Հրանտ Դինքի սպանության գործով դատավարությունը հետաձգվեց մինչև հոկտեմբեր

Ստամբուլում հուլիսի 7-ին վերսկսվել է «Ակոս» թերթի խմբագրապետ Հրանտ Դինքի սպանության գործով մեղադրվող 19 անձի դատավարությունը, որը, սակայն, հետաձգվել է մինչև հոկտեմբերի 13-ը։ Դատական նիստն առաջին անգամ բաց է անցկացվել։ Բոլոր նախորդ նիստերը դռնփակ էին, որովհետև սպանությունն իրականացրած Օգյուն Սալմաստը անչափահաս էր, անցած ամիս նա դարձել է 18 տարեկան։ Գործը վարող դատավորը նիստի ժամանակ ասել է, թե Էրհան Թունջելը, ով մեկ այլ ամբաստանյալի հետ մեղադրվում է սպանությունը կազմակերպելու մեջ, նախօրոք հայտնել է ոստիկանությանը սպանության նախապատրաստման մասին։

Առայժմ պարզ չէ, թե ինչու է մեղադրյալը տեղեկացրել ոստիկանությանն իր իսկ կողմից նախապատրաստվող հանցագործության մասին։

AP գործակալության վկայությամբ՝ իրավապաշտպանները համոզված են, որ ոստիկանությունը տեղյակ է եղել նախապատրաստվող սպանության մասին, բայց ոչինչ չի արել հանցագործությունը կանխելու համար։


/Արմենպրես/

Շարունակել կարդալ >>>
Leer mas >>>

Վերսկսվում է Հրանտ Դինքի սպանության գործով դատավարությունը

Ստամբուլում լույս տեսնող «Ժամանակ» թերթի խմբագիր Արա Գոչունյանը լրատվամիջոցներին տեղեկացրել է, որ «Ակոս» թերթի խմբագրապետ Հրանտ Դինքի սպանության գործով այսօր վերսկսվող դատավարությունը կուղեկցվի դատարանի շենքի մոտ բողոքի ցույցով։ Մի շարք կազմակերպություններ մտադիր են արդար դատավարության պահանջով կրկին իրենց բողոքի ձայնը բարձրացնել։
Ա. Գոչունյանը հայտնել է նաև, որ սպանված խմբագրապետի գործին վերաբերող դատական նիստերն այսօրվանից հավանաբար պետք է բաց լինեն լրատվամիջոցների համար։


«Մինչև այս նիստը Հրանտ Դինքի ոճրագործի 18 տարին չէր լրացել, այդ պատճառով դատական նիստերը դռնփակ էին ընթանում։ Այժմ 18 տարին արդեն լրացել է, հետևաբար արդեն հնարավոր է նախ` նրա անունը ամբողջությամբ նշել, մինչ այժմ նիստում և լրատվամիջոցներում անունը նշվում էր «Օ.Ս», բացի այդ, ԶLՄ-ները պետք է որ հնարավորություն ունենան ազատ հետևել դատավարությանը։ Այսինքն` դատական նիստերն այսուհետ պետք է դադարեն դռնփակ լինել», - նշել է Ա. Գոչունյանը։2007 թվականի հունվարի 19-ին երիտասարդ ազգայնական Օգուն Սամասթի կողմից սպանված Հրանտ Դինքի գործով դատարանի առջև է առնվազն 19 մարդ, հիմնականում` տրապիզոնցի ազգայնականներ։ Ապրիլի 28-ին վերսկսված դատական նիստը հետաձգվել էր, երբ դատարանը լսել էր սպանության գործով 19 կասկածյալներից 3-ի վկայությունները։

Ըստ «Ժամանակ» թերթի խմբագրի` այս երկու ամիսներին «գործի ընթացքը փոխող և ընդհանրապես գործի առնչությամբ լայն արձագանք ստացող բացահայտումներ չեն եղել։ Այս պահի դրությամբ, կոնկրետ գործի ընթացքը փոխող նորություններ չկան։ ԶLՄ-ները և բոլոր ՀԿ-ները, որոնք զբաղվում են այս գործով, տեղեկացնում են, որ մեկ տարի է, ինչ դատավարությունը սկսված է, և այս մեկ տարում որեւէ լուրջ տեղաշարժ արձանագրված չէ։ Գործընթացը բավական դանդաղ է ընթանում»։

Օրերս Անկարայում և Ստամբուլում ձերբակալվել են երկու տասնյակից ավելի մարդիկ` այդ թվում բարձրաստիճան պաշտոնյաներ և պաշտոնաթող զինվորականներ, ովքեր կասկածվում են մի շարք սպանություններ նախապատրաստելու մեջ։

Դատախազության տվյալներով՝ ձերբակալվածները կարող են լինել «Էրգենեկոն» ծայրահեղ ազգայնական խմբավորման անդամներ, որը, ըստ ենթադրությունների, առնչություն ունի «Ակոս» թերթի խմբագրապետ Հրանտ Դինքի սպանությանը, ինչպես նաև Նոբելյան մրցանակի դափնեկիր Օրհան Փամուկի դեմ մահափորձին։


/Թերթ.am/

Շարունակել կարդալ >>>
Leer mas >>>

Թուրքիայի նախագահը «գնահատում է» Սերժ Սարգսյանի հրավերը

Թուրքիայի նախագահ Աբդուլլա Գյուլը «գնահատում է» հայոց պետության ղեկավար Սերժ Սարգսյանի հրավերը։


«Ջիհան» լրատվական գործակալության հաղորդման համաձայն, այդ մասին հայտարարել է ինքը` Թուրքիայի նախագահը, պատասխանելով լրագրողների այն հարցին, թե արդյոք մտադիր է ներկա գտնվել սեպտեմբերին 6-ին Երևանում կայանալիք Թուրքիայի և Հայաստանի ֆուտբոլի հավաքականների խաղին։


Ըստ թուրքական աղբյուրների՝ Աբդուլլա Գյուլը նաև տեղեկացրել է, որ Աստանայում ինքը կարճատև երկկողմ հանդիպումներ է անցկացրել Նուրսուլթան Նազարբաևի հրավերով Ղազախստան ժամանած բոլոր պետությունների ղեկավարների, այդ թվում` նաև Հայաստանի նախագահի հետ։ Նույն աղբյուրների համաձայն՝ Աբդուլլա Գյուլը Սերժ Սարգսյանին մեկ անգամ ևս շնորհավորել է ՀՀ նախագահ ընտրվելու կապակցությամբ և հաղորդել, որ ստացել է Հայաստանի նախագահի հրավերի նամակը:


/ԱրմԻնֆո/

Շարունակել կարդալ >>>
Leer mas >>>

Հայ և թուրք պատմաբանների աստեղային ժամը

Սերժ Սարգսյանը Մոսկվա կատարած այցի ժամանակ հայտարարեց, թե ինքը կողմ է պատմաբաններից կազմված հանձնաժողովի ստեղծմանը, որը կուսումնասիրի հայ-թուրքական հարաբերությունների հարցը, մասնավորապես Ցեղասպանության խնդիրը: Սերժ Սարգսյանի այս առաջարկը միանշանակ ընդունելություն չգտավ Հայաստանում, եղան բազմապիսի արձագանքներ: Արժե սակայն անդրադառնալ խնդրին մի տեսանկյունից, որը կարծես անուշադրության է մատնվել:
Բանն այն է, որ ամեն ինչից զատ, Թուրքիայում գոյություն ունի Քրեական օրենսգրքի 301 հոդված, որի էությունը «թրքությունը վիրավորելու համար» քրեական պատասխանատվությունն է: Ճիշտ է, Եվրոպան Թուրքիային ստիպում է վերացնել այդ հոդվածը` դա առաջադրելով որպես Եվրամիությանն անդամակցելու նախապայման, սակայն Թուրքիայի կառավարությունն առայժմ համառում է: Այդ հոդվածով մեղադրվել են Հրանտ Դինքը, թուրք մտավորականներ, որոնք խոսել են Ցեղասպանության մասին: Հիմա, պատկերացնենք, որ ստեղծվում է հայ և թուրք պատմաբանների հանձնաժողով:
Ինչ պետք է ուսումնասիրի այդ հանձնաժողովը. բնականաբար, 1915 թվականին նախորդող և հաջորդող իրադարձությունները: Ըստ այդմ, այդ հանձնաժողովն այդպիսով արդեն իսկ կխախտի Թուրքիայի ՔՕ 301 հոդվածը: Իր հերթին, ինչ պետք է անի այդ հանձնաժողովը. այն կամ պետք է ընդունի, որ եղել է Ցեղասպանություն, և այդ դեպքում Թուրքիայի կառավարությունը հանձնաժողովին կմեղադրի և քրեական պատասխանատվության կենթարկի «թրքությունը վիրավորելու համար»: Կամ էլ հանձնաժողովը կեզրակացնի, որ ոչ մի Ցեղասպանություն էլ չի եղել: Փաստորեն, երրորդ դեպք չի կարող լինել, բացի այն, որ հանձնաժողովի թուրքական մասը կպնդի, որ չի եղել Ցեղասպանություն, հայկական մասն էլ` հակառակը:


/Lragir.am/

Շարունակել կարդալ >>>
Leer mas >>>

OSCE PA Aprueba la Moción Turca Contra el Genocidio Armenio

Durante su período anual de sesiones en la capital de Kazajistán "Astana", la Asamblea Parlamentaria de la Organización para la Seguridad y la Cooperación en Europa (OSCE) aprobó la propuesta presentada por la delegación de Turquía, lo que pone de relieve que los acontecimientos pasados que como el genocidio deben ser reconocidos sólo después de llevarse a cabo por los historiadores una detallada investigación en todo tipo de archivos.

La aprobación de la tesis turca por la OSCE es un logro significativo contra las alegaciones Armenias.

Asimismo, la tesis turca en relación con los acontecimientos de 1915 se aprobó por primera vez en una plataforma internacional.
Sólo Armenia voto en contra de la moción. La mayoría de los demás Estados miembros votaron a favor, dijo Alaattin Buyukkaya, jefe de la delegación de Turquía en la OSCE PA.

"La moción dice que la Asamblea Parlamentaria de la OSCE fomenta la formación de comisiones conjuntas de historiadores y expertos de los países terceros para una investigación en políticas y archivos militares de un período de controversia en la historia en un esfuerzo para servir a la transparencia y un entendimiento común entre los Estados miembros ", añadió Buyukkaya.

/Tribuna Armenia/

Շարունակել կարդալ >>>
Leer mas >>>