Թուրքիայում 100 տարվա ընթացքում անվանափոխել են 28,000 բնակավայրեր

Թուրքական Ֆիրաթ համալսարանի Մարդկային և տնտեսական աշխարհագրության բաժնի ղեկավար Հարուն Թունչելը հետազոտություն է անցկացրել թուրքական տեղանունների վերաբերյալ:

Նա հայտնաբերել է, որ տարիների ընթացքում թուրքական գյուղերի մոտ 35%-ի` այսինքն 12,211 գյուղերի անունները փոխվել են:
Հետազոտության արդյունքները ցույց են տվել, որ ընդհանուր առմամբ փոխվել են մոտավորապես 28 հազար տեղանունների անվանումները:

Թուրքական «Ռադիկալ» թերթի լրագրող Իզմեթ Բերքանը վերջերս մեջբերել է վարչապետ Էրդողանի խոսքերը, ով ասել է, որ, որպես քրդական հարցին հարգալից մոտեցում ցույց տալու «խորհրդանշական» քայլ, տեղանունները որոշ տարածաշրջաններում կարող են քրդական դառնալ:

Քրդամետ Դեմոկրատական կուսակցության համանախագահ Ահմետ Թուրքը, ի պատասխան վարչապետի խոսքերի, ասել է.

«Դուք կարող եք փոխել տեղանունները, սակայն ի՞նչ օգուտ դա կարող է ունենալ, եթե դուք արգելում եք քրդերենը: Այսպես, թե այնպես ոչ մի քուրդ տեղանուններին թուրքական անուն չի տալիս: Նրանք իրենց մեջ հնուց եկած քրդական անուններն են օգտագործում»:

Համաձայն Թունչելի հետազոտության, Տրապիզոնի և Ռիզե գավառի շատ գյուղեր վերանվանվել են. դրանք «թուրքայնացվել» են՝ փոխելով իրենց իրական հայկական, լազական կամ վրացական անվանումները: Արևելյան և Հարավային Թուրքիայի գյուղերը նույնպես իրենց անունները փոխել են հայերենից, քրդերենից և արաբերենից ու ստացել են թուրքական անվանումներ:

Տեղաունների մասսայական անվանափոխումները սկսվել են դեռևս 20-րդ դարի սկզբում, սակայն այդ գործընթացը հատկապես ակտիվացել է սկասծ 1940-ական թվականներից, նշում են թուրք գիտնականները:


Tert.am