11352 թուրք ներողություն են խնդրել հայ ժողովրդից

11352 թուրք արդեն իսկ ներողություն է խնդրել Օսմանյան կայսրության կողմից իրականացված 1915 թվականի ցեղասպանության համար: Նկատենք, որ շուրջ 200 թուրք մտավորականներ 1915-ին Օսմանյան Թուրքիայի կողմից իրականացված Հայոց ցեղասպանությունը որակել են «մեծ աղետ» և համացանցում հայերի ներողամտությունը հայցելու համար բացել են ինտերնետ-կայք: Ներողություն խնդրելու համար մարդիկ ինտերնետում իրենց ստորագրությունն են թողնում:
«Իմ խիղճն ինձ թույլ չի տալիս շարունակել հերքել 1915-ին Օսմանյան կայսրության կողմից իրականացված «Մեծ աղետը», - ասված է ինտերնետ կայքէջում,- ես մերժում եմ անարդարությունը, կիսում եմ իմ հայ եղբայրների զգացումներն ու ցավը և իմ ներողամտությունն եմ հայցում»:
Թուրք ազգայնականները, ինչպեսև սպասվում էր, քննադատության են ենթարկել մտավորականների նման նախաձեռնությունը, և շուրջ 60 ազգայնական քաղաքական գործիչներ այդ շարժումը որակել են որպես «թույլ, և ազգային շահերին հակասող»: «Նման սխալ վարքագիծը նշանակում է, որ նրանք չեն հարգում մեր պատմությունը», - ասել են ազգայնական քաղաքական գործիչները:

Աղբյուր` Panorama.am