Հայաստանը տնտեսական ազատության ցուցանիշով 38-րդն է աշխարհում

Heritage Foundation–ը հրապարակել է Տնտեսական ազատության 2010թ. վարկանիշը: Հայաստանն այս վարկանշում զբաղեցրել է 38-րդ հորիզոնականը՝ անցած տարվա համեմատ գրանցելով յոթ հորիզոնականի անկում։ Մեր երկիրը, այսպես կոչված, չափավոր տնտեսական ազատության գոտում է։

Մեր տարածաշրջանում ամենաազատ տնտեսությունը, ըստ կազմակերպության փորձագետների, ունի Վրաստանը. 179 երկրների շարքում այն զբաղեցրել է 26–րդ տեղը՝ բարձրանալով վեց կետով։
Ադրբեջանը զբաղեցնում է 96-րդ (հիմնականում անազատ), Թուրքիան՝ 67–րդ, (չափավոր ազատ), Ռուսաստանը՝ 143–րդ հորիզոնականը (հիմնականում անազատ):

Տնտեսական ազատության վարկանշային աղյուսակում առաջին երեք հորիզոնականները համապատասխանաբար զբաղեցնում են Հոնգկոնգը, Սինգապուրը և Ավստրալիան։

Աֆղանստանը, Իրաքը, Լիխտենշտեյնը և Սուդանն ընդհանրապես չեն վարկանշվել։ Աղյուսակը եզրափակում են Կուբան, Զիմբաբվեն, Հյուսիսային Կորեան։


Թերթ.am