ԱՄՆ-ի հրեաները թուրքերին սպառնում են ճանաչել Հայոց ցեղասպանությունը

«Մենք հավատացած ենք, որ Ցեղասպանություն եղել է, սակայն ....»

Երուսաղեմի և Անկարայի հարաբերություններում լարվածությունը սառը հոսանքներ է առաջացրել նաև Վաշինգտոնում: Այս մասին գրում է The Jerusalem Post թերթը՝ հիշեցնելով, որ ԱՄՆ հրեական որոշ խմբեր պատմականորեն միշտ սերտ համագործակցել են Թուրքիայի հետ:


Որպես այդ համագործակցության ապացույց՝ թերթն առանձնացնում է հայկական հարցը՝ ընդգծելով, որ որոշ հրեական խմբեր Կոնգրեսի անդամներին դրդել են չընդունել Հայոց ցեղասպանությունը ճանաչող բանաձևերը: Սակայն, ըստ պարբերականի, այժմ իրավիճակը մի փոքր այլ է:
«Իսրայելի նկատմամբ Թուրքիայի թշնամանքը, բնականաբար, իր հետևանքները կունենա: ԱՄՆ կառավարությունում և ոչ կառավարական շրջանակներում Իսրայելի բարեկամները դա հաշվի կառնեն»,- թերթին ասել է Վաշինգտոնի հրեական համայնքի առաջնորդներից մեկը, որը նախընտրել է չներկայանալ:

Մեկ այլ հրեա պաշտոնյա պարբերականին ասել է, որ Էրդողանի գլխավորությամբ «Արդարություն և զարգացում» կուսակցությունը վատթարացրել է երկու երկրների միջև «պատմականորեն սերտ հարաբերությունները», որոնց հիմքը դրվել էր նախկին աշխարհիկ կառավարությունների օրոք:

Մյուս կողմից՝ Anti-Defamation League հրեական կազմակերպությունը, որն ամուր կապեր ունի Թուրքիայի հետ, ոգևորված է ԱՄՆ-ում Թուրքիայի դեսպան Նամիկ Թանի նշանակմամբ, որը նախկինում ծառայել է որպես Իսրայելում Թուրքիայի դեսպան: Կազմակերպությունը վստահեցնում է, որ ամենևին էլ չի փոխել իր դիրքորոշումը Հայոց ցեղասպանության հարցի շուրջ:

«Մենք հավատացած ենք, որ Ցեղասպանություն եղել է, սակայն ներկայում այդ մասին ԱՄՆ Կոնգրեսում բանաձև ընդունելը նպատակահարմար չէ: Այստեղ գործում է այն սկզբունքը, որ տվյալ հարցը նպատակահարմար է ուսումնասիրել պատմական հանձնաժողովի տեսանկյունից»,- ասել է Anti-Defamation League-ի ներկայացուցիչը:


Աղբյուրը` Կապիտալ

Շարունակել կարդալ >>>
Leer mas >>>

Manifestantes exigen justicia a los 3 años del asesinato de periodista turco de etnia armenia Hrant Dink

Ankara, 19 ene (EFE)

Miles de personas se manifestaron hoy en Estambul para exigir justicia en el tercer aniversario del asesinato del periodista turco de etnia armenia Hrant Dink.

Dink se había caracterizado por sus críticas tanto al nacionalismo turco como a la diáspora armenia y era un firme defensor de la tolerancia entre las diversas etnias de Turquía.
Aunque un día después del asesinato se detuvo a un joven ultranacionalista que reconoció haber disparado a Dink, la familia del periodista y sus abogados exigen a la Justicia turca que investigue quién ordenó realmente su muerte."¡Sabemos quién es el asesino, queremos justicia!", gritaron los miles de personas que, a pesar de la nieve, se congregaron en el exterior de la oficina de 'Agos', la publicación semanal en lengua turca y armenia que dirigía Dink.

Arat Dink, hijo de Hrant, se dirigió a la multitud para decir que durante los tres años de investigación y juicio los imputados se han burlado de ellos en el proceso.
"Igual que el asesino no estaba solo cuando mató a mi padre, los sospechosos no están solos cuando se burlan de nosotros en los tribunales", afirmó Arat Dink, en referencia a la supuesta implicación de personas dentro del Estado en el asesinato del periodista y a las negligencias cometidas por el Gobierno a la hora de protegerlo.

Los manifestantes encendieron velas y depositaron claveles rojos bajo un gran cartel en el que se leía: "El único camino para nosotros es defender la vida en común".

En Ankara y en las capitales de otras provincias del país también se organizaron marchas y concentraciones para recordar la figura de Dink y exigir que se investigue a fondo su asesinato.

Noticias EFE

Շարունակել կարդալ >>>
Leer mas >>>

Միշել Լեգրան. Երևանում ես գտել եմ իմ ընտանիքի անդամներին

Ծագումով հայ հանրահայտ երաժիշտ Միշել Լեգրանը Կրասնոդարում հանդես է եկել երկու համերգով։ Նրա երկրորդ ելույթին մասնակցել են նաև Գեորգի Գարանյանի ջազ նվագախմբի երաժիշտները։ Երկու հանրահայտ երաժիշտներին միավորում էր ոչ միայն սերը ջազի նկատմամբ, այլև հայկական արմատները։

Կրասնոդարում Միշել Լեգրանը նախընտրեց ճաշել հայկական ռեստորանում, և շփվել տեղի հայ համայնքի հետ։Российская газета-ին տված հարցազրույցում Միշել Լեգրանը նշել է, որ բազմիցս այցելել է Հայաստան։ «Չէ՞ որ իմ մոր ազգանունը Տեր-Միքայելյան է։ Իմ պապիկը ստիպված է եղել հեռանալ հայրենիքից Օսմանյան կայսրության օրոք։ Ես գտել եմ Երևանում իմ ընտանիքի անդամներին, իմ զարմիկներին։ Ընդհանրապես, ընտանիքն ինձ համար մեծ նշանակություն ունի։ Ես չորս զավակ ունեմ։ Նրանք բոլորն էլ մեծացել են երաժշտական մթնոլորտում, փորձել եմ լավ կրթություն տալ նրանց»,- նշել է Լեգրանը։

Խոսելով իր զավակների մասին՝ հանրահայտ երաժիշտը նշել է, որ իր դուստրերը նախընտրել են էքստրիմը. Դոմինիկը մրցարշավորդ է, Էժենին` միջազգային կարգի ձիավարող։ Իսկ որդիներն ընտրել են երաժշտության ուղին. Էրվեն կոմպոզիտոր է, իսկ Բենժամենը՝ երգիչ։

«Ես շատ պահանջկոտ եմ ու մանրախնդիր։ Ինչպես և իմ երեխաները, ռիսկի սիրահար եմ։ Մինչև այսօր շատ եմ սիրում վարել իմ ինքնաթիռը ...կարծես, թռչուն լինես»,- ասել է Լեգրանը։

Նշենք, որ այս տարի լրանում է հանրահայտ երաժշտի 78-ամյակը, իսկ Ֆրանսիայում 2010թ. նվիրված է լինելու Լեգրանի 50-ամյա ստեղծագործական գործունեությանը/ անցնելու է Լեգրանի 50-ամյա ստեղծագործության ներքո։ Միշել Լեգրանը փորձել է ամփոփել իր անցած ուղին վավերագրական ֆիլմում, որի ռեժիսորն է նրա վաղեմի ընկեր Սերժ Կորբերը։

Թերթ.am

Շարունակել կարդալ >>>
Leer mas >>>

Կիսով չափ հայ, կիսով չափ սևամորթ

Միացյալ Նահանգներում մեկնարկել է «Էլիի գիրքը» ֆիլմի ցուցադրությունը, որի գլխավոր դերում հանդես է եկել հոլիվուդյան դերասան Դենզել Վաշինգտոնը: Ֆիլմի ռեժիսորներն են ծագումով հայ Ալբերտ և Ալլեն Հյուզ եղբայրները, ովքեր հայտնի են իրենց նախորդ` «Դժոխքից» ֆիլմով: Այս մասին հաղորդում է Armenian Weekly-ն:

USA Today-ում հրապարակված հոդվածներից մեկում ռեժիսոր Ալբերտ Հյուզը, խոսելով իրենց անցած ուղու մասին, նշել է. «Մարդիկ քարկոծել են մեզ` որպես սևամորթ ռեժիսորների: Ես դա միշտ ատել եմ: Նրանց համար մենք կիսով չափ հայ ենք, կիսով չափ սևամորթ»:
Նշենք, որ Հյուզ եղբայրները ծնվել են Դետրոյտում: Նրանց աֆրոամերիկացի հայրը հեռացել է, երբ տղաներն ընդամենը երկու տարեկան էին: Այնուհետև իրենց «անդրդվելի ֆեմինիստ» մոր հետ, որն ազգությամբ հայ է, տղաները տեղափոխվել են Փոմոնա:
Հյուզ եղբայրները հաճախ են խոսում իրենց հայկական արմատների մասին:

Օրինակ` 2005թ. հարցազրույցների մեկում Ալբերտ Հյուզը նշել էր. «Սկզբում մեզ լսարան էր պետք: Երբ մենք սկսեցինք ֆիլմեր նկարահանել, հայերը մեզ աջակցում էին: Մինչդեռ սևամորթները գրկաբաց մեզ չընդունեցին, քանի որ մենք կիսով չափ էին սևամորթ: Իսկ հայկական կողմը մեզ միշտ ողջունել է: Հայերը շռայլ և համեստ են...Արդյո՞ք դա ազգին բնորոշ գիծ է... Ես երբեք ագահ չեմ եղել, և դա իմ հայկական արմատներից է գալիս»:

Մանրամասը ֆիլմի մասին:
http://thebookofeli.warnerbros.com/

Շարունակել կարդալ >>>
Leer mas >>>

Hurriyet. Հայաստանը խախտեց խաղի կանոնները

«Հայաստանի Սահմանադրական դատարանն անցած շաբաթ վավերացրեց արձանագրությունները։ Սակայն երեկ երեկոյան հրապարակված ութ էջանոց որոշումը սառը ցնցուղի ազդեցություն ունեցավ։ Որովհետև, համաձայն ՍԴ-ի որոշմանը, արձանագրությունների դրույթները կարող են կյանքի կոչվել միայն երկու պայմանի իրականացման դեպքում։ Վճռի համաձայն` արձանագրությունները շրջանառության մեջ կդրվեն «դիվանագիտական հարաբերությունների հաստատման» և «ընդհանուր սահմանի բացման» դեպքում»։ Այս մասին «Հայաստանը խախտեց խաղի կանոնները» վերտառությամբ հոդվածում գրում է թուրքական Hurriyet օրաթերթը` մեկնաբանելով Թուրքիայի արտգործնախարարության` հայ-թուրքական արձանագրությունների վերաբերյալ ՀՀ ՍԴ-ի կայացրած որոշման առնչությամբ տարածած հաղորդագրությունը։

«Սակայն ՍԴ-ի ամենակարևոր մեկնաբանությունը թերևս դա չէ։ ՍԴ-ն հայտարարել է, որ արձանագրություններով նախատեսված պատմական հարցերի ուսումնասիրման համար ստեղծվելիք հանձնաժողովը բացարձակապես չի քննարկելու 1915թ. իրադարձությունները։ Հայաստանի ՍԴ-ի մեկնաբանությամբ, այդ հանձնաժողովը ստեղծվելու է «ցեղասպանության» հարցի միջազգայնացման նպատակով»,- նշում է Hurriyet-ը։

Թուրքական օրաթերթն ընդգծում է, որ այդ մեկնաբանությունը Թուրքիայի տեսանկյունից վճռորոշ նշանակություն ունի, քանի որ հենց Թուրքիան էր առաջարկել 1915թ. իրադարձությունների ուսումնասիրման համար ստեղծել պատմաբանների հանձնաժողով։ «Սակայն Հայաստանն ընդդիմանում էր այդ առաջարկությանը։ Եվ որոշվեց պատմական հարցերի ուսումնասիրության համար ստեղծել միջազգային հանձնաժողով»։

Ըստ Hurriyet-ի, մյուս կարևոր կետը ՍԴ-ի որոշման մեջ արձանագրություններում ամրագրված «փոխադարձ սահմանների ճանաչման» դրույթն է։

«Թուրքիան այդ դրույթը մեկնաբանում էր որպես Հայաստանի կողմից 1921թ. Կարսի պայմանագրի ընդունում։ Սակայն ՀՀ ՍԴ-ն որոշում է կայացրել առ այն, որ այդ կետը կարող է գործել միայն Հայաստանի Հանրապետության անկախացումից, այսինքն` 1991-ից հետո ձեռք բերված համաձայնագրերի դեպքում»։

Թուրքական պարբերականը հետևություն է անում, թե Հայաստանի ՍԴ-ի որոշումը կարող է էլ ավելի բարդացնել գործընթացը։ «Սահմանադրական դատարանի որոշումը նշանակում է խաղի կեսից փոխել կանոնները։ Դժվար թե Թուրքիան ընդունի իր համար մեծ կարևորություն ունեցող պատմական հանձնաժողովի և սահմանների հետ կապված մեկնաբանությունները»,- եզրափակում է Hurriyet-ը` հավելելով, որ կարևոր է լինելու նաև այն, թե ինչպես կարձագանքեն ստեղծված իրավիճակին գործընթացին ներգրավված երկրները` Միացյալ Նահանգները, Ռուսաստանը և որպես միջնորդ հանդես եկող Շվեյցարիան։

Tert.am

Շարունակել կարդալ >>>
Leer mas >>>

Թուրքերի համար ԱՄՆ-ից հետո Հայաստանը երկրորդ թշնամին է

Թուրքերի համար իրենց առաջին թշնամին Միացյալ Նահանգներն է, իսկ երկրորդը` Հայաստանը։ Այս մասին են վկայում Անկարայի համալսարանի Եվրոպական համայնքների հետազոտման կենտրոնի իրականացրած հասարակական կարծիքի հարցման արդյունքները։

Հարցման մասնակիցների 37,5%-ը որպես թշնամի երկիր է դիտում Միացյալ Նահանգները, 10,9%-ը` Հայաստանը, 10,6%-ը` Իսրայելը, 6,1%-ը` Հունաստանը, իսկ 5,1%-ը` Ֆրանսիան։
Հարցվածների 29,9%-ի կարծիքով, Թուրքիայի բարեկամ երկիրն Ադրբեջանն է, 15,7%-ի կարծիքով` Հյուսիսային Կիպրոսի Թուրքական Հանրապետությունը։

Հարցին, թե «Թուրքիայի Ազգային մեծ ժողովը պե՞տք է արդյոք վավերացնի հայ-թուրքական Արձանագրությունները», մասնակիցների 69,7%-ը պատասխանել է` «այո»։ Սակայն «այո»-ին հաջորդել են հետևյալ պարզաբանումները. հարցվածների 35%-ի կարծիքով, հայ-թուրքական Արձանագրությունները պետք է վավերացվեն հայերի` «ադրբեջանական տարածքներից դուրս գալուց հետո», 28,6%-ի կարծիքով` Արձանագրությունները պետք է վավերացվեն այն ժամանակ, երբ «հայերը կհրաժարվեն Հայոց ցեղասպանության պնդումներից»։ Եվ միայն 6,1%-ն է կարծում, որ արձանագրությունները «պետք է անհապաղ վավերացվեն` առանց որևէ նախապայմանի»։

Այս հարցումն անցկացվել է 2009թ. հոկտեմբերի 31-ից դեկտեմբերի 31-ն ընկած ժամանակահատվածում Թուրքիայի ինը նահանգներում, այդ թվում` Անկարայում և Ստամբուլում։ Հարցումը, որին մասնակցել է 1032 մարդ, անցկացվել է ուսյալ խավի` ուսանողների, հասարակական գործիչների, մտավորականների և այլոց շրջանում։

Թերթ.am

Շարունակել կարդալ >>>
Leer mas >>>

Հրանտ Դինքի սպանությունից երեք տարի անց դատավարությունը տեղից չի շարժվում

«Ակօս» շաբաթաթերթի խմբագրապետ Հրանտ Դինքի սպանությունից անցել է երեք տարի։ Սակայն, կարելի է ասել, որ այդ սպանության մանրամասների մասին գիտենք այնքան, որքան երեք տարի առաջ։

Խմբագրապետի սպանության գործի դատավարության ընթացքի մասին «Ֆըրաթ» գործակալության հետ զրուցել է Հրանտ Դինքի ընտանիքի փաստաբան, «Մեծ մայրս» գրքի հեղինակ Ֆեթհիյե Չեթինը։ Նրա խոսքով՝ դատական գործընթացը տեղից չի շարժվում։
«Սպանության գործի դատավարությունն սկսվել է 2,5 տարի առաջ։ Սակայն ցավով պետք է նշեմ, որ դատական գործընթացը գրեթե այն կետում է, որտեղից մեկնարկել է։ Առաջընթաց չի արձանագրվում»,- նշել է Ֆեթհիյե Չեթինը և ավելացրել, որ իրական հանցագործներն ու պատասխանատուներն ազատության մեջ են։

«Մենք պահանջում ենք Հրանտի սպանության իրական կազմակերպիչներին։ Այդ ուղղությամբ որևէ զարգացում չկա։ Սակայն կան պետական զեկույցներ, օրինակ` կառավարության, Ներքին գործերի նախարարության, Թուրքիայի Ազգային մեծ ժողովի Մարդու իրավունքների հարցերով հանձնաժողովի զեկույցները։ Իսկ սրանք վկայում են այն մասին, որ պետությունը գիտեր սպանության կազմակերպիչներին։ Բոլոր հետախուզական կառույցները գիտեին, որ Հրանտը սպանվելու էր։ Այդ կառույցները հետևում էին Հրանտին։ Ինչո՞ւ որևէ քայլ չձեռնարկեցին` սպանությունը կանխելու համար։ Հակառակ բոլոր այդ զեկույցների առկայության` իրական պատասխանատուները թաքցվում են»,- ասել է Ֆեթհիյե Չեթինը։

Թերթ.am

Շարունակել կարդալ >>>
Leer mas >>>

Թուրքիայում հայերից ներողություն խնդրելը հանցանք չէ

Անկարայի Սինջան շրջանի քրեական դատարանը որոշում է կայացրել «Հայերից ներողություն եմ խնդրում» արշավի կազմակերպիչների դեմ հետաքննություն չսկսելու և նրանց քրեորեն չհետապնդելու մասին: Այս մասին հաղորդում է թուրքական «Ռադիկալ» օրաթերթը։
Հիշեցնենք, որ 2008թ. դեկտեմբերին չորս թուրք մտավորականներ` Բասքըն Օրանը, Ահմեդ Ինսելը, Ջենգիզ Աքթարը և Ալի Բայրամօղլուն, հանդես էին եկել «Հայերից ներողություն խնդրելու» արշավ սկսելու նախաձեռնությամբ, որի շրջանակում կազմակերպվել էր ինտերնետային ստորագրահավաք։ Մտավորականների դեմ Թուրքիայի վեց քաղաքացիների ներկայացրած հայցի հիման վրա հետաքննություն էր սկսվել Անկարայի դատախազությունում «թուրք ազգին հրապարակավ վիրավորելու մեղադրանքով», այսինքն` Թուրքիայի ՔՕ 301-րդ հոդվածի հատկանիշներով։

2009թ. հունվարին Անկարայի դատախազությունը որոշում էր կայացրել «Հայերից ներողություն եմ խնդրում» արշավի կազմակերպիչ չորս թուրք մտավորականներին քրեորեն չհետապնդելու մասին։ Որոշումը հիմնավորվել էր նրանով, որ «ժողովրդավարական հասարակության մեջ հակադիր կարծիքները պաշտպանված են մտքի և խոսքի ազատության իրավունքով»։

Իսկ ավելի ուշ` 2009թ. մարտին, Սինջանի քրեական դատարանը բավարարել էր Անկարայի դատախազության` «Հայերից ներողություն եմ խնդրում» արշավի կազմակերպիչներին քրեորեն չհետապնդելու վերաբերյալ որոշման բողոքարկումը։


Թերթ.am

Շարունակել կարդալ >>>
Leer mas >>>