Ճապոնիայի ապագա վարչապետի կինը պնդում է, որ հանդիպել է այլմոլորակայինների և նրանց հետ միասին ուղևորվել է դեպի Վեներա մոլորակ։ Այլմոլորակայինների և Միյուկի Խատոյամայի ուղևորությունը տեղի է ունեցել մոտ 20 տարի առաջ։ Այն ժամանակ, երբ նա քնած էր, իր հոգին գտնվում էր տիերեզանավում. պատմել է ապագա վարչապետի կինը իր գրքում, որը հրատարակվել է նախորդ տարի։ Ինչպես պատմել է Միյուկին, Վեներա մոլորակը «հիանալի և շատ կանաչ վայր էր»։
Նշենք, որ Ճապոնիայի ապագա վարչապետի տիկինը հայտնի է իր էքսցենտրիկ պահվածքով, ինչն ամենևին էլ բնորոշ չէ ճապոնացի քաղաքական գործիչների կանանց։ Նա եղել է կանանց երաժշտական թատրոնի դերասանուհի, խոհարարական գրքերի հեղինակ և բուսակեր, անձամբ է կարում իր հագուստները, պատմում է The Independent բրիտանական թերթը։
Միյուկի Խատոյաման պնդում է, որ իր նախորդ կյանքում նա ճանաչել է Թոմ Քրուզին. վերջինս ճապոնացի էր։ Այժմ նա դեմ չէր լինի մասնակցել Թոմ Քրուզի հետ ֆիլմի համատեղ նկարահանումներին։
Թերթ.am
0 comentarios:
Publicar un comentario