումով։ Արդեն իսկ ստեղծվել են 14 աշխատանքային խմբեր, որոնք աշխատում են տնտեսության տարբեր ոլորտներում»,- ասաց Ի. Կարապետյանը։

Նա տեղեկացրեց, որ արդեն իսկ ցանցի ծառայություններից օգտվելու 5 առաջարկ է ստացվել, եւս 25 առաջարկ մշակման փուլում է։ Ներկայումս «Ձեռնարկությունների եվրոպական ցանցը» գործում է Եվրամիության անդամ 27 երկրներում, Եվրամիության անդամության թեկնածու երկրներ Թուրքիայում եւ Մակեդոնիայում, եվրոպական տնտեսական գոտու երկրներ Նորվեգիայում եւ Իսլանդիայում, ինչպես նաեւ ցանցին են անդամակցել նաև Իսրայելը, Շվեյցարիան և Հայաստանը, որպես միակ երկիր ԱՊՀ տարածքում։

Ցանցի անդամ ավելի քան 40 երկրներից իր մեջ է ներառում մասնագիտացված գործարար ծառայություններ մատուցող շուրջ 600 կազմակերպությունների` ներառյալ առեւտրաարդյունաբերական պալատները, տարածաշրջանային զարգացման գործակալությունները, համալսարանները, և տեխնոլոգիական կենտրոնները, իսկ ցանցի գործունեության ամբողջականությունն են ապահավում 4000 փորձառու մասնագետները։

Ի. Կարապետյանն ավելացրեց նաև, որ Հայաստանում «Ձեռնարկությունների եվրոպական ցանցի» հետագա գործունեությունը կուղղորդվի լայնածաված գովազդային արշավով, որը կներառի համապատասխան հեռուստահաղորդումների ու տեսահոլովակների հեռարձակումը հիմնական հեռուստաալիքների միջոցով և մամլո հաղորդագրությունների տարածումը այլ տպագիր եւ էլեկտրոնային զանգվածային լրատվության միջոցներով` նպատակ ունենալով այս նախաձեռնության շրջանակներում ընձեռված հնարավորությունները հասանելի դարձնել հնարավորինս մեծ թվով փոքր եւ միջին ձեռնարկությունների համար։


Արմենպրես

Շարունակել կարդալ >>>
Leer mas >>>

Կիպրոսի նախագահը մասնակցել է Հայոց ցեղասպանության զոհերի հուշահամալիրի բացմանը

Կիպրոսի նախագահ Քրիստոֆիաս Դեմետրիսը մասնակցել է Հայոց ցեղասպանության զոհերի հուշահամալիրի բացմանը Լառնակայում։

Ինչպես հաղորդում է Famagusta gazette-ը, հուշահամալիրի բացմանը Կիպրոսի նախագահը նշել է հասարակությանը հայերի հետագա ինտեգրման կարևորությունը։ Նա գոհունակություն է հայտնել Կիպրոսի հայ համայնքի հաջող ձեռնարկատիրական գործունեության առնչությամբ, նշելով, որ երկիրը հպարտանում է իր հայերով։
«Այս վայրը չափազանց խորհրդանշական է, քանի որ 1915 թվականին առաջինը հենց այստեղ են հայտնվել հայերը` փրկվելով երիտթուրքերից։ Հուշահամալիրը Կիպրոսի ժողովրդի երախտագիտության դրսևորումն է հայերի բարյացակամության և օգնության համար, ում տունը դարձավ Կիպրոսը», - հայտարարել է հանրապետության ղեկավարը։


/ԱրմԻնֆո/

Շարունակել կարդալ >>>
Leer mas >>>

Եվրոպան խորացնում է համագործակցությունն իր արևելյան հարևանների, այդ թվում՝ Հայաստանի հետ

Եվրամիության առաջատար երկրները և կազմակերպություները Բրյուսելում տեղի կայացած Եվրախորհրդի գագաթաժողովի ժամանակ ընդունել են Եվրոպական Հարևանության Քաղաքականության ծրագրի շրջանակներում՝ արևելյան տարածաշրջանի վերաբերյալ արված լեհ–շվեդական առաջարկությունը։ Նախագիծը կոչվում է «Արևելյան համագործակցություն»։

«Եվրախորհուրդը համաձայն է զարգացնել ԵՄ անդամ–երկրների և դրանց արևելյան հարևանների տարածաշրջանային համագործակցությունը»,– ասվում է հունիսի 20–ին ընդունված փաստաթղթի մեջ։ Փաստաթղթի նախագծում կա նաև կետ, ըստ որի վիզային ռեժիմը նշված երկրների և Եվրամիության պետությունների միջև դյուրին է դառնալու, իսկ ապագայում, հնարավոր է, մեր տարածաշրջանի երկրների ներկայացուցիչները հնարավորություն են ստանալու առանց մուտքի արտոնագրի մեկնել եվրոպական երկրներ։

Հիշեցնենք, որ դեռ մայիսին տեղի ունեցած ԵՄ–ի արտաքին գործերի նախարարների հանդիպման ժամանակ՝ Լեհաստանը և Շվեդիան առաջարկել էին նոր որակի համագործակցություն սկսել Հայաստանի, Ուկրաինայի, Բելառուսի, Մոլդովայի, Վրաստանի և Ադրբեջանի հետ։ Նախաձեռնությունը նպատակաուղղված է ամրացնել միության և իր հարևան երկրների կապերը և դրանցից ոմանց հնարավորության տալ ապագայում անդամակցել ԵՄ–ին։


/Tert.am /

Շարունակել կարդալ >>>
Leer mas >>>

Հայոց ցեղասպանությունը ժխտողներին՝ 5 տարի ազատազրկում

Մինչև տարեվերջ Սլովակիայի կառավարությունը կհաստատի ցեղասպանության մերժման ու դատապարտման մասին գործող օրենքում կատարված նոր փոփոխությունները։ Դրանց համաձայն, 2009 թվականի հունվար—փետրվար ամիսներից արդեն քրեական պատասխանատվություն՝ 5 տարի ազատազրկում է նախատեսված, անկախ ազգությունից, այն անձանց համար, ովքեր Սլովակիայի տարածքում կժխտեն հայոց ցեղասպանությունը։ Իսկ հայոց ցեղասպանությունը ժխտող՝ Սլովակիայի քաղաքացիները, որոնք մերժողական դիրքորոշում են հանդես բերում երկրի սահմաններից դուրս, հնգամյա ազատազրկման կդատապարտվեն հայրենիք վերադառնալուն պես։ Նշենք, որ 2004 թվականին Սլովակիայի Ազգային խորհուրդը ճանաչել է հայոց ցեղասպանությունը։

Հայանպաստ այս նորության մասին հայ լրագրողներին հայտնեց Սլովակիայի արդարադատության նախարար, փոխվարչապետ Ստեֆան Հարապին, ով Հայաստանում է գտնվում Հայաստանի արդարադատության նախարարի հրավերով։ Նրա խոսքերով, իրավական վերջին ճշգրտումը մեկ քայլ է դեպի առաջ, նախկինում պատասխանատվության էին ենթարկվում միայն հրեական հոլոքոստը մերժողները։ «Այսպիսով, մենք օրենքի ուժը տարածում ենք մյուս բոլոր ժողովուրդների ցեղասպանությունների վրա»,–հստակեցրեց պաշտոնյան՝ ընդգծելով, որ օրենքի նախաբանում հայոց ցեղասպանությունն առանձնացված է որպես ամենաառաջին ու ամենակարեւոր։ Հատկանշական է, որ մինչև այժմ անցած բոլոր քննարկումների ժամանակ օրենքի նախագիծը որևէ քննադատության չի ենթարկվել։ Ըստ նրա՝ ցանկացած ժողովրդավարական երկիր պետք է նույնքան խիստ լինի այս խնդրում։ Միայն խորհրդարանի ճանաչումով բավարարվելը, ըստ նրա, կնշանակեր անցել ճանապարհի միայն կեսը։ Ս. Հարապին հույս հայտնեց, որ հայոց ցեղասպանությունը ճանաչած մյուս երկրներն էլ մերժողների համար քրեական պատասխանատվություն կսահմանեն։

Սլովակիայի փոխվարչապետը, ով միաժամանակ քրեական իրավունքի մասնագետ է, կարծում է, որ հայ ժողովուրդը կարող է նվազագույնը պահանջել այն, ինչ ստացել են հոլոքոստի զոհերը։ Նա նաև վստահ է. «Մի ամբողջ ժողովրդի դեմ կատարված ոճրագործությունը ոչ մի դեպքում չի կարող անպատիժ մնալ»։ Նրա դիտարկմամբ, մարդու իրավունքների և ազատությունների տեսակետից առանցքային նշանակություն ունեցող խոսքի ազատության իրավունքը երբեմն կարող է սահմանափակվել, քանի որ չի կարելի օգտվել այդ իրավունքից և ժխտել մեծագույն ոճրագործությունը։

Սլովակիայի 1000 հոգանոց հայկական համայնքի ղեկավար Աշոտ Գրիգորյանը կարծում է, որ օրենքի նոր փոփոխությունները շատ արդիական ու կարևոր են այն առումով, որ վերջ կդնեն թուրքական մերժողականությանը։ Ներկայում Թուրքիայի ԱԳ նախարարությունը պահանջում է ապամոնտաժել Բրատիսլավայի կենտրոնում դրված հայկական խաչքարը՝ քաղաքական մեծ ճնշումներ գործադրելով։ Օրենքի փոփոխությունները վերջ կդնեն թուրքական այս քայլերին ու պահանջներին։ Նախարարի հավաստմամբ, փոփոխությունների ընդունումից հետո թուրքական դիվանագիտությունը պետք է հաշտվի իր պարտության հետ, քանի որ Սլովակիան կդադարեցնի հուշարձանը ապամոնտաժելու վերաբերյալ բոլոր բանակցությունները։

Խոստովանելով, որ շատ է հարգում հայ ժողովրդին ու Հայաստանը, Սլովակիայի արդարադատության նախարարն ասաց, որ հայ ժողովուրդն ունի հազվագյուտ պատմություն. ամբողջ աշխարհում Հայաստանն առաջինն է պաշտոնապես ընդունել քրիստոնեությունը։ «Հենց այս հավատն է հնարավորություն տվել հայերին ապրել հազարամյակներով, վերապրել ցեղասպանությունը ու շարունակել զարգացումը»,–կարծում է նա։


Օ. ԿԱՄԱՎՈՍՅԱՆ
/HHpress/

Շարունակել կարդալ >>>
Leer mas >>>

Հայաստանը իսպանական ձեռնարկություններին հետաքրքրող տնտեսական հզոր ներուժ ունի

Ասում է Իսպանիայի Թագավորությունում Հայաստանի Հանրապետության պատվո հյուպատոս Լուիս Բարբերա Սապատերոն

Շարունակելով եվրոպական ընտանիքին ինտեգրվելու քաղաքականությունը՝ Հայաստանն աստիճանաբար նոր գործընկերներ է ձեռք բերում։
«Հայաստանը և Իսպանիայի Գալիցիա նահանգը գրեթե նույն տարածքային մակերեսը ունեն,–ասում է Իսպանիայի Թագավորությունում Հայաստանի Հանրապետության պատվո հյուպատոս Լուիս Բարբերա Սապատերոն։–Այսօր Հայաստանը վերականգնման մեծ գործընթացի մեջ է, որում իսպանական խոշոր ձեռնարկությունները մեծ ներդրում կարող են ունենալ։ Ձեր երկիրը իսպանական ձեռնարկություններին հետաքրքրող տնտեսական հզոր գործոններ և ներուժ ունի։ Եթե ավելացնենք, որ Հայաստանից Իսպանիա հասնելու համար օդանավով ընդամենը չորս ժամ է անհրաժեշտ, ուրեմն երկու երկրների միջև հարաբերությունների մերձեցման հնարավորությունը կարելի է լայն համարել»։ Այժմ մի շարք իսպանական ձեռնարկություններ արդեն որոշ գործարքներ են սկսել։

Պատվո հյուպատոսի հավաստմամբ՝ Իսպանիայի Թագավորությունում գործող հայկական հյուպատոսարանը զանազան առաքելություններով և մշակութային գործունեությամբ, ինչպես նաև կազմակերպչական ձեռնարկներով նպաստում է, որ հզորանան քաղաքական, հասարակական և միջձեռնարկատիրական հարաբերությունները երկու երկրների՝ Հայաստանի և Իսպանիայի միջև։ «Տնտեսական ամուր կապ հաստատելով Հայաստանի հետ՝ ապագայում ավելի հեշտությամբ կդիմակայենք ասիական գոտիների մրցակցությանը»,— նշում է Լուիս Բարբերա Սապատերոն։

Մյուս կողմից՝ քանի որ Իսպանիայում հայկական դեսպանատուն չկա, հյուպատոսարանը նաև պարտականություններն է ստանձնել ընդունելու և սպասարկելու այն քաղաքացիներին, որոնք այցելում են այնտեղ։ Ներկայում Իսպանիայում ապրում է գրեթե 50 հազար հայ. «Հյուպատոսարանը նրանց բոլորի համար ուզում է լինել հարազատ օջախ։ Ի դեպ, այնտեղ կա ընդամենը մեկ պատուհան, որի միջոցով կատարվում են զանազան անհրաժեշտ թղթաբանությունները։ Այսինքն՝ ամեն ինչ կատարվում է առանց ավելորդ քաշքշուկների»,— վստահեցնում է Իսպանիայում Հայաստանի պատվո հյուպատոսը։

/Գագիկ ՆԱՀԱՊԵՏՅԱՆ /

Շարունակել կարդալ >>>
Leer mas >>>

Դարձյալ՝ առանց «ցեղասպանություն» բառի

ՀՀ—ում ԱՄՆ–ի դեսպանի թեկնածու Մ. Յովանովիչը 1915—ի իրադարձությունների մասին խոսելիս օգտագործել է «Մեծ եղեռն» ձևակերպումը:

«ԱՄՆ–ի կառավարությունը և, իհարկե, ես ճանաչում և սգում ենք մասսայական սպանությունների, էթնիկ զտումների և բռնի տեղահանության համար, որն օսմանյան կայսրության վերջին շրջանում խլեց 1,5 միլիոն հայերի կյանք։ ԱՄՆ—ը ճանաչում է այդ իրադարձությունները որպես 20—րդ դարի ամենամեծ ողբերգություն, «Մեծ եղեռն», ինչպես շատ հայեր անվանում են այն։

Դա է պատճառը, որ ամեն տարվա ապրիլին ԱՄՆ–ի նախագահը հարգում է զոհերի հիշատակը և արտահայտում իր զորակցությունը հայ ժողովրդին»,–ասել է ՀՀ—ում ԱՄՆ–ի դեսպանի պաշտոնում նախագահ Ջորջ Բուշի կողմից առաջադրված թեկնածու Մարի Յովանովիչը՝ ԱՄՆ–ի Սենատի արտաքին հարաբերությունների հանձնաժողովում հունիսի 19—ին կայացած լսումներում։

Ըստ նրա, վարչակազմը հասկանում է, որ շատ ամերիկացիներ հավատում են, որ այդ իրադարձությունները պետք է կոչվեն «ցեղասպանություն»։

Նախագահ Բուշի և նրան նախորդած նախագահների քաղաքականությունն է այդ տերմինը չօգտագործելը։ Նախագահը խրախուսում է Թուրքիայի քաղաքացիներին՝ հաշվի նստել իրենց անցյալի հետ և հաշտվել հայերի հետ։ Նա ջանքեր է գործադրում այդ ուղղությամբ։ Նախագահ Ջ. Բուշը հավատում է, որ զոհերին հարգելու ամենալավ եղանակն անցյալը հիշելն է, և դեպի ապագա նայելով՝ փոխըմբռնում ու համաձայնություն հաստատելը հայերի և թուրքերի միջեւ։ Դրա բանալին, Մ. Յովանովիչի խոսքերով, Հայաստանի մեկուսակցմանը վերջ դնելն է և սահմանների բացումը։

«Հայաստանի կառավարությունն ակնկալում է, որ մենք պետք է աջակցենք այդ գործին։ Դա հեշտ չէ և շատ արագ չի իրականանա, բայց որոշ հուսադրող նշաններ կան։

Նախագահ Բուշը հավատում է, որ հարաբերությունների նորմալացում հնարավոր է և անհրաժեշտ։ Արդյունքում կբարելավվի յուրաքանչյուր հայի կյանքը։ Իմ գործում առաջնահերթություն կլինի տարածաշրջանային հավասարակշռությանը նպաստելը՝ Հայաստանի և Թուրքիայի հարաբերությունների կարգավորմամբ և Լեռնային Ղարաբաղի հակամարտության լուծմամբ։ Ամեն տարի զինվորներ են զոհվում Ադրբեջանի հետ շփման գծում։ Իրավիճակի վատացումն անընդունելի է և անհամատեղելի ինչպես տարածաշրջանի, այնպես էլ ԱՄՆ—ի շահերի հետ։

Այս ուղղությամբ ևս որոշ առաջընթաց քայլ կա։ Հաջողությունը Հայաստանին կբերի անվտանգություն և տնտեսական մեծ հնարավորություններ։ Այս խնդրում ևս իմ ուշադրությունը մեծ է լինելու և ոչ միայն կառավաչրություն—կառավարություն կապի, այլ մարդ—մարդ շփումների տեսանկյունից։ Շփումները վստահություն կբերեն, որն առաջին քայլն է հակամարտության լուծման համար»,—նշել է դեսպանի թեկնածուն։

Նրա խոսքերով, Հայաստանում կառավարման համակարգի կատարելագործմանն աջակցելը ևս ԱՄՆ—ի համար կարևոր նպատակ է։ «Հայաստանի հետ մեր հարաբերությունները ընդարձակ են ու խոր թե երկկողմ հարթության վրա, թե մարդկանց միջև շփումներում։ ԱՄՆ—ն առաջին պետությունների թվում էր, որ ճանաչեց Հայաստանի անկախությունը, և առաջինը, որ հիմնադրեց դեսպանություն Երևանում։ Անցած 17 տարիների ընթացքում ԱՄՆ—ը շուրջ 2 միլիարդ դոլարի աջակցություն և նյութական օժանդակություն է տրամադրել հայերին։ Դեռեւս մարտահրավերներ կան, և մենք ակնկալում ենք, որ գործակցությունը կշարունակվի բոլոր ոլորտներում։ Եթե հանձնաժողովը հաստատի իմ թեկնածությունը, ես կանեմ ամեն հնարավորը, որ ԱՄՆ—ի հետաքրքրությունները պաշտպանվեն, երկկողմ կապերն ակտիվանան, Հայաստանի մեկուսացումը վերանա, և հաստատվի տարածաշջանային կայություն»,–ասել է Մ. Յովանովիչը։

Նշենք, որ դեսպանի թեկնածուին հարցեր է ուղղել դեմոկրատ սենատոր Ռոբերտ Մենենդեսը, ով ժամանակին երկու անգամ արգելափակել էր նախագահ Ջորջ Բուշի առաջարկած նախկին թեկնածուի՝ Ռիչարդ Հոգլանդի հաստատումը։ Սենատի արտաքին հարաբերությունների հանձնաժողովում Յովանովիչի նշանակման հարցով քվեարկությունը կանցկացվի, երբ դիվանագետը կպատասխանի նաև գրավոր հարցերին, որոնք նրան հղել են մի շարք սենատորներ, այդ թվում՝ Դեմոկրատական կուսակցությունից ԱՄՆ—ի նախագահի թեկնածու Բարաք Օբաման, Կալիֆորնիայից ընտրված դեմոկրատ սենատոր Բարբարա Բոքսերը և այլք։
Հիշեցնենք, որ ՀՀ—ում ԱՄՆ–ի նախկին դեսպան Ջոն Էվանսը հետ կանչվեց հայոց ցեղասպանության մասին հրապարակայնորեն խոսելու համար։

Շարունակել կարդալ >>>
Leer mas >>>