Շառլ Ազնավուրի ծննդյան 85-ամյակի առթիվ աղջիկն ու քույրը կերգեն Հայաստանում

Մայիսի 22-ին լրանում է Շառլ Ազնվաուրի 85 տարին, ինչի առթիվ մայիսի 17-22-ը Հայաստանում կանցկացվի «Քեզ համար, Հայաստան» համերգաշարը, որին կմասնակցեն Աիդա Ազնավուր-Կառվարենցը` Ազնավուրի քույրը, Սեդա Ազնավուրը` նրա դուստրը, ֆրանսիահայ երգչուհի Լիզ Սարյանը և վերջինիս ամուսին Տելեմակ Քավեզյանը, ով Ֆրեդերիկ Մանուկյանի հետ միասին գլխավորում է հայաստանցի ու ֆրանսիացի երաժիշտներից կազմված նվագախումբը:

Աիդա Ազնավուրը միայն մեկ անգամ է եղել Հայաստանում` 1963թ-ին, ավելի քան 45 տարի անց նա մեծ ուրախություն է ապրում` տեսնելով վերափոխված Հայաստանը:
Սեդա Ազնավուրը 3 անգամ է եղել Հայաստանում, վերջինն անցած տարի` որդուն ամուսնացնելու առթիվ: Հիմա եկել է երգելու, ինչի առթիվ շատ ուրախ է: Նրա սերը երգի նկատմամբ ձևավորվել է հիմնականում հորաքրոջ ու նաև պապի երգերը լսելով:

Իսկ Լիզ Սարյանը պատմեց, որ մայրն է երգել հայերեն, ու ինքն էլ դեռ մանկուց տանը լսել ու երգել է:

Ինչ վերաբերում է Ազնավուրի այցին, դուստրն ասաց, որ իրենք դեռ չգիտեն, թե երբ կգա, բայց հաստատ կգա` գուցե մինչև 22-ը:


Tert.am