Դեկտեմբերի 30-ին սկսվում է սուրբծննդյան 7-օրյա պահքը: Արարատյան Հայրապետական թեմի Մամլո դիվանից տեղեկացնում են, որ այդ օրը ցանկալի է մասնակցել երեկոյան ժամերգության, օրհնություն ստանալ քահանայից: Պահքի ընթացքում օգտագործվում է բացառապես բուսական ծագում ունեցող սնունդ: Պահեցողները պահոց շրջանից դուրս են գալիս հունվարի 5-ի երեկոյան, երբ եկեղեցում մատուցվում է Ս. Ծննդյան Ճրագալույցի Ս. Պատարագ և տրվում է Ս. Ծննդյան ավետիսը: Մարդիկ միմյանց ողջունում են «Քրիստոս Ծնվեց և Հայտնվեց, Օրհնյալ է Հայտնությունը Քրիստոսի» խոսքերով:
Հայոց հին տոմարի համաձայն՝ Նոր տարին նշվում էր Նավասարդի 1-ին, այսինքն օգոստոսի 11-ին, որը չէր համընկնում պահքին: Հետագայում` տոմարական նոր հաշվարկի ներմուծմամբ, Նոր տարին սկսեցին տոնել դեկտեմբերի 31-ին, որը համընկնում էր քրիստոնեական մեծագույն տոնի` Ս. Ծննդյան նախընթաց պահքին:
2009-12-25
Դեկտեմբերի 30-ին սկսվում է Սուրբ Ծննդյան պահքը
Suscribirse a:
Enviar comentarios (Atom)
0 comentarios:
Publicar un comentario