Հայտնի են «Եվրատեսիլ-2009»-ի եզրափակիչի բոլոր մասնակիցները

Մոսկվայում ավարտվել է «Եվրատեսիլ-2009» երգի մրցույթի երկրորդ կիսաեզրափակիչը։ Քվեարկության արդյունքների համաձայն՝ եզրափակիչ են դուրս եկել հետևյալ տասը երկրները՝ Խորվաթիան, Ադրբեջանը, Ուկրաինան, Լիտվան, Ալբանիան, Մոլդովան, Դանիան, Էստոնիան, Նորվեգիան, Հունաստանը։Հիշեցնենք, որ առաջին կիսաեզրափակիչը տեղի է ունեցել մայիսի 12-ին (հաղթողներն են Հայաստանը, Թուրքիան, Շվեդիան, Իսրայելը, Պորտուգալիան, Մալթան, Ֆինլանդիան, Բոսնիան և Հերցեգովինան, Ռումինիան, Իսլանդիան), իսկ եզրափակիչը, որի ժամանակ կմրցեն 25 երկրների ներկայացուցիչներ, տեղի կունենա մայիսի 16-ին։

Նշենք, որ 5 երկրների ներկայացուցիչներ անցել են եզրափակիչ արտամրցութային կարգով. դրանք են «մեծ քառյակի» երկրները, որոնք համարվում են «Եվրատեսիլի» հիմնադիրները (Մեծ Բրիտանիա, Գերմանիա, Իսպանիա, Ֆրանսիա), ինչպես նաև նախորդ մրցույթի հաղթող երկիրը (այս տարի՝ Ռուսաստանը)։


Tert.am