Երևանը հրաժարվում է պատմական Հայաստանից. փորձագետ

Հայ-թուրքական գործընթացում, ամեն դեպքում, առկա են նախապայմաններ, այսօր հայտարարել է «Միտք» վերլուծական կենտրոնի ղեկավար Հրանտ Մելիք-Շահնազարյանը: «Եթե մենք ճանաչում ենք Թուրքիայի ներկայիս սահմանները, ինչպիսին որ կան, բնականաբար, մենք հրաժարվում ենք պատմական Հայաստանի հանդեպ ունեցած պահանջատիրությունից,- նշել է նա:

Որպես մեկ այլ նախապայման փորձագետը հիշատակել է Թուրքիայի ԱԳՆ ղեկավար Ահմեթ Դավութօղլուի` ԵԱՀԿ անդամ-երկրների իր գործընկերների հետ ունեցած հեռախոսազրույցները, որոնց ընթացքում Դավութօղլուն խնդրել է քննարկումներ կազմակերպել հայ-թուրքական բանակցությունների և ղարաբաղյան հակամարտության շուրջ: «Մենք նաև գիտենք, որ ԱՄՆ-ի պետքարտուղար Հիլարի Քլինթոնը համաձայնել է կազմակերպել այդ քննարկումը»,- տեղեկացրել է փորձագետը:Թուրքիային և Ադրբեջանին անվանելով կոնֆեդերատիվ պետություններ` Մելիք-Շահնազարյանը հայտարարել է, որ այս դեպքում Ադրբեջանը «խաղում է հասարակական ընդդիմության դեր»:


Թերթ.am