Շնորհավոր Ամանոր և Սուրբ Ծնունդ

Շարունակել կարդալ >>>
Leer mas >>>

50 անձինք, որոնք կերտեցին վերջին 10-ամյակը՝ ըստ Financial Times-ի

Բրիտանական հեղինակավոր Financial Times պարբերականը հրապարակել է «50 անձինք, որոնք կերտեցին 10-ամյակը» վերնագրով զեկույց, որում ներկայացված են «այն 50 անձինք, որոնք ամենաշատն են ազդել անցած տասնամյակի ձևավորման վրա, տասնամյակի, որ սկսվեց սեպտեմբեր 11-ի ցնցող իրադարձություններով և ավարտվեց համաշխարհային տնտեսական անկումով»։Ընդ որում, FT-ն իր ցանկում ընդգրկել է ոչ միայն հերոսների, այլև հակահերոսների` Բեն Լադենի գլխավորությամբ։ Ցուցակում ամենամեծ կազմով ներկայացված են քաղաքական գործիչները, որոնց թվում հիմնականում երկրների ղեկավարներ են` Ջորջ Բուշ, Բարաք Օբամա, Մահմուդ Ահմադինեժադ, Վլադիմիր Պուտին, Անգելա Մերկել, Թոնի Բլեեր և այլն։

14–ական տեղեր ունեն մշակութային և բիզնես գործիչները։ Բիզնեսի աշխարհը ներկայացնում են այնպիսի անուններ, ինչպիսիք են` Ուորեն Բաֆեթը, Սթիվ Ջոբսը, Լաքշմի Միտալը, Լարի Փեյջ- Սերգեյ Բրին զույգը և անգամ Միխայիլ Խոդորկովսկին։

Մշակութային գործիչների թվում են Օփրա Ուինֆրին, Թայգեր Վուդը, Ջեյ Զեթն ու Բեյոնսեն, Ջոան Ռուլինգը, Մարկ Ցուկերբերգը և այլք։ Ցուցակում կան նաև 5 տնտեսագետներ, որոնց թվում են Time ամսագրի կողմից «Տարվա մարդ» ճանաչված Բեն Բեռնանկեն, Ալան Գրինսփենը, Նուրիել Ռուբինին և այլք։


Թերթ.am

Շարունակել կարդալ >>>
Leer mas >>>

Դեկտեմբերի 30-ին սկսվում է Սուրբ Ծննդյան պահքը

Դեկտեմբերի 30-ին սկսվում է սուրբծննդյան 7-օրյա պահքը: Արարատյան Հայրապետական թեմի Մամլո դիվանից տեղեկացնում են, որ այդ օրը ցանկալի է մասնակցել երեկոյան ժամերգության, օրհնություն ստանալ քահանայից: Պահքի ընթացքում օգտագործվում է բացառապես բուսական ծագում ունեցող սնունդ: Պահեցողները պահոց շրջանից դուրս են գալիս հունվարի 5-ի երեկոյան, երբ եկեղեցում մատուցվում է Ս. Ծննդյան Ճրագալույցի Ս. Պատարագ և տրվում է Ս. Ծննդյան ավետիսը: Մարդիկ միմյանց ողջունում են «Քրիստոս Ծնվեց և Հայտնվեց, Օրհնյալ է Հայտնությունը Քրիստոսի» խոսքերով:

Հայոց հին տոմարի համաձայն՝ Նոր տարին նշվում էր Նավասարդի 1-ին, այսինքն օգոստոսի 11-ին, որը չէր համընկնում պահքին: Հետագայում` տոմարական նոր հաշվարկի ներմուծմամբ, Նոր տարին սկսեցին տոնել դեկտեմբերի 31-ին, որը համընկնում էր քրիստոնեական մեծագույն տոնի` Ս. Ծննդյան նախընթաց պահքին:

Շարունակել կարդալ >>>
Leer mas >>>

Հայտնաբերվել են ուղեղի քաղցկեղ առաջացնող գեները

Կոլումբիայի համալսարանի գիտնականները բացահայտել են երկու գեն, որոնք պատասխանատու են գլխուղեղի քաղցկեղի ձևավորման համար: Դրանք են C/EPB և Stat3 գեները: Այդ մասին հաղորդում է BBC-ն:

Երկու գեները միասնաբար «թողարկում են» գենետիկ շղթա, որն էլ առողջ բջիջները դարձնում է քաղցկեղային: Կոլումբիայի համալսարանի այս բացահայտումը նշանակում է, որ բժշկական դեղամիջոցների օգնությամբ այդ երկու գեների ակտիվության միաժամանակյա ճնշումը կարող է բուժիչ միջոց դառնալ գլխուղեղի քաղցկեղով տառապողների համար:

Այժմ Կոլումբիայի համալսարանի մասնագետներն աշխատում են այդ դեղամիջոցն ստեղծելու ուղղությամբ:

Շարունակել կարդալ >>>
Leer mas >>>

Բեռլուսկոնին երդվել է վերացնել իտալական մաֆիան

Իտալիայի վարչապետ Սիլվիո Բեռլուսկոնին երդվել է մինչև իր պաշտոնավարման ավարտը՝ 2013թ., ոչնչացնել իտալական մաֆիան։ Խոսելով իր կառավարության մասին` Բեռլուսկոնին ասել է. «Ոչ մի կառավարություն երբեք չի պայքարել կազմակերպված հանցագործության դեմ այսպիսի վճառականությամբ ու արդյունավետությամբ, ինչպես մենք»։

Ինչպես հաղորդում է BBC-ն, վերջին մի քանի գործողությունների արդյունքում Իտալիայի ոստիկանությունը ձերբակալել է 100-ից ավելի մաֆիայի ներկայացուցիչների։
Բեռլուսկոնիի նման հայտարարությունները պատահական չեն։ Իտալական մաֆիայի վարձու մարդասպան Գասպարե Սպատուզան, որն այժմ համագործակցում է ոստիկանության հետ, դեկտեմբերի սկզբին վկայություն էր տվել՝ վստահեցնելով, որ Բեռլուսկոնին կապեր է ունեցել իտալական մաֆիայի հետ։ Սպատուզայի խոսքով՝ ցմահ բանտարկության դատապարտված իտալական մաֆիայի պարագլուխներից մեկը ժամանակին ասել է. «Բեռլուսկոնիի շնորհիվ երկիրն արդեն գտնվում է մեր ձեռքերում»։

Նշենք նաև, որ իր կարիերայի ընթացքում, Բեռլուսկոնին տարբեր մեղադրանքներով 12 անգամ կանգնել է դատարանի առջև, սակայն կարողացել է խուսափել դատավճռից։

Շարունակել կարդալ >>>
Leer mas >>>

Սիրո իրական պատմությունները նորից կմրցեն սբ. Սարգսի տոնի առթիվ

Երիտասարդների և սիրո արագահաս բարեխոս սբ. Սարգսի տոնը կնշվի հունվարի 30-ին, այն 35 օրվա տեղաշարժ ունի` կախված սբ. Հարության տոնից: Նախորդ մի քանի տարիների նման այս տարի նույնպես Արարատյան Հայրապետական թեմը մի շարք տոնախմբություններ է նախատեսել:
Մասնավորապես, սբ. Սարգսի տոնի առթիվ նորից հայտարարվել է սիրո իրական պատմությունների մրցույթ, որը կանցնի հետևյալ անվանակարգերում.

- Ս. Սարգիս` մեր սիրո բարեխոս
- Ս. Սարգիս` մեր ամուր ընտանիքի բարեխոս
- Ս. Սարգիս` “Ամուր ընտանիք, ամուր Հայրենիք”
Յուրաքանչյուր անվանակարգում սահմանված են երեք դրամական մրցանակներ: Պատմությունները պետք է ներկայացնել մինչև հունվարի 15-ը:

Սբ. Սարգսի տոնին կկազմակերպվեն բազմաթիվ տոնախմբություններ, կպատրաստվեն հուշանվերներ և տոնական բացիկներ: Այդ օրը սբ. Սարգիս անունը կրող եկեղեցիներում կմատուցվի տոնական պատարագ: Եկեղեցիները բաց կլինեն մինչև երեկոյան ժ. 21.00: Հոգևորականները կօրհնեն բոլոր երիտասարդներին և տոնի մասին պատմող գունազարդ բացիկներ կնվիրեն:

Սիրո պատմություններից բացի, Արարատյան Հայրապետական թեմը Նկարիչների միության հետ համատեղ կազմակերպում է նաև երիտասարդ ստեղծագործողների ցուցահանդես-մրցույթ` սեր Աստծո, հայրենիքի, ծնողների հանդեպ,ինչպես նաև փոխադարձ սեր թեմաներով: Գրաֆիկայի, գեղանկարչության, քանդակի կամ դեկորատիվ արվեստի գործերը մրցույթին պետք է ներկայացնել դեկտեմբերի 20-30-ը և հունվարի 13-15-ը, լավագույն աշխատանքները կարժանան դրամական մրցանակների:


Թերթ.am

Շարունակել կարդալ >>>
Leer mas >>>

Ճգնաժամը կտևի ևս երեք տարի. Դերիպասկա

Ռուսաստանցի գործարար, միլիարդատեր Օլեգ Դերիպասկան իսպանական El Pais թերթին տված հարցազրույցում կանխատեսել է, որ ճգնաժամը կտևի ևս երեք տարի:

Դերիպասկայի գնահատմամբ՝ ճգնաժամն ամեն ինչ փոխեց, առաջին հերթին՝ սպառման անգլոսաքսոնական մոդելը: Մարդիկ այլ կերպ են հաշվում` ինչքան ծախսել, քանի քառակուսի մետր բնակելի տարածք ու ինչ ավտոմեքենա ունենալ: «Յոթ տարի հետո արևմտյան աշխարհն այլ կլինի»,- հայտարարել է Դերիպասկան:
Նրա կարծիքով՝ ռուսաստանյան և արևմտյան տնտեսությունների տարբերությունն այն է, որ Ռուսաստանում շատ թույլ է ֆինանսական շուկան, իսկ կապիտալի և վարկային ռեսուրսների բարձր արժեքը արգելակում է զարգացումը:

Ալյումինի մագնատը տվել է նաև օլիգարխի սահմանումը. «Օլիգարխը նա է, ով օգտագործում է իշխանության ինստիտուտները, բայց ես միայն օգնում եմ այդ ինստիտուտներին և ոչինչ նրանցից չեմ խնդրում...Արևմտյան մամուլի համար բոլոր օլիգարխներն իրար նման են: Նրանք զուգորդվում են դղյակների և զբոսանավերի հետ, «բայց ոմանք օրական 20 ժամ աշխատում են և փորձում են ինչ-որ բան ստեղծել, իսկ ոմանք ամեն ինչ պատրաստ ստանում են»:


Թերթ.am

Շարունակել կարդալ >>>
Leer mas >>>

Թուրքիան հայտարարել է Ախթամար կղզու հայկական եկեղեցու բացման ամսաթիվը

Վանի քաղաքապետ Մունիր Կարալօղլուն հայտարարել է, որ Թուրքիայի մշակույթի նախարարության հետ խորհրդակցություններից հետո որոշում է կայացվել բացել Ախթամար կղզում գտնվող հայկական եկեղեցին։ Այս մասին հաղորդում է 1news.az-ը՝ հղում անելով Hurriyet-ին։ Եկեղեցին կսկսի գործել 2010թ. սեպտեմբերի 12-ից, իսկ մինչև այդ կտարվեն կառույցի վերականգնողական աշխատանքներ։

Ըստ Վանի քաղաքապետի՝ եկեղեցու բացումից հետո Ախթամարը կդառնա ուխտագնացության վայր աշխարհի տարբեր երկրներում բնակվող բազմաթիվ հայերի համար։Կարալօղլուն նաև նշել է, որ հայ-թուրքական սահմանի բացումից հետո Վանը կդառնա Թուրքիայի զբոսաշրջության կենտրոններից մեկը։ «Այստեղ զբոսաշրջիկներ կժամանեն ոչ միայն Հայաստանից, այլև Իրանից. չէ՞ որ այժմ մեր սահմանն անցնում է լեռներով, իսկ հայ-թուրքական սահմանի բացումից հետո իրանցի զբոսաշրջիկները կկարողանան Հայաստանի տարածքով ավելի հարմար ուղիներով հասնել Վան»,- նշել է Կարալօղլուն:

Թերթ.am

Շարունակել կարդալ >>>
Leer mas >>>

Թուրքական լրատվամիջոցներն ընդդեմ Էրդողանի

Թուրքիայի վարչապետ Ռեջեփ Թայիփ Էրդողանի ագրեսիվությունը մամուլի նկատմամբ ցույց է տալիս, որ նա ընդհանրապես սխալ մոտեցում ունի քրդական հարցի լուծման հարցում։ Ըստ Hurriyet-ի, այսպիսի կարծիք են հայտնում թուրքական մամուլի ներկայացուցիչները։ Նախ վարչապետը ներգրավեց մամուլին այդ գործընթացում, իսկ այժմ քարկոծում է լրատվամիջոցներին քրդական հարցի շուրջ սոցիալական լարվածությունը մեծացնելու համար։Էրդողանը վերջին շրջանում ավելի հաճախ ու սուր է քննադատում մամուլին, քանի որ լրատվամիջոցները, որոնք նախկինում սատարում էին քրդական հարցի լուծման՝ կառավարության նախաձեռնությունը, այժմ սգալիորեն նվազեցրել են իրենց աջակցությունը։

«Էրդողանը միշտ էլ խնդիրներ է ունեցել մամուլի հետ։ Իհարկե, նա կարող է քննադատել լրատվամիջոցներին, բայց նրա կողմից նման ագրեսիվ պահվածքը հակասում է ժողովրդավարության չափանիշներին»,- ասել է թուրքական «Թարաֆ» օրաթերթի վերլուծաբան, ակադեմիկոս Միթհատ Սանչարը։

Թերթ.am

Շարունակել կարդալ >>>
Leer mas >>>

Կանաչ թեյը նվազեցնում է դեպրեսիան տարեցների մոտ

Կանաչ թեյը, բացի իր բոլոր բուժիչ հատկություններից, նվազեցնում է նաև դեպրեսիան 70-անց մարդկանց մոտ։ Նման եզրակացության են եկել ճապոնական Տոխոկու համալսարանի մասնագետները։ Ճապոնացի մասնագետների ուսումնասիրությանը մասնակցել է մոտ 1000 տարեց։ Այս մասին հաղորդում է Reuters-ը։
Ուսումնասիրության արդյունքում պարզվել է, որ տղամարդկանց մոտ 34%-ը և կանանց 39%-ը հակված է դեպրեսիայի։ Սակայն լավատեսների մեջ գերակշռել են նրանք, ովքեր յուրաքանչյուր օր մոտավորապես չորս բաժակ կանաչ թեյ են խմում։
Ըստ հետազոտողների՝ մարդու ուղեղի վրա հանգստացնող ազդեցություն է թողնում թեանինը, որը մեծ քանակությամբ առկա է կանաչ թեյում։ Թեանինը երբեմն «լավ տրամադրության քիմիկատ» են անվանվում։

Նշենք, որ կանաչ թեյին վերագրվում են օգտակար այլ հատկանիշներ ևս. այն իջեցնում է ճնշումն ու կասեցնում քաղցկեղածին գործընթացները։

Շարունակել կարդալ >>>
Leer mas >>>

Թուրքիան ընկել է իր սարքած ծուղակը

Հայաստան կատարած այցի վերաբերյալ թուրք լրագրողներն իրենց երկրի առաջատար լրատվամիջոցներում շուրջ 30 հոդված են հրապարակել, որոնք աչքի են ընկել անաչառությամբ: Այս մասին այսօր լրագրողների հետ հանդիպման ժամանակ ասաց թուրքագետ Արտակ Շաքարյանը` ամփոփելով 15 թուրք լրագրողների` դեկտեմբերի 17-20-ը Հայաստան կատարած այցի արդյունքները: Թուրքագետը վերլուծություն է կատարել և նկատել, որ Հայաստանի մասին թուրք լրագրողների հրապարակումներում հայ պաշտոնյաների խոսքերը չեն խեղաթյուրվել: Ավելին, թուրք լրագրողների կարծիքը մեր երկրի մասին դրական է եղել: Եթե մինչև Հայաստան ժամանելը նրանք մեր երկիրը աղքատ և հետամնաց էին պատկերացնում, ապա այցից հետո իրենց կարծիքը կտրուկ փոխել են:Թուրքագետը համոզված է՝ այցի արդյունքում հայ հասարակությունն ավելի ստույգ իմացավ, թե Թուրքիայում հայ-թուրքական արձանագրություններն ինչպես են ընկալվում: Թուրքերն էլ հստակ իմացան Հայաստանի դիրքորոշումը: Թեև հայկական կողմը որպես արձանագրությունների վավերացման վերջնաժամկետ մատնանշում է փետրվար-մարտ ամիսները, թուրքագետն ապրիլի 24-ն է համարում որպես հոգեբանական վերջնաժամկետ: «Շատերն են ասում, որ եթե մինչև ապրիլի 24-ը Թուրքիան չվավերացնի արձանագրությունները, ԱՄՆ կոնգրեսը, ամենայն հավանականությամբ, կհաստատի Հայոց ցեղասպանության օրինագիծը:

Միաժամանակ, Արտակ Շաքարյանը նշեց, որ եթե մինչև ապրիլի 24-ը Թուրքիան չվավերացնի արձանագրությունները, հետագայում բարդ կլինի դրական արդյունք սպասել այդ գործընթացից:

Արտակ Շաքարյանի խոսքով, թեև Ղարաբաղյան հարցը որպես նախապայման ընդգրկված չէ արձանագրություններում, այն ներքաշվում է հայ-թուրքական գործընթացում: «Թուրքիան ընկել է իր սարքած ծուղակը: Լրագրողները հիմնականում նշում էին, որ Թուրքիան ԼՂՀ հարցում արմատական փոփոխություն չի ուզում, Թուրքիային անպայման պետք է մի սիմվոլիկ ժեստ, թեկուզ ևս մեկ մոսկովյան հռչակագրի ստորագրում, որը ցույց կտա, որ գործընթացը շարունակվում է»,- թուրք լրագրողների տեսակետն այսպես ներկայացրեց թուրքագետը: Նա նշեց, որ թուրք լրագրողներն արտահայտել են Անկարայի մտահոգությունը, այն է`հայ-թուրքական գործընթացն ավելի արագ է զարգանում, քան հայ-ադրբեջանականը: Անկարան ուզում է, որ երկու գործընթացները զուգահեռ և միևնույն արագությամբ ընթանան:


«Եվրասիա համագործակցության» հիմնադրամի նախաձեռնությամբ 2010 թ. կշարունակվեն երկու երկրների լրգրողների փոխադարձ ճանաչողական այցերը:

Թերթ.am

Շարունակել կարդալ >>>
Leer mas >>>

Թուրք լրագրողները խոստացել են հայոց պատմությանն այլ աչքերով նայել

Դեկտեմբերի 17-20-ը ճանաչողական այցով Հայաստան ժամանած 15 թուրք լրագրողները, այցելելով Հայոց Ցեղասպանության ինստիտուտ-թանգարան, խոստացել են հայոց պատմությանն այլ աչքով նայել: Այսօր այս մասին լրագրողների հետ հանդիպմանն ասաց թուրքագետ Արտակ Շաքարյանը։
Թուրք լրագրողները Ծիծեռնակաբերդի հուշահամալիրում ծաղիկներ են դրել անմեղ զոհերի հուշարձանին և, ինչպես

Շաքարյանը բնութագրեց, առանց ագրեսիայի Ցեղասպանության ինստիտուտ-թանգարանի տնօրենին 1,5 ժամ հղել իրենց հուզող հարցերը: Թուրքագետն արձանագրել է, որ ի տարբերություն ադրբեջանցիների, թուրք լրագրողները ցեղասպանության մասին խոսելիս, աչքի չեն ընկել ագրեսիայով:


Թերթ.am

Շարունակել կարդալ >>>
Leer mas >>>

Հայկական բանաձևը սրի պես կախված է Թուրքիայի գլխին

Հայ գործընկերների հետ հանդիպելու և քննարկումներ անցկացնելու նպատակով Հայաստան ժամանած թուրք լրագրողներից երկուսը` CNN Turk-ի լուրերի խորհրդատու Վերհաթ Բորաթավը և Milliyet օրաթերթի լրագրող Բադրի Գյուրսելն այսօր «Հայելի» ակումբում պատասխանեցին հայ լրագրողների հարցերին:

Խոսելով հայ-թուրքական արձանագրությունների վավերացման մասին` Բադրի Գյուրսելը նախ նշեց, որ եթե ղարաբաղյան հիմնախնդրի լուծման հարցում առաջընթաց չգրանցվի, Թուրքիայի մեջլիսը արձանագրությունները չի վավերացնի:
Միաժամանակ, նա նշել է, թե չի կարող ասել` հետագա մի քանի ամիսներին իրադարձություններն ինչ կերպ կզարգանան: «Դեռևս այս տարվա մայիսին Թուրքիայի վարչապետ Էրդողանը Բաքվում հայտարարել էր, որ եթե ղարաբաղյան խնդրի հարցում առաջխաղացում չգրանցվի, չնայած արձանագրություններում այդ մասին ոչինչ չի նշվում, դրանք չեն կարող վավերացվել: Այն ժամանակվանից մինչ օրս Թուրքիայի տեսակետն այդ հարցի շուրջ չի փոխվել»,- ասել է թուրք լրագրողը:

Թուրքիան նաև մտավախություն ունի, որ արձանագրությունները վավերացնելուց հետո, Հայաստանն իրեն «ազատ կզգա», և ղարաբաղյան հիմնահարցի առաջխաղացում չի լինի:

«Ես ինքս կնախընտրեի, որ ղարաբաղյան հարցն այս խնդրին չխառնվեր, բայց Թուրքիայի կառավարությունը ճնշումների ներքո իրեն պարտավորված զգաց»,- ընդգծեց Բադրի Գյուրսելը: Հարցին, թե ինչ ճնշումների է ենթարկվում Թուրքիայի կառավարությունը, լրագրողը պատասխաբեց` «և՛ արտաքին, և՛ ներքին»:

Վերհաթ Բորաթավն էլ իր հերթին նշեց, թե Թուրքիայում ոչ ոք չէր սպասում, որ այս հարցին Ադրբեջանը նման կերպով կարձագանքեր: Նրա խոսքով՝ «այս խաղում ոչ թե Հայաստանն ու Թուրքիան են տանգո պարում, այլ սա 5 պետությունների տանգո է, քանի որ գործընթացին մասնակցում են նաև ԱՄՆ-ն, Ռուսաստանը և Ադրբեջանը»:

Լրագրողները նշեցին, որ եթե Թուրքիան որոշի Ադրբեջանին կորցնելու գնով վավերացնել հայ-թուրքական արձանագրությունները, ապա ի հայտ կգան այլ գործոններ, որոնք, սակայն, լրագրողները չցանկացան մանրամասնել։ Միաժամանակ, նրանց համոզմամբ, «Թուրքիան Հայաստանի հետ բարիդրացիական կապեր հաստատելու հարցում երբեք այնքան վճռական չի եղել, ինչպես այսօր»։

Արդեն ասուլիսի վերջում թուրք լրագրողները վստահեցրին, որ չնայած այս ամենին, թուրքական կողմը կվավերացնի արձանագրությունները, իսկ երրորդ երկիրը ոչինչ անել չի կարող, քանի որ «Թուրքիան այդպես է որոշվել»:

Անդրադառնալով Ցեղասպանության հարցին` թուրք լրագրողներն ասացին, որ անգամ հայ-թուրքական արձանագրությունները վավերացնելու դեպքում էլ միջազգային հանրությունը կշարունակի անհանգստացնել Թուրքիային այդ հարցով։ Դարձյալ տարբեր երկրներ հօգուտ Հայաստանի բանաձևեր կընդունեն: «Հայկական բանաձևը սրի պես կախված է Թուրքիայի գլխին»,- ընդգծեցին նրանք:

Ի դեպ, թուրք լրագրողներն ասել են, որ 2008թ. Թուրքիայի նախագահի հետ Հայաստան ժամանած իրենց գործընկերները ոչ թե չեն ցանկացել հանդիպել և խոսել հայ լրագրողների հետ, այլ պարզապես ժամանակ չեն ունեցել:

Թերթ.am

Շարունակել կարդալ >>>
Leer mas >>>

Մինչև 2026թ. հինդուներն ավելի շատ կլինեն, քան չինացիները

Միացյալ Նահանգներում կարծում են, որ մինչև 2026թ. Չինաստանի բնակչության թիվը կսկսի նվազել։ Ըստ Մարդահամարի դաշնային բյուրոյի հրապարակած տվյալների՝ 2025թ. աշխարհի ամենախիտ բնակեցված երիկիրը կլինի Հնդկաստանը։

Ամերիկացի մասնագետների կարծիքով՝ դինամիկայի փոփոխությունը, նախևառաջ, բացատրվում է այսպես ասած «բեղմնավորության գործակցի» նվազմամբ։ Այդ մասին հաղորդում է newsru.com-ը։
1990թ. Չինաստանում այդ ցուցանիշը գնահատվում էր 2,2, իսկ 2000–ից հետո չի գերազանցում 1,6-ը։ Հնդկաստանում այն այժմ կազմում է 2,7։

Այժմ Մարդահամարի ամերիկյան բյուրոյի տվյալների համաձայն՝ Հնդկաստանում բնակվում է ավելի քան 1,156 մլրդ մարդ։ Մինչև 2025թ. այդ ցուցանիշը կաճի մինչև 1,396 մլրդ մարդ։



Tert.am

Շարունակել կարդալ >>>
Leer mas >>>

Հայերը ԵՄ վիզային ռեժիմի ազատականացում են պահանջում

Այսօր Հայաստանի եվրոպական շարժումն սկսել է արշավ, որն ուղղված է ԵՄ մուտքի վիզաների պարզեցմանը և ազատականացմանը։ Արշավն իրականացվում է էլեկտրոնային եղանակով։
Այցելելով
http։//www.petitiononline.com/EUVisa/petition.html՝
Հայաստանի, Վրաստանի, Ադրբեջանի, Մոլդովայի, Բելառուսի, Ուկրաինայի և ԵՄ ցանկացած քաղաքացի կարող է ստորագրել հայտարարության տակ,որում ասվում է.

«Մենք, Հայաստանի, Վրաստանի, Ադրբեջանի, Մոլդովայի, Բելառուսի , Ուկրաինայի և ԵՄ քաղաքացիներս, խնդրում ենք Եվրոպական Միության անդամ պետություններին և ԵՄ կառույցներին ներկայացնել արևելյան գործընկերության պետությունների` ԵՄ երկրների համար վիզաների ստանալու պարզեցման ճանապարհային քարտեզ և հանել կամ կրճատել վիզաների տուրքը, որքան հնարավոր է արագ։ Իբրև առաջնային քայլ, խնդրում ենք պարզեցնել վիզաներ ստանալու ընթացակարգը և տրամադրել երկարաժամկետ մուտքի վիզաներ»։

«Մենք հասկանում ենք, թե Եվրոպական պետություններն ինչու են մուտքի արտոնագերեր ստանալու բարդություններ ստեղծում, և այս տեսակետից մեր պետությունները նույնպես լուրջ անելիքներ ունեն, սակայն մի բան հստակ է, որ ԵՄ և արևելյան գործընկերության երկրների միջև հաղորդակցության ծավալների մեծացումը կարող է դրական փոփոխություններ բերել արևելյան գործընկերության պետությունների և ԵՄ մերձեցման գործընթացում։ Ի վերջո՝ առանց ուսանողների, երիտասարդության, գիտնականների, գործարարների և քաղաքացիական հասարակության ներկայացուցիչների շփումների մերձեցում լինել չի կարող», - նշում է Հայաստանի Եվրոպական Շարժման նախագահ Վիկտոր Ենգիբարյանը։



Թերթ.am

Շարունակել կարդալ >>>
Leer mas >>>

Հստակ ասեմ՝ մենք դա ցեղասպանություն չենք համարի. Էրդողան

Թուրքիայի վարչապետ Ռեջեփ Թայիփ Էրդողանը, հյուրընկալվելով PBS ամերիկյան հեռուստաալիքին, մեկ անգամ ևս հերքել է Հայոց ցեղասպանության փաստը:

«Մենք շատ կվշտանանք, եթե դուք դա ցեղասպանություն համարեք: Ես շատ հստակ ցանկանում եմ ասել` մենք երբեք չենք համարի դա ցեղասպանություն», – դիմելով ամերիկացիներին` հայտարարել է Ռեջեփ Թայիփ Էրդողանը:
«Դա բացարձակ սուտ է: Եվ ես կոչ եմ անում մարդկանց ապացուցել իրենց մեղադրանքները»,- հավելել է Էրդողանը` ելույթ ունենալով Charlie Rose հեռուստաշոուի ընթացքում: Այս մասին հաղորդում է «Անադոլու» գործակալությունը։

Անդրադառնալով Լեռնային Ղարաբաղի հակամարտությանը` Էդրողանը նշել է, որ խնդիրը պետք է լուծվի ամենասեղմ ժամկետներում: «Այդ տարածքը գրավված է: Մենք պետք է լուծենք այդ խնդիրը: Երբ այն լուծվի, տարածաշրջանը կդառնա խաղաղության գոտի... և Հայաստանի ու Թուրքիայի միջև խնդիրը միանգամից կկարգավորվի»,- ընդգծել է Թուրքիայի վարչապետը:

Պատասխանելով Թուրքիայի խորհրդարանի կողմից հայ-թուրքական Արձանագրությունների վավերացման մասին հարցին` Էրդողանը նշել է, որ «եթե զարգացումները, որոնք մենք ակնկալում ենք տեսնել, չիրականանան, ապա հավատացած եմ, որ խորհրդարանի կողմից ոչ մի դրական արդյունք չի լինի»:

Նշենք նաև, որ Թուրքիայի վարչապետը կտրականապես ժխտել էր Հայոց ցեղասպանության փաստը երեկ Ջոն Հոփկինսի համալսարանում իր ելույթի ժամանակ: Մասնավորապես, Էրդողանը շեշտել է` «իմ նախնինները ցեղասպանություն չեն գործել»:

Թերթ.am

Շարունակել կարդալ >>>
Leer mas >>>

ԱՄՆ նախագահի նամակը վաճառվել է 3 մլն 218,5 հազ. դոլարով

Նյու Յորքում Christie's աճուրդի տանը վաճառվել է Միացյալ Նահանգների առաջին նախագահ Ջորջ Վաշինգթոնի նամակը։ Ինչպես հայտնել են աճուրդի ներկայացուցիչները, պետության ղեկավարի 4-էջանոց նամակն իր զարմիկին, որը գրվել է 1787թ. նոյեմբերին, վաճառվել է 3 մլն 218,5 հազ. դոլարով, հաղորդում է BBC-ն։

Ջորջ Վաշինգթոնի նամակը դարձել է երբևէ գրված ամենաթանկ վաճառված նամակներից մեկը, որը կապ ունի պետության պատմության հետ։ Նամակում ասված է ԱՄՆ սահմանադրության վավերացման կարևորության մասին։

Նշենք, որ ավելի վաղ Christie's աճուրդի տանը վաճառվել էր ԱՄՆ առաջին նախագահի ևս մեկ նամակ։ Այդ ժամանակ գնորդներն այն գնահատել էին 834,5 հազ. դոլար։ Աճուրդի էր դրվել նաև Աբրահամ Լինքոլնի նամակը (748 հազ. դոլար)։

Շարունակել կարդալ >>>
Leer mas >>>

Թբիլիսին սկսել է ավելի ակտիվ մտածել Հայոց ցեղասպանության ճանաչման մասին

Վերջին շրջանում Վրաստանում նկատվում է Հայոց ցեղասպանության ճանաչման հարցի բարձրացման միտում։ Այդ մասին լրագրողներին նշել է ՀՀ ԱԺ պատգամավոր Շիրակ Թորոսյանը։

Վրացական կողմից նման տեղեկությունների տարածումը կարելի է դիտարկել՝ որպես հակակշիռ Թուրքիային՝ հայ-թուրքական սահմանի բացման հարցում։
Վրաստանի անհանգստությունը պատգամավորը պայմանավորել է նրանով, որ հայ-թուրքական սահմանի բացումից հետո Հայաստանն այլընտրանքային ճանապարհ կստանա բեռնափոխադրումների համար, ինչի արդյունքում կտուժի Վրաստանը, որը ստիպված կլինի իջեցնել սակագները։ Վերջինիս կարծիքով՝ Վրաստանն կիջեցնի սակագները և Հայաստանին բեռնափոխադրումների համար նոր պայմաններ կտրամադրի։

Թորոսյանը նաև հավելել է, որ հայ-թուրքական սահմանի հնարավոր բացման պատճառով Վրաստանը զիջել է իր դիրքերն այլ հարցում ևս՝ «Վերին Լարս» հսկիչ անցագրային կետի (ՀԱԿ) բացման հարցում։

Հիշեցնենք, որ Ռուսաստանը պատրաստակամություն է հայտնել բացել այդ կետը միմիայն հայկական ապրանքների փոխադրման համար։ Վրաստանը կտրականապես հրաժարվել է այդ տարբերակից։ Սակայն հայ-թուրքական հարաբերություններում դրսևորված որոշակի ակտիվությունից հետո Վրաստանի ազգային անվտանգության խորհուրդը որոշում է կայացրել բացել «Վերին Լարսը» նույնիսկ միայն հայկական ապրանքների համար։

«Այս հարցում գնդակը Ռուսաստանի դաշտում է»,- նշել է Թորոսյանը՝ կարծիք հայտնելով նաև, որ «Վերին Լարս» ՀԱԿ-ը կբացվի մոտ ժամկետներում։


Թերթ.am

Շարունակել կարդալ >>>
Leer mas >>>

«Կապիտալ». Հայաստանը ծերանում է

Հայաստանի կենսաթոշակային համակարգը գերբեռնված է. յուրաքանչյուր աշխատողի բաժին է ընկնում 1 թոշակառու: Ժողովրդագրական վերլուծությունները վկայում են, որ եթե առաջիկայում իրավիճակը չվատանա, համենայն դեպս, չի լավանա` նշում է բիզնես օրաթերթը:

Հայաստանը ծերանում է

Այս «գույժի» աղբյուրը աշխատանքի և սոցիալական հարցերի փոխնախարար Արտեմ Ասատրյանն է, որի երեկվա ասուլիսը նվիրված էր կենսաթոշակային բարեփոխումներին: Ի դեպ՝ Ա. Ասատրյանին շատերը համարում են այդ բարեփոխումների կնքահայրը, չնայած կենսաթոշակային բարեփոխումները կառավարության համար կարևորագույն ռազմավարական նշանակություն ունեն:
Սպասվում է, որ կենսաթոշակառուների թիվն առաջիկայում էական համալրում կստանա՝ ի դեմս Երկրորդ համաշխարհային պատերազմից հետո ծնվածների (այն ժամանակ ծնելիության բում է եղել): Իսկ ահա աշխատողների թվաքանակը պետք է համալրեն 90-ական թվականներին ծնվածները, իսկ այդ ժամանակահատվածում ծնելիության անկում է գրանցվել: Մի խոսքով Հայաստանը, ի թիվս այլ երկրների, արձանագրում է բնակչության ծերացում:

Կառավարության գնահատականներով՝ փաստացի սոցվճարներ կատարողների թիվը 2011թ. ավելի քիչ է լինելու, քան կենսաթոշակ ստացողներինը...

Շարունակել կարդալ >>>
Leer mas >>>

Երկրաշարժից անցել է 21 տարի

Դեկտեմբերի 7-ին լրանում է Սպիտակի երկրաշարժի 21-րդ տարելիցը։

21 տարի առաջ. դեկտեմբերի 7-ին, ժամը 11:41-ին ՀՀ տարածքի 40 տոկոսը մեկ վայրկյանում վերածվեց ավերակի:

Ըստ պաշտոնական տվյալների' երկրաշարժը խլեց 25 հազար մարդու կյանք: 1988-ի երկրաշարժի ուժգնությունը էպիկենտրոնում, որն ընդգրկում էր Սպիտակ քաղաքն ու նրա շրջակա 12 գյուղերը, կազմեց 10 բալ, հիմնական ցնցման մագնիտուդը՝ 7։
Երկրաշարժից տուժեց 363 բնակավայր՝ 21 քաղաք եւ 342 գյուղ։ Անօթեւան մնաց 514 հազար մարդ։ 1988-ի դեկտեմբերի 7-ին ամբողջությամբ ավերվեց երկրի բնակֆոնդի 17 տոկոսը։

Յուրաքանչյուր տարի այս օրը աղետի գոտին ուշադրության կենտրոնում է հայտնվում, սակայն տարիների ընթացքում բազմաթիվ խնդիրներ մնում են չլուծված։
Դեկտեմբերի 7-ի տարելիցից առաջ Գյումրիի ժուռնալիստների «Ասպարեզ» ակումբը լրագրողներին, խմբագիրներին և ԶԼՄ-ների կառավարիչներին դիմել է կոչով, որում ակումբը ներկայացնում է աղետի գոտում առկա իրավիճակը։

«Ասպարեզ» ակումբի տարածած տեքստում մի շարք վիճակագրական տվյալներ են ներկայացվում, մասնավորապես, նշվում է, որ երկրաշարժից արդեն 21 տարի անց աղետի գոտի հասկացությունը դեռ չի վերականգնել. միայն Գյումրիում երկրաշարժից անօթևան են և տնակներում են ապրում ավելի քան 4100 ընտանիք, իսկ այլ անօթևան (աճած և կիսված ընտանիքներ, ներգաղթյալներ, սոցիալական պատճառներով բնակարանները օտարած և տնակներում կացարան գտած ընտանիքներ և այլն) ընտանիքների թիվը 3.500-ից ավելի է:

Ներկայացնելով իրավիճակը՝ «Ասպարեզ» ակումբը դիմել է լրագրողներին՝ խնդրելով
խորությամբ վերլուծել աղետյալներին խոստացվածը, ներդրված միջոցները, կատարված աշխատանքները և ստացված արդյունքը՝ «առաջնորդվելով միմիայն հանրային շահի` այս դեպքում աղետյալների շահերի գերադասմամբ»:

Շարունակել կարդալ >>>
Leer mas >>>

Իտալացի գիտնականը գտել է «Սիրո բանաձևը»

Current Directions in Psychological Science ամսագիրը հրապարակել է ամերիկացի գիտնականների հետազոտությունը՝ նվիրված լացի թությանը, հաղորդում է psynavigator-ը։

Հոգեբանները վերլուծել են 3000 կամավորների թեստերը, որոնցում վերջիններս բնութագրել են, թե ինչպես են լացում։ Արդյունքում պարզվել է, որ լացը կարող է օգտակար լինել՝ կախված հանգամանքներից։

Հատկանշական է, որ հարցման մասնակիցների մեծ մասը նշել է, որ լացից հետո իրենք որոշակի թեթևություն են զգացել, 30%-ի կարծիքով՝ լացն իրենց թեթևություն չի բերել, ևս 10%-ի համաձայն՝ նույնիսկ ավելի վատ են զգացել։ Հոգեբանները նշում են, որ թեթևություն են զգացել հիմնականում նրանք, ովքեր կարեկցանք են ստացել մերձավորներից։ Հրապարակված հետազոտությունում նաև ասվում է, որ լացը չափազանց օգտակար է ֆիզիոլոգիայի տեսանկյունից։

Գիտնականների կողմից լացի ֆիզիոլոգիական մեխանիզմների մանրազնին ուսումնասիրությունը հանգեցրել է այն եզրակացության, որ լացը հանգստացնում է և նպաստում շնչառության դանդաղեցմանը։ Հենց այդ պատճառով էլ լացելուց հետո մարդու մոտ օրգանիզմի ընդհանուր թեթևության և թուլացման տպավորություն է ստեղծվում։

Այնուամենայնիվ, ինչպես նշում են ամերիկացի մասնագետները, կան մարդիկ, ում հակացուցված է լացել։ Դրանք տարբեր աֆեկտային խանգարումներով և գերլարված անհանգիստ մարդիկ են. լացն առաջացնում է նրանց մոտ ինքնազգացողության ծանրություն։

Շարունակել կարդալ >>>
Leer mas >>>

Սնահավատ չինացիները չեն պատրաստվում ամուսնանալ 2010թ.

Սնահավատ չինացիները, ովքեր ավանդաբար հավատում են լուսնային օրացույցին, կարծում են, որ 2010թ. անհաջող տարի է ամուսնությունների համար, և այն անվանում են «արիների տարի»: Սակայն, ըստ չինական օրացույցի, Նոր տարին սկսվում է միայն փետրվարի 14-ին, այդ իսկ պատճառով մոտ ժամանակներս Չինաստանում «հարսանեկան պայթյուն» է սպասվում:
Բազմաթիվ երիտասարդ զույգեր, ովքեր ավելի վաղ ծրագրել էին ամուսնանալ 2010թ., իմանալով աստղագետների անբարենպաստ կանխատեսումների մասին, շտապում են հարսանեկան արարողությունն ավելի շուտ կազմակերպել: Միևնույն ժամանակ, այն կազմակերպությունները, որոնք զբաղվում են հարսանեկան արարողություններով, նշում են, որ հարսանիքների թիվն արդեն իսկ ավելացել էր նոյեմբերին:

Թերթ.am

Շարունակել կարդալ >>>
Leer mas >>>

Իտալացի գիտնականը գտել է «Սիրո բանաձևը»

Բոլոր ժամանակներում սիրո ֆենոմենը մարդկության համար անվերծանելի գաղտնիք է համարվել: Այս անգամ էլ իտալացի հոգեբան Ռոբերտ Սթերնբերգը փորձել է ընդլայնել մեր գիտելիքները սիրո մասին:

Գիտնականը ուսումնասիրել է սիրահարված մարդկանց զգացմունքներն ու զգացողությունները` այսպիսով առաջ քաշելով սիրո «բանաձևի երեք բաղադրիչները», հաղորդում է mignews.com-ը:
Ըստ Սթերնբերգի` այդ երեք բաղադրյալներն են.

կիրքը` սիրո դրդապատճառը, ռոմանտիկ զգացմունքների աղբյուրը, սեռական հակումները, ընտրյալին տիրանալու ցանկությունը,

նվիրվածությունը`սիրո այս ճանաչողական բաղադրյալը սկիզբ է դնում փոխադարձ պարտավորվածություններին, սա գիտացկված որոշումն է սիրել և պահպանել հարաբերությունները` չնայած բոլոր դժվարություններին և գայթակղություններին,

ինտիմը` սիրո էմոցիոնալ բաղադրյալը, ոգու միասնության հիմքը, հոգատար լինելու, օգնելու, մտերիմ մարդու հետ ամենանվիրական մտքերով և զգացմունքներով կիսվելու ցանկությունը:

Ըստ հոգեբանի` սիրային հարաբերությունների սկզբում կիրքը մաքսիմալ ուժով է դրսևորվում, իսկ հետագայում ժամանակի հետ նվազում: Կրքից զուրկ հարաբերությունները ավելի փխրուն և խոցելի են դառնում:

Այս ժամանակ չափազանց կարևոր է էմոցիոնալ մտերմությունը (ինտիմ հարաբերությունները) և փոխադարձ պարտավորվածությունները, ինչը թույլ է տալիս պահպանել սիրո որակը երկար տարիներով:

Շարունակել կարդալ >>>
Leer mas >>>

Մուսոլինիի ուղեղը հանվել է վաճառքից

Իտալացի ֆաշիստների առաջնորդ Բենիտո Մուսոլինիի թոռնուհի, Իտալիայի խորհրդարանի պատգամավոր Ալեսանդրա Մուսոլինին ոստիկանությունից պահանջել է հետքաննություն անցկացնել այն գործի կապակցությամբ, որ eBay.com ինտերնետ-աճուրդը վաճառքի է հանել բռնապետի ուղեղն ու արյան նմուշները: Նշենք, որ դրանց նախնական գինը կազմում էր 15 հազար եվրո, սակայն աճուրդի օգտատերերն այդպես էլ չկարողացան «պայքարել» Մուսոլինիի ուղեղի համար: Կայքի վարչակազմը աճուրդից հանել է սկանդալային լոտը, քանի որ, ըստ օրենքի, մարդկային օրգաններն աճուրդի հանելն արգելվում է:Ալեսանդրա Մուսոլինին ենթադրում է, որ իր պապի ուղեղը կարող էին գողանալ Միլանի հիվանդանոցից, որտեղ անցկացվել էր Մուսլինիի մարմնի դիահերձումը, գրում է The Daily Telegraph-ը: Հիվանդանոցում պնդում են, որ «դուչե»-ի մահից երկու տարի անց` 1947թ., դիահերձումից հետո նրա մարմնից վերցված բոլոր նմուշները վերացել են:

Նշենք, որ Մուսոլինին սպանվել է իտալացի պարտիզանների կողմից` 1945թ., երբ բռնապետն իր կոմնակիցների հետ փորձել է փախչել երկրից` ամերիկյան և բրիտանական զորքերի ներխուժման կապակցությամբ: Ֆաշիստ առաջնորդի հետ սպանել էին նաև նրա սիրուհի Կլարետա Պետաչիին: Այնուգհտև նրանց մարմինները տեղափոխել էին Միլան:

Tert.am

Շարունակել կարդալ >>>
Leer mas >>>

Ինտերնետի հայրն անձամբ կզբաղվի ցանցի տարածմամբ

Թիմ Բեռներս Լին, որն ինտերնետի ստեղծողն է, Եգիպտոսի Շարմ էլ Շեյխ քաղաքում կայացած՝ ինտերնետի կառավարման խնդիրներին նվիրված չորրորդ համաժողովում հայտարարել է, որ հիմնադրել է նոր կազմակերպություն: World Wide Web Foundation-ը պետք է նպաստի համացանցի գործածության տարածմանն աշխարհում:

Բեռներս Լիի բնութագրմամբ՝ World Wide Web Foundation-ը դառնալու է «ինկուբատոր, որն օգնելու է առաջ մղել այն նոր ծրագրերը, որոնք համացանցը զարգացնելու են որպես միջավայր, որը մարդկանց դրական փոփոխությունների հնարավորություն է տալիս»:

«Երբ նայում ենք ինտերնետին, արդեն տեսնում ենք ոչ թե փոխկապակցված համակարգիչներ կամ վեբկայքերի հավաքածու, այլ ցանցում միավորված մարդկությունը: Մեկ ընդհանուր տեխնոլոգիայով միավորված մարդկությունը: Այդ տեխնոլոգիան պետք է հնարավորություն տա մարդկանց, բարիք բերի նրանց»,- հայտարարել է Թիմ Բեռներս Լին:

Web Foundation-ը պլանավորում է տարեկան $10–20 մլն հավաքել: Այս միջոցների մեծ մասը կուղղվի ինտերնետից օգտվելու ուսուցողական ծրագրերի իրականացմանը: World Wide Web Foundation-ի նպատակն է հաղթահարել «թվային անհավասարությունը» համացանցի օգտագործման ոլորտում:

Այսօր ինտերնետից օգտվում է աշխարհի բնակչության միայն 25%-ը, մինչդեռ երկրագնդի բնակչության 70%-ն օգտվում է բջջային հեռախոսներից կամ կապի ֆիքսված սարքերից, որոնք կարող են վեբ-կոնտենտ արտապատկերել:


Թերթ.am

Շարունակել կարդալ >>>
Leer mas >>>

Թուրքերը հանդուրժող չեն այլ կրոնների հանդեպ. հետազոտություն

Թուրքերն իրենց կրոնական ազգ են համարում, իսկ կրոնը՝ հանդուրժողականության աղբյուր։ Սակայն, ինչպես ցույց են տալիս հետազոտության արդյուքները, իրենց կրոնական համարող մարդկանց մեծ մասն ամենևին էլ հանդուրժող չէ այլ կրոններին հարող մարդկանց հանդեպ, հաղորդում է Hurriyet-ը։

Գիտնականներ Էրշին Քալայչիօղլուն և Ալին Չարքօղլուն՝ Սաբանչի համալսարանից, ուսումնասիրություն են անցկացրել՝ պարզելու, թե որքանով են իրականում կրոնական թուրքերը։ Ուսումնասիրությունն անցկացվել է Միջազգային հասարակական հետազոտական ծրագրի շրջանակներում և կոչված էր բնորոշելու կրոնական արժեքները աշխարհի 43 տարբեր երկրներում
Այսպիսով, թուրքերի 83%-ն իրենց կրոնական է համարում, 16%-ը՝ ծայրահեղ կրոնական, իսկ 32%-ը՝ որոշակի չափով կրոնական։

Ուսումնասիրության արդյունքների համաձայն՝ Թուրքիան, Լեհաստանը, Ֆիլիպինները և Միացյալ Նահանգները ամենակրոնական երկրներն են։

Ինչպես նշել է Չարքօղլուն, 1999թ. սկսած՝ նկատվում է զգալի աճ մարդկանց թվում, որոնք իրենց կրոնապաշտ են համարում։ Ըստ նրա՝ այս փոփոխությունը կարող է կապված լինել երկրում տիրող քաղաքական մթնոլորտի հետ։

Ըստ ուսումնասիրության մեկ այլ դրույթի՝ թուրքերի 60%-ը կարծում է, որ կա միայն մեկ իսկական կրոն։ Ինչ վերաբերում է այլ կրոններին հարող մարդկանց նկատմամբ հանդուրժողականությանը, թուրքերի 90%-ը լավ է վերաբերում միայն մահմեդականներին, նրանցից ընդամենը 13%-ն է հանդուրժող քրիստոնյաների նկատմամբ, մոտավորապես 10%-ը՝ հրեաների։

Ինչ վերաբերում է այլ կրոնին հարող քաղաքական գործիչների հանդեպ վերաբերմունքին, ապա թուրքերի 37%-ը դրանց կտրականապես դեմ է արտահայտվել։

Թերթ.am

Շարունակել կարդալ >>>
Leer mas >>>

«Տոլմայի» պատերազմ. Հայ–թուրքական մերձեցումը և հայերի ինքնահաստատման հարցը

Հայ-թուրքական մերձեցումն անխուսափելի է, բայց մենք կարող ենք խոչընդոտի առջև կանգնել, երբ թուրքն ու հայը սկսեն շփվել: Նման կարծիք այսօր լրագրողներին հայտնել է «Սոցիոմետր» կենտրոնի տնօրեն Ահարոն Ադիբեկյանը: Նրա խոսքերով` «մեր պատկերացումները մեկս մյուսի մասին բոլորովին տարբեր են»:

Սոցիոլոգն անդրադարձել է նաև թուրքերի և ադրբեջանիցների կողմից հայկական և համաշխարհային մշակութային ժառանգությունը յուրացնելու թեմային: Դա բնորոշ է բոլոր երիտասարդ ազգերին, կարծում է նա: «Պարզ է, որ երբ վաղը մենք գնանք Թուրքիա, տեսնենք մեր տարազները, մեր ճարտարապետական կոթողը, մեր խոհանոցը, մեր պարը և երգը ու ասենք մերն է, նրան էլ կասեն` «մերն է», որովհետև նրանց համոզել են, որ դա թուրքական է»:
Խոսելով խոհանոցի մասին՝ նա նշել է, որ ուտեստների անվանումները՝ «տոլմա», «բոզբաշ», «լավաշ», հայկական չեն, սակայն դրանց բաղադրատոմսը հայկական է։

Մամուլի ասուլիսի մյուս մասնակիցը` Գեղեցիկ արվեստների ազգային ակադեմիայի ռեկտոր Էդուարդ Սեդրակյանը, պատմել է «Ազգային հագուստ» բարձր նորաձևության մրցույթի ժամանակ հայ-ադրբեջանական բախումների մասին: Բացի «վիճարկելի» հագուստից և երաժշտությունից, պատվիրակության ղեկավարներն այս անգամ չեն կիսել նաև դուդուկը:

Թե Ադիբեկյանը և թե Սեդրակյանը եկել են այն եզրահանգման, որ «հայեցի» դաստիարակությունը հարկավոր է ստանալ մանկությունից: Tert.am-ի հարցին, թե ում են վստահելու ուսուցման այս ծրագրի կազմումը, Սեդրակյանը պատասխանել է, որ ծրագիր դեռևս չկա, սակայն այն մշակվում է: Մամուլի ասուլիսի մասնակիցներն ընդգծել են նաև հայերի՝ ինքնահաստատման և «իրենց ճանաչելու» անհրաժեշտությունը:

Թերթ.am

Շարունակել կարդալ >>>
Leer mas >>>

Եվրոպական կապիտալիզմը հաղթում է ամերիկյանին

Boston Consulting Group վերլուծական ծառայության ուսումնասիրության համաձայն՝ կուտակած հարստության ցուցանիշով Եվրամիությունը շրջանցել է ԱՄՆ-ին: Այսօր Եվրամիության 27 երկրներում կոնսոլիդացված ակտիվները հասնում են $32,7 տրլն-ի: ԱՄՆ-ը և Կանադան միասին ունեն $29,3 տրլն: Եվրոպայի գերազանցությունը պայմանավորված է ճգնաժամով, որից ավելի շատ տուժել է ԱՄՆ-ը: Ուսումնասիրությունը հերքում է որոշ քաղաքական գործիչների այն պատկերացումները, թե Եվրամիությունը թույլ կառույց է, որը չունի համաշխարհային գործընթացների վրա ազդելու հնարավորություն:

Սակայն Եվրոպան այսօր առավել անվտանգ, ապահով ու միացյալ է, քան պատմության որևէ այլ ժամանակահատվածում, իսկ ֆինանսական ճգնաժամը հնարավորություն տվեց է՛լ ավելի միասնական լինել:

Կապիտալիզմի կարգավորվող մոդելը, որը հավանության է արժանացել ամենուր՝ Ֆինլանդիայից մինչև Ֆրանսիա, այսօր ավելի նախընտրելի է մնացած երկրների, այդ թվում՝ ԱՄՆ-ի համար, իսկ ԵՄ հարևանները հերթ են կանգնում եվրոպական ընտանիքի մաս դառնալու համար:

«Կապիտալ» օրաթերթ

Շարունակել կարդալ >>>
Leer mas >>>

Ավստրալիացի տնտեսագետը հաշվարկել է, թե որքան արժե երջանկությունը

Պրոֆեսոր Փոլ Ֆրիջթերսը ութ տարի շարունակ փորձել է պարզել, թե որքան արժե երջանկությունը: Նրա անցկացրած հարցումների արդյունքների համաձայն, որոնց մասնակցել է գրեթե 10 հազ. մարդ, երջանկությունը բավական էժան հաճույք է, հաղորդում է newsru.com-ը:

Ըստ Ֆրիջթերսի արդյունքների` ընդհանուր առումով տղամարդիկ ավելի շատ են ուրախանում և տխրում, քան կանայք: Օրինակ, տղամարդու համար ամուսնանալը նման է մոտավորապես 30 հազ. ԱՄՆ դոլար արժողությամբ նվերի: Մինչդեռ կանայք կրկնակի էժան են գնահատում ամուսնությունը: Տղամարդու համար ապահարզանը հավասար է ավելի մեծ ֆինանսական կորուստների, հաղորդում է The Sydney Morning Herald-ը:
Տղամարդիկ առավել ծանր են տանում տխուր դեպքերը, պարզել են գիտնականները: Օրինակ` մտերիմ մարդու վախճանը ուժեղ սեռի ներկայացուցիչների համար հավասարազոր է մոտավորապես 627 հազ. ԱՄՆ դոլարի կորստի, իսկ կանանց համար` 130,9 հազ. դոլարի կորստի:

Հետաքրքրական է, որ տղամարդիկ ընկալում են որոշ իրադարձություններ որպես կորուստ, իսկ կանայք` որպես ձեռքբերում: Օրինակ` նոր տուն տեղափոխվելու փաստը կանանց մոտ հավասար է 2,6 հազ. դոլար արժողությամբ նվերի, մինչդեռ տղամարկանց մոտ դա նման է 16 հազ. դոլարի կորստի:

Շարունակել կարդալ >>>
Leer mas >>>

Ամենալավ հիշողություն ունեցող բրիտանացին ռեկորդ սահմանեց

Բրիտանացի Բեն Պրիդմորը դարձել է Լոնդոնում կայացած ամենալավ հիշողությունն ունեցող անձանց միջազգային 18-րդ առաջնության հաղթող: Այսպիսով, նա արդեն երրորդ անգամ անընդմեջ արժանացավ լավագույն հիշողությունն ունեցողի տիտղոսին: Նշենք, որ այս տարի մրցույթին մասնակցում էր 62 մարդ` 17 երկրներից: Մրցույթը բաղկացած էր մի քանի փուլից, որոնց իմաստը տարբեր ծածկագրեր, պատահական թվեր, երկրաչափական պատկերներ հիշելու մեջ էր, հաղորդում է Newsru.com-ը:

Շարունակել կարդալ >>>
Leer mas >>>

Թուրքիան Արձանագրությունները ստորագրել է ոչ թե Հայաստանի, այլ ԱՄՆ-ի հետ. փորձագետ

Ոչ Հայաստանը և ոչ էլ Թուրքիան պատրաստ չեն շարունակել արդեն իսկ սկսված գործընթացը, այսօր լրագրողներին է հայտնել քաղաքագետ Իգոր Մուրադյանը:

Նրա խոսքերով` Արձանագրությունները Ցյուրիխում ստորագրվել են ոչ թե Հայաստանի և Թուրքիայի, այլ ԱՄՆ-ի և Թուրքիայի միջև, իսկ հայ-թուրքական հարաբերությունների կարգավորման գործընթացն «առանց արտաքին աջակցության» հնարավոր չէ:
Մուրադյանը նշել է, որ Միացյալ Նահանգներն այլևս ունակ չեն աջակցել գործընթացին։ «Մեր տարածաշրջանը սերտորեն կապված է ԱՄՆ-ի կողմից Կենտրոնական Ասիայում վարվող ռազմավարության հետ: Այն պայաններում, երբ ԱՄՆ-ի վերնախավը և ղեկավարությունը կորցրել են իրենց, ՆԱՏՕ-ի և Եվրոպայի հետ հարաբերություններն էլ, իրենց հերթին, անհասկանալի բնույթ են կրում, Կովկասն ԱՄՆ-ի համար դառնում է ավելի պակաս կարևորություն ունեցող տարածաշրջան»,- ընդգծել է քաղաքագետը:

«Ստացվում է, որ Հայաստանին և Թուրքիային ձեռքից բռնած բերեցին բանակցությունների սեղանի մոտ և այնտեղ թողեցին մենակ»,- նշել է փորձագետը` հավելելով, որ Թուրքիան ԱՄՆ-ի կողմից բավարար ճնշում չի զգում: Իսկ այս դեպքում Թուրքիայի նպատակն է միջազգային ինքնուրույնություն ձեռք բերելը, քանի որ Թուրքիան մտադիր չէ ենթարկվել ԱՄՆ-ի բռնապետությանը»,- հայտարարել է Մուրդյանը: «Սա է հայ-թուրքական բանակցությունների հանգուցային իրավիճակը»,- – հավելել է նա:

Թերթ.am

Շարունակել կարդալ >>>
Leer mas >>>

Դոլարի համաշխարհային հուղարկավորություն

Դոլարը համաշխարհային ֆինանսական գահից տապալելու գաղափարի ջատագովների բանակը լուրջ համալրում է ստացել. նրանց միացել է դոլարի ամենաջերմեռանդ պաշտպաններից մեկը:

Համաշխարհային բանկի ղեկավար Ռոբերտ Զելլիկը հրապարակավ խոստովանել է, որ հաջորդ տասնամյակում յուանը լիարժեք այլընտրանք է դառնալու ամերիկյան արժույթին:
Ելույթ ունենալով Սինգապուրի համաժողովում՝ Ռոբերտ Զելլիկն ամերիկյան իշխանություններին կոչ է արել չգերագնահատել դոլարի դերը: Զելլիկի կարծիքով՝ առողջ դրամավարկային քաղաքականության բացակայությունը և բյուջեի հսկայական դեֆիցիտն ԱՄՆ-ին կարող են լուրջ խնդիրների առջև կանգնեցնել:
Մինչ ամերիկյան իշխանություններն զբաղված են իրենց սեփական ֆինանսական համակարգը կարգի բերելով՝ չինական յուանը քայլ առ քայլ մոտենում է համաշխարհային տնտեսական պատվանդանին:

Այժմ Չինաստանը զգուշությամբ յուանը վերածում է փոխարկելի արժույթի, սակայն երկրի տնտեսության արագ տեմպերով վերափոխումը, այդ թվում՝ կապիտալի տեղական շուկաների զարգացումը, կհանգեցնի նրան, որ Չինաստանի ազգային արժույթը շուտով իր հզորությամբ կհավասարվի դոլարին:
«Սպասեք 10-15 տարի և կտեսնեք, թե ինչպես է յուանը միջազգային արժույթի վերածվում»,- հայտարարել է Ռոբերտ Զելլիկը՝ նշելով, սակայն, որ այսօր կենտրոնական բանկերն իրենց արտարժութային պահուստներում դոլարը որևէ այլ արժույթով փոխարինելու շատ փոքր հնարավորություն ունեն:

Չինական արժույթի ամրապնդմանն ակամայից նպաստում է Ճապոնիան. աշխարհի երկրորդ տնտեսությունը չի փորձում համաշխարհային կարգավիճակ տալ յենին, ինչը դոլարի և յուանի շահերից է բխում:

Մյուս կողմից՝ դոլարի և յուանի պոտենցիալ մրցակից է եվրոն:

«Կապիտալ» օրաթերթ

Շարունակել կարդալ >>>
Leer mas >>>

Ցեղասպանությունը Օրհան Փամուկի համար խոսքի ազատության խնդիր է, բայց ոչ կյանքի միակ թեման

Նոյեմբերի 10-ին Նյու Յորքի Քուինս Քոլեջում սահմանափակ թվով հանդիսատեսի համար կայացած Օրհան Փամուկի նոր գրքի` «Անմեղության թանգարան»-ի ներկայացման և հատընթերցումից հետո գրողին հարց է ուղղել նաև Հայկ Մարտիրոսյանը, ով Հայաստանում հայտնի էր որպես Արմնյուզ հեռուստաընկերության «Քոմենթ» հաղորդման հաղորդավար։

Մարտիրոսյանը նշում է, որ ինքը հետևյալ հարցն է ուղղել գրողին.
«Պարոն Փամուկ. Դուք, հանգուցյալ Հրանտ Դինքի հետ թերևս առաջիններից էիք Թուրքիայում, որ քաջություն ունեցաք խոսելու Հայոց ցեղասպանության մասին և դրանով ինչ-որ առումով մեկնարկը տալու Թուրքիայի որոշակի արդիականացմանը։ Սակայն վերջերս կարծես թե մի տեսակ կրավորական դիրք եք ընդունել այդ հարցում։ Համենայնդեպս կարծիք կա, որ խուսափում եք այլևս այս թեմային անդրադառնալուց։ Արդյո՞ք դա արդյունք է Ձեր հանդեպ նախկինում կիրառված քրեական հետապնդման, կամ գուցե Ձեր լռությունն այլ հանգամանքներո՞վ է պայմանավորված»։

Ինչպես հայտնում է Մարտիրոսյանը, Օրհան Փամուկը պատասխանել է հետևյալը.

«Դա ինձ համար նախևառաջ խոսքի ազատության խնդիր էր և հետո` դա իմ կյանքի միակ թեման չէ։ Առավել կարևոր խնդիրներ կան։ Բացի այդ` այս թեմաները պետք է քննարկվեն նախևառաջ թուրք ժողովրդի կողմից»։


Թերթ.am

Շարունակել կարդալ >>>
Leer mas >>>

Հեմինգուեյը «երեքից հանած է» ստացել անգլերեն լեզվից

ԱՄՆ-ում մշակված համակարգչային ծրագիրը, որը վերլուծում է անգլերեն լեզվով գրված տեքստերը, Հեմինգուեյին «երեքից հանած է» դրել՝ նրա բառապաշարը և ոճն անվանելով անփույթ, հայտնում է The Times-ը։ Նշենք, որ ծրագիրը մշակվել է դպրոցական շարադրությունները ստուգելու համար։

Կրթության բնագավառում գնահատման ինստիտուտի ղեկավար Դեյվիդ Ռայթը նշել է, թե ծրագրին չի հաջողվել տարբերակել հեղինակի ոճն ու տեքստի մտահղացումը։
Նշենք, որ ծրագիրը նաև ըստ արժանվույն չի գնահատել Ուինսթոն Չերչիլի «The Finest Hour» ելույթը, որը նա կարդացել էր 1940թ. Ներկայացուցիչների պալատում։ Համակարգիչը եկել էր այն եզրակացության, որ Չերչիլի լեզուն հագեցած է կրկնություններով, ինչպես նաև չէր տարբերակել «might» գոյականը (հզորություն, ուժ)՝ այն ընդունելով սխալ գործարծված «might have» մոդալ բայի տեղ։

Բացի այդ, ծրագիրը նաև չի հասկացել Ուիլյամ Գոլդինգի «Ճանճերի տիրակալի» հատվածը. ըստ համակարգչի՝ գրողի նախադասությունների շարադասությունը սխալ է։ Հետազոտողները նաև ստուգել են Բյորջեսի «Լարովի նարինջի» առաջին պարբերությունը, որը համակարգիչն ընդհանրապես չէր ընկալել։

Թերթ.am

Շարունակել կարդալ >>>
Leer mas >>>

Կնոջ խելացի լինելն ամուր ընտանիքի գրավականն է. գիտնականներ

Ըստ բրիտանական գիտնականների` ամուր և երջանիկ են համարվում այն ընտանիքները, որոնցում կինն ամուսնուց երիտասարդ է հինգ տարով և իր մտավոր ունակություններով զգալիորեն գերազանցում է ամուսնուն:

Վերլուծելով արդյունքները` ամուսնալուծությունների վիճակագրությամբ զբաղվող մասնագետները եկել են այն եզրակացության, որ ավեի հաճախ ամուսնալուծվում են այն ընտանիքները, որոնցում կինն ամուսնուց մեծ է երեք կամ ավելի տարով: Ընտանիքների ամրության վրա դրական է անդրադառնում նաև կնոջ կրթվածությունը: Եթե կինն ավելի խելացի է քան ամուսինը, ապա դա անպայմանորեն ազդում է ընտանիքների բարորության վրա: Գիտնականները կարծում են, որ եթե ամուսնուն ընտրելիս կանայք առաջնորդվեն հենց այս չափանիշներով, ամուսնալուծությունների թիվն ավելի կքչանա:

Շարունակել կարդալ >>>
Leer mas >>>

Թուրքիայում սպառնում են սպանել ևս մեկ հայազգի լրագրողի

Թուրքական «Թառաֆ» օրաթերթի սյունակագիր Սևան Նշանյանը, ով տպագրել է Մուստաֆա Քեմալ Աթաթուրքի «Ուղերձը թուրք երիտասարդությանը» տեքստի փոխակերպված տարբերակը, երեկ իր հեղինակային սյունյակում հրապարակել է զայրացած ազգայնամոլների՝ էլեկտրոնային փոստով ստացված նամակները՝ լի սպառնալինքներով և վիրավորանքներով։
Նշանյանը, մասնավորապես, փոխակերպել է Աթաթուրքի ուղերձի առաջին նախադասությունը՝ «Ձեր առաջին պարտքն է հավետ պահպանել և պաշտպանել Թուրքիայի անկախությունը և Թուրքիայի Հանրապետությունը» հետևյալ կերպ՝ «Ձեր առաջին պարտքն է լինել մարդ արարած»։ Բնօրինակի հետևյալ նախադասությունները՝ «Սա է գոյի և ապագայի հիմքը։ Այդ հիմքը ձեր ամենաթանկ գանձն է։ Ապագայում կարող են շատ չարանենգ մարդիկ լինել թե՛ հայրենիքում, թե՛ արտերկրում, ովքեր կցանկանան զրկել ձեզ այդ գանձից» փոխարինվել են՝ «Մարդկային գոյի ամենակարևոր հիմքը սերն է առ այլ մարդ արարածներ։ Ձեր ողջ կյանքի ընթացքում դուք պետք է պարտականություն համարեք սերմանել գեղեցկություն, խելամտություն և արդարություն այլ մարդկանց մեջ։ Եթե դուք գիտելիքների տեր եք, ապա դուք պետք է կիսեք դրանք՝ առանց որևէ փոխադարձ ակնկալիքի» նախադասություններով։Թուրք որոշ երիտասարդների համապատասխան արձագանքը, հիրավի, սարսափեցնող էր։ «Մենք կստիպենք քեզ գրել «Ուղերձ երիտասարդությանը» ելույթի ճիշտ տարբերակը սեփական արյունով... Ես ձեզ կսպանեմ, ինչպես շուն Հրանտ Դինքին»,- նշված էր ստացված հաղորդագրություններից մեկում, որի տեքստի մեծ մասը ենթակա չէ հրապարակման, գրում են թուրքական լրատվամիջոցները։

Մեկ այլ նամակում ասվում էր. «Ես աղոթել եմ տարիներ շարունակ, որպեսզի ինձ հնարավորություն ընձեռվի սպանել ձեր նմաններից մեկին բանակում ծառայելիս։ Ես դա սառնասրտորեն կանեմ, և քո տեսակի սպանությունը չի ծանրանա իմ խղճին, այլ ընդհակառակը՝ ինձ համար պատիվ կլինի... Իմացիր, որ մենք սպասում են ընդամենը փոքր նշանի դա իրականացնելու համար»։

Մեկ այլ էլեկտրոնային նամակում «Ուղերձ թուրքական երիտասարդության» մեկ այլ փոխակերպված տարբերակն էր. «Թուրքիայի երիտասարդությու՛ն, հանուն թուրքակայնության ու մարդասիրության՝ ձեր առաջնահերթ պարտականությունն է աշխարհիս երեսից սրբել բոլոր հայերին և քրդերին՝ թուրքերի ամենամեծ թշնամիներին, որոնք ամենապատվազուրկ ազգներն են աշխարհում»։

Եվս մեկ նամակում կրկին ուղղակի սպառնալիքներ են հնչել և անդրադարձ է եղել հայերին.

«Օ, դու՛, ողորմելի արարած, ով իրեն մարդ է համարում, քանի որ գիտի, թե ինչպես գրել։ Դու և քո տեսակները կտեսնեն թուրքական ազգի ուժը շատ շուտով։ Հայերն ու մյուսները, ովքեր շարունակում են իրենց խեղաթյուրված ինտրիգները՝ երկիրը պառակտելու համար, չնայած այն հանդուրժողականությանը, որ մենք ցուցաբերել ենք, կվճարեն այն գինը, որին նրանք արժանի են մոտալուտ ապագայում։ Այժմ ձեր օրն է խոսելու, բայց դուք չե՞ք վախենում, որ դա կփոխվի մի-երկու տարվա մեջ։ Օրը, երբ մենք կմաքրենք հաշիվները ձեզ հետ, մոտ է։ Կտեսնենք, թե արդյո՞ք դուք նույն խիզախությամբ կխոսեք։ Մի ծակ գտիր թաքնվելու համար..»։

Թերթ.am

Շարունակել կարդալ >>>
Leer mas >>>

Աշխարհի ամենափոքր կինը պատրաստվում է մայրանալ

Ամերիկուհի Սթեյսի Գերալդը՝ աշխարհի ամենափոքրամարմին կինը, պատրաստվում է մայրանալ երրորդ անգամ՝ անտեսելով բժիշկների նախազգուշացումները։ Սթեյսիի հասակը ընդամենը 71 սմ է, և աճող պտուղը կարող է պարզապես մահացու լինել նրա համար, հաղորդում է Правда.ru-ն։

Սթեյսի Գերալդը տառապում է հիվանդությամբ, որի ժամանակ թոքերը թերզարգացած են, իսկ ոսկորները՝ շատ փխրուն և գրեթե չեն աճում։ Սակայն, չնայած հիվանդությանը, 2000թ. Սթեյսին ծանոթացել էր Ուիլի հետ և չորս տարի անց ամուսնացել նրա հետ։ Եվ ներկա պահին Սթեյսին ունի երկու երեխա։
Չնայած բոլոր դժվարություններին՝ Սթեյսին, իրոք, երջանիկ է. չէ՞ որ երեխաներն իր համար ամենամեծ ուրախությունն ու հրաշքն են։ Այժմ նա ցանկանում է ունենալ երրորդ երեխային։

Թերթ.am

Շարունակել կարդալ >>>
Leer mas >>>

Ճգնաժամի առաջացման պատճառը գտել են Շեքսպիրի պիեսում

Ֆինանսական ճգնաժամի առաջացման իրական պատճառների որոնումները հանգիստ չեն տալիս տնտեսագետներին: ԱՄՆ Յեյլի համալսարանի տնտեսագիտության պրոֆեսոր Ջոն Գինակոպլոսն այդ ուղղությամբ իր ուսումնասիրությունների համար ներշնչանք է գտել Վիլյամ Շեքսպիրի «Վենետիկի վաճառականը» պիեսում:
Ինչպես գրում է The Wall Street Journal-ը, դեռևս 16-րդ դարում գրված պիեսի հիմքում վարկային պատմությունն է:
Պարտքերի մեջ խրված հերոսը որոշում է ամուսնանալ հարուստ աղջկա հետ և օգնություն է խնդրում վենետիկցի վաճառական Անտոնիոյից: Անտոնիոն պարտք է վերցնում վաշխառու Շեյլոկից՝ պայմանով, որ վարկատուն իրավունք ունի մեկ ֆունտ միս կտրել վաճառականի մարմնից, եթե վերջինը ժամանակին չմարի պարտքը:

Գինակոպլոսը զուգահեռներ է տեսել պիեսի իրադարձությունների և այսօրվա իրավիճակի միջև:

«Ջոն Գինակոպլոսը տնտեսության նկատմամբ նոր ձևավորվող մոտեցման խորհրդանիշն է,- գրում է պարբերականը: - Սակայն պարտադիր չէ, որ հենց նրա մտքերը ժամանակի ընթացքում բազային դառնան: Այսպիսի կանխատեսումներ անելու համար դեռ շատ վաղ է: Այդուհանդերձ, Յեյլի համալսարանի պրոֆեսորի կոմպետենտության մասին է խոսում փաստը, որ նա այն գիտնականների շարքում էր, որոնց հետ խորհրդակցում էր ԴՊՀ ղեկավար Բեն Բեռնանկեն 2008թ. աշնանը, երբ ճգնաժամն իր գագաթնակետին էր հասել»:

1997թ. վերընթերցելով «Վենետիկի վաճառականը», մասնավորապես՝ մեկ ֆունտ մսի մասին հատվածը՝ Յեյլի համալսարանի պրոֆեսորը սկսեց մտածել վարկերի ապահովության մասին: Արդյունքում 2000թ. համալսարանական պարբերականում Գինակոպլոսը նոր տեսություն առաջարկեց:

Նրա կարծիքով՝ բանկերը չափից դուրս ցածր գործակիցներ են սահմանում՝ պարտք տալով ավելի մեծ գումար, քան կարող են ապահովել: Վարկային միջոցների մեծ ծավալները թույլ են տալիս բարձրացնել գները՝ հասցնելով դրանք ռեկորդային մակարդակի: Սա էլ հենց խաթարում է «արդյունավետ շուկայի» գաղափարը:

Այժմ, երբ ֆինանսական ճգնաժամը վերհանել է ԿԲ-ների ավանդական մոտեցումների թերությունները, տնտեսագետները կրկին ակտիվ գործունեություն են սկսել այդ ոլորտում, ճիշտ այնպես, ինչպես երկու «հեղափոխություններից» առաջ:

Գինակոպլոսի տեսությունները դեռ պետք է համալիր տնտեսական մոդելի վերածվեն: «Նրա աշխատությունը ենթադրում է, որ վարկային հողի վրա հիմնված ցիկլերը ճիշտ չեն: Սակայն նա բավարար չափով խորհուրդներ չի տալիս այն մասին, թե կանոնակարգող մարմիններն ինչպես պետք է դրանք վերահսկեն»,- նշում է Փրինսթոնի համալսարանի տնտեսագետ Մարկուս Բրուննեմայերը:

«Կապիտալ» օրաթերթ

Շարունակել կարդալ >>>
Leer mas >>>

Աշխարհի ամենաբարձր շենքը 818 մ է

Երկնաքերերի համաշխարհային ռեկորդակիր Դուբայի աշտարակի պաշտոնական բացումը տեղի կունենա 2010թ. հունվարի 4-ին:

Հենց այդ օրն է Դուբայ էմիրության կառավարիչ դարձել Արաբական Միացյալ Էմիրությունների փոխնախագահ և վարչապետ շեյխ Մուհամեդ բեն Ռաշեդ ալ Մակտումը, որը համարվում է նոր Դուբայի ստեղծողն ու դրա վերածննդի կերտողը:
Աշխարհի ամենաբարձր երկնաքերի շինարարությունն սկսվել է 2004թ. սեպտեմբերին: 818 մ աշտարակը դարձել է երկրի գլխավոր տեսարժան վայրը:

Աշտարակի շուրջ ձևավորվում է Դուբայի նոր գործարար կենտրոնը՝ հյուրանոցներով, աշխարհի խոշորագույն առևտրային կենտրոնով, գրասենյակային ու բնակելի շենքերով, աշխարհի ամենաբարձր «պարող շատրվանով»: Դուբայի նոր գործարար կենտրոնի կառուցապատման ընդհանուր արժեքը կազմում է $20 մլրդ:

«Կապիտալ» օրաթերթ

Շարունակել կարդալ >>>
Leer mas >>>

Աշխարհում 700 մլն մարդ ցանկանում է փոխել բնակության երկիրը

Մոտավորապես 700 մլն մարդ աշխարհով մեկ ցանկանում է մշտական բնակություն հաստատել այլ երկրում. այդ մասին են վկայում Gallup-ի հարցումների արդյունքները, հայտնում է AFP գործակալությունը։

Իրենց բնակության երկիրը փոխելու առավել մեծ ցանկությամբ աչքի են ընկել հարավաֆրիկյան երկրների բնակիչները։

Հարցման մասնակիցներից մոտավորապես 165 մլն մարդ կցանկանար տեղափոխվել և բնակություն հաստատել Միացյալ Նահանգներում։

45 մլն մարդ հավասարապես նախընտրում է բնակվել Մեծ Բրիտանիայում, Կանադայում և Ֆրանսիայում։

Իսպանիա տեղափոխվելու ցանկություն է հայտնել 35 մլն մարդ, 30 մլն-ը՝ Սաուդյան Արաբիա, իսկ 25 մլն մարդ հավասարապես նախընտրում է Ավստրալիան և Գերմանիան։

Շարունակել կարդալ >>>
Leer mas >>>

Փիղը սպանել է BBC-ի աշխատակցին

BBC-ի աշխատակիցը զոհվել է երեկ Թանզանիայում «Լուրջ հետազոտողներ» մանկական հաղորդաշարի նկարահանումների ժամանակ, հայտնում է Lenta.ru-ն։

Ըստ BBC-ի ներկայացուցիչների՝ 38-ամյա Անտոն Թըրները գլխավորում էր գիտարշավ, որի շրջանակներում էլ Աֆրիկայում անցկացվում էին մանկական հաղորդաշարի նկարահանումները։ Հենց այդ ժամանակ էլ նրա վրա հարձակվել է փիղը։ Գիտարշավի մասնակից բժիշկը փորձել է փրկել Թըրների կյանքը, սակայն ապարդյուն։

Նշենք, որ նկարահանումների ժամանակ, որոնց մասնակցում էր նաև 7 երեխա, այլ տուժածներ չեն եղել։

Շարունակել կարդալ >>>
Leer mas >>>

Իվ Սեն Լորանն ամենահարուստ հանգուցյալն է

Forbes ամսագիրը կազմել է ամենահարուստ հայտնի հանգուցյալ մարդկանց վարկանիշային աղյուսակը, որը գլխավորում է ֆրանսիացի դիզայներ Իվ Սեն Լորանը:

Ինչպես հայտնում է BBC-ն, ֆրանսիացի դիզայների, ով մահացել է նախորդ տարի, հետմահու եկամուտները կազմել են 350 մլն դոլար:
Նորաձևության վարպետներից մեկին հաջորդում է Բրոդվեյի լեգենդները` երգահան Ռիչարդ Ռոջերսը և բանաստեղծ Օսկար Համերստայնը (235 մլն դոլար):
Վարկանիշային աղյուսակի երրորդ հորիզոնականում է փոփ արքա Մայքլ Ջեքսոնը, որի կարողությունը մահից հետո ավելացել է 90 մլն դոլարով: Նշենք, որ չորրորդ տեղում է ռոք-ն-ռոլի արքա Էլվիս Փրեսլին (55 մլն դոլար):

Շարունակել կարդալ >>>
Leer mas >>>

Հնարավոր կլինի՞ կարդալ մարդու մտքերը

Մարդկանց մտքերն այսուհետ հասանելի կարող են լինել: Այժմ այն, ինչ անցնում է մարդկանց մտքով, կարող է օգտագործվել է հենց իրենց դեմ: Անհավատալի է, բայց փաստ: Գիտնականները շարունակում են ամեն օր զարմացնել իրենց հայտնագործություններով:

Այսպիսով, օրերս ԱՄՆ հետազոտողների մի խումբ ցուցադրել է բացառապես նոր տեխնոլոգիա, որի օգնությամբ կարելի է կարդալ մարդկանց մտքերը` վերլուծելով նրանց ուղեղի ակտիվությունը:
Ամերիկացի գիտնականները հայտնագործել են «նեյրոնային ապակոդավորման» նոր տեխնոլոգիա, որը հնարավորություն է տալիս վերականգնել շարժվող պատկերները, որը տեսել է մարդը, նրա ուղեղի ակտիվության վրա հիմնվելով

Նշենք, որ այս հայտարարությամբ պաշտոնապես հանդես են եկել Կալիֆորնիայի համալսարանի գիտնականներ Ջեք Գելանտը և Շինջի Նիշիմոտոն:

Թերթ.am

Շարունակել կարդալ >>>
Leer mas >>>

Սեռերի հավասարության վարկանիշային աղյուսակում Հայաստանը 91-րդն է

Համաշխարհային տնտեսական ֆորումը հրապարակել է զեկույց, որտեղ ներկայացված է երկրների վարկանիշային աղյուսակը, որը բնորոշում է տարբեր պետություններում սեռերի հավասարության աստիճանը:

Սեռերի հավասարության ցուցիչը կազմվում է տղամարդկանց և կանանց հնարավորությունների համեմատության ճանապարհով գործունեության տարբեր չորս ոլորտներում` քաղաքականություն, աշխատանք և կարիերա, կրթություն, առողջապահություն:

Այս տարի առաջատարների թվում են Իսլանդիան, Ֆինլանդիան, Նորվեգիան և Շվեդիան, ինչպես նաև Հարավ-Աֆրիկյան Հանրապետությունն ու Լեսոտոն:

Այս անգամ Հայաստանը զբաղեցրել է 91-րդ հորիզոնականը` նահանջելով 13 հորիզոնականով:
Վրաստանն ու Ադրբեջանը հայտնվել են 84-րդ և 90-րդ հորիզոնականներում: Ռուսաստանը զբաղեցրել է 51-րդ տեղը:

Վարկանիշային աղյուսակը եզրափակում են Սաուդյան Արաբիան, Բենինը, Պակիստանը, Չադը և Յեմենը:

Թերթ.am

Շարունակել կարդալ >>>
Leer mas >>>

Լատվիական քաղաքի վրա երկնքից ինչ–որ բան է ընկել

Լատվիայի Մազսալաց քաղաքում երեկ տեղի ժամանակով մոտ 18:30-ին երկնաքար է ընկել: Утро.ru կայքի հաղորդմամբ` պատահարի մասին պատմել է քաղաքի բնակիչներից մեկից, ով, նկատելով հրդեհը, զանգահարել է հրշեջ ծառայություն:

Դեպքի վայրում հրշեջները հայտնաբերել էն 20 մետր տրամագծով և 10 մետր խորությամբ փոս: Երկնաքարն ընկել է բնակելի տան հարևանությամբ, սակայն, բարեբախտաբար, ոչ ոք չի տուժել:

Մասնագետները չեն բացառում, որ դա կարող է լինել ոչ թե երկնաքար, այլ Երկրագնդի արհեստական արբանյակ կամ դրա մասնիկ:
Ինչպես հայտնել է պետական հրշեջ-փրկարար ծառայության պետի օգնական Ինգա Վետերեն, ընկնող օբյեկտը երկնքում թողել է կրակի հետքեր, իսկ այն տեղում, որտեղ երկնաքարն ընկել է, հրդեհ է բռնկվել: «Տարածքն անմիջապես շրջափակվել է, քանի որ մենք հստակ չգիտենք, թե ինչ օբյեկտ է երկնքից ընկել: Ըստ նախնական տվյալների` դա երկնաքար է: Չի բացառվում նաև ռադիոակտիվ աղտոտումը»,- հավելել է Վետերեն:

Շարունակել կարդալ >>>
Leer mas >>>

Ճապոնացիները հայտանգործել են թարգմանիչ-ակնոցներ

NEC Corp. ճապոնական ընկերությունը հայտնագործել է աշխարհում նախադեպը չունեցող թարգմանիչ-ակնոցներ, որոնք օտար լեզվով բանավոր խոսքը վերածում են տեքստի և թարգմանությունը ցուցադրում աչքի ցանցաթաղանթի վրա։ Այդ մասին հաղորդում է ИТАР-ТАСС-ը՝ հղում կատարելով «Իոմիուրի» թերթին։

Թարգմանիչ-ակնոցները՝ ներդրված բարձրախոսով և մինի համակարգչով, կարելի է օգտագործել ժամեր շարունակ, քանի որ աչքերը դրանցից չեն հոգնում։ Պրոյեկտորից ազդանշանը փոխանցվում է անմիջապես ցանցաթաղանթին, որը տեսողական նյարդերով ուղարկում է այն դեպի ուղեղ, այդ իսկ պատճառով զրուցակիցները կարող են զրույցը վարել երկու տարբեր լեզուներով՝ նայելով միմյանց վրա և առանց թարգմանության տեքստի ընթերցման։

Նորամուծությունը, հավանաբար, վաճառքի կդրվի 2010թ.։

Շարունակել կարդալ >>>
Leer mas >>>

Մերձեցումը կարելի է սկսել մշակույթից. թուրք նախարար

Առաջիկա օրերին Կարսում տեղի կունենա թուրք և հայ պատմաբանների և հնագետների հանդիպում: Գիտնականները միասին կորոշեն, թե ինչպես վերականգնեն Անիի ավերակները, հաղորդում է Vesti.az-ը` հղում կատարելով Patronlardunyasi-ին:

Թուրքիայի մշակույթի և տուրիզմի նախարար Էրթողրուլ Գյունայը Star հեռուստաընկերությանը տված հարցազրույցում հայտարարել է, որ շարունակվում են աշխատանքները համատեղ հանձնաժողով ձևավորելու ուղղությամբ, որը որոշում կկայացնի Անիի ավերակների վերականգնման վերաբերյալ:
«Քննարկվում են հանձնաժողով ձևավորելու վերաբերյալ վերջին հարցերը, և մոտ ապագայում դուք բոլորդ կդառնաք այդ կառույցի գործունեության ականատես»,- ասել է Գյունայը:

Նախարարի խոսքերով` մոտ ապագայում ծրագրվում է համատեղ մշակույթային նախագծեր սկսել, որոնցում կմասնակցեն հայ և թուրք երգիչները և երաժիշտները:

«Թուրք հայտնի երգիչներից և երաժիշտներից ոմանք հայկական արմատներ ունեն: Հարաբերություններ ստեղծելով` մենք չպետք է ընկնենք ինչ-որ տհաճ մանրուքների հետևից, այլ փորձենք համատեղ ջանքերի շնորհիվ դրական պահեր գտնել հարաբերություններում»,- նշել է նախարարը:

Պատասխանելով այն հարցին, թե արդյոք թուրք նախարարը պատրաստվում է առաջիկայում այցելել Հայաստան, Գյունայը նշել է, որ չի բացառում դա:

«Ինչո՞ւ չէ: Ես չեմ բացառում նման հավանականությունը: Վերջիվերջո, մերձեցումը կարելի է սկսել նաև մշակույթից»,- ասել է նա:


Tert.am

Շարունակել կարդալ >>>
Leer mas >>>

Աշխարհում սովյալների թիվը գերազանցել է 1 միլիարդը

Մոլորակի յուրաքանչյուր վեցերորդ բնակիչը գլոբալ ֆինանսական ճգնաժամի պայմաններում ի վիճակի չէ նորմալ սնվել: Աշխարհում սովյալների ընդհանուր թիվը կազմում է ավելի քան 1 միլիարդ մարդ: Այս մասին հայտարարել է Համաշխարհային պարենային ծրագրի գործադիր տնօրեն Ջոզեթ Շիրանը:

«Սխալ չի լինի ընդունել, որ «սովը զբոսնում է Երկրագնդով մեկ»: Պարենային ճգնաժամը բոլորովին էլ չի ավարտվել: Այն ժամանակ, երբ գլոբալ ճգնաժամը համաշխարհային խոշոր պարենային շուկաներում հանգեցրել է գների անկման, հիմնական սննդամթերքների գինը զարգացող երկրներում աճել է»,- Շիրանի խոսքերն է մեջբերում ИТАР-ТАСС-ը:

Շարունակել կարդալ >>>
Leer mas >>>

Օբամա՝ $200, Պուտին՝ $10 000, Կիրիլ՝ $50 000, Բեռլուսկոնի՝ $500 000

Ինչպիսի՞ և ի՞նչ արժողությամբ ժամացույցներ են կրում տարբեր երկրների առաջնորդներն ու ղեկավարները։ Ведомости թերթը վերլուծել է մի շարք չինովնիկների լուսանկարները և պարզել, որ ամենաթանկարժեք ժամերը կրում է ոչ թե Դմիտրի Մեդվեդևը կամ Վլադիմիր Պուտինը, այլ Մոսկվայի քաղաքապետի տեղակալը։

Ռուսաստանի վարչապետ Վլադիմիր Պուտինը կրում է Blancpain, Leman Aqualung Grande Date ժամացույցը՝ 10,5 հազ. դոլար արժողությամբ։ Հենց այդ ժամացույցը Պուտինը մի քանի անգամ նվիրել է շարքային քաղաքացիներին։ Նախկինում, սակայն, Վլադիմիր Պուտինը կրում էր Patek Philippe հանրահայտ ժամագործական ընկերության ժամացույցը՝ 60 հազ. դոլար արժողությամբ։
Միացյալ Նահանգների առաջնորդ Բարաք Օբամայի ձեռքը գեղեցկացնում է սպորտային ոճի Jorg Gray 6500 էժան ժամացույցը, որը պատրաստվում է Չինաստանում և սովորաբար վաճառվում 200 դոլարով։

Նման համեստությամբ աչքի էր ընկնում նաև ԱՄՆ նախկին նախագահ Ջորջ Բուշը. մինչև վերջերս նա նախընտրում էր 50-դոլարանոց Timex Indiglo-ն։

Նշենք, որ ամենաթանկարժեք ժամացույցը կրում է Ւտալիայի վարչապետ Սիլվիո Բեռլուսկոնին։ Բացի այդ, նա ունի ևս մի քանի մոդելներ, որոնց գինը հասնում է շուրջ 500 հազ. եվրոյի։

Բելառուսի նախագահ Ալեքսանդր Լուկաշենկոն նախընտրում է շվեյցարական Patek Philippe Calatrava 5120j ժամացույցը, որն արժե մոտ 17 հազ. դոլար։

Վերջերս Ուկրաինա կատարած այցի ժամանակ Համայն Ռուսիո պատրիարք Կիրիլի ձեռքին լրագրողները նկատել էին Breguet ապրանքանիշի ժամացույց՝ 28-ից մինչև 36 հազ. եվրո արժողությամբ։ Նշենք, որ այդ ժամացույցը նա կրում էր այն պահին, երբ բացատրում էր, որ ներկա ճգնաժամը «մեղքի արդյունք է, որը ներթափանցել է այժմյան տնտեսության մեջ։ Ազնիվ աշխատանքով ապրող մարդիկ վճարում են նրանց համար, ովքեր կորզել են միլիոններ և միլիարդներ օդից»։

Ռուսաստանի նախագահ Դմիտրի Մեդվեդևը նախընտրում է Classique Moon Phase ժամացույցը՝ 32,3 հազ. դոլար արժողությամբ։ Ի դեպ, ամուսնու ճաշակը կիսում է նաև Ռուսաստանի առաջին տիկին Սվետլանա Մեդվեդևան։

Ամենաթանկարժեք ժամացույցներից կրում է նաև Մոսկվայի քաղաքապետի տեղակալ Վլադիմիր Ռեսինը՝ DeWitt, La Pressy Grande Complication-ը՝ 1,044 հազ. շվեյցարական ֆրանկ արժողությամբ։

Չեչնիայի նախագահ Ռամզան Կադիրովը կրում է Bovet ժամացույցի Fleurier Minute Repeater մոդելը՝ պատրաստված 18-կարատանոց սպիտակ ոսկուց։ Միացյալ Նահանգներում այդ մոդելի մանրածախ գինը կարող է կազմել մոտավորապես 300 հազ. դոլար։

Շարունակել կարդալ >>>
Leer mas >>>

Թուրքիայում նկատվում է հայկական ինքնության ճանաչման ձգտումը. Կ.Պոլսի պատրիարքարանի կոչը

Հայ առաքելական եկեղեցու Կոստանդնուպոլսի պատրիարքարանը ողջունել է հայ-թուրքական հարաբերությունների բարելավման փորձերը։ Պատրիարքարանի ուղերձում շեշտը դրվում է խաղաղ երկխոսության անհրաժեշտության վրա, որի շնորհիվ հնարավոր կլինի ավելի համբերատար և ներողամտաբար վերաբերվել միմյանց։

«Հայաստանի Հանրապետության և Թուրքիայի Հանրապետության միջև ստորագրված Արձանագրությունները հատկապես նշանակալի են Թուրքիայի հայկական համայնքի համար։ Թուրքիայի հայկական համայնքը տրամադրված է սկսված դիվանագիտական գործընթացի լավատեսական հանգուցալուծման վրա, այն, որ բոլոր քայլերը կուղղվեն հանուն երկու ազգերի բարօրության։ Մենք հույս ունենք, որ Հայաստանի և Թուրքիայի ղեկավարությունները մինչև վերջ կգնան երկու երկրների հարաբերությունների բարելավմանը՝ հիմնվելով ցանկությունների անկեղծության վրա, քանի որ դրանից է կախված հարևանների հետագա խաղաղ համագոյակցությունը»,- նշված է պատրիաքարանի ուղերձում։
Պատրիարքարանում նաև հայտնել են, որ Հայ առաքելական եկեղեցու Կոնստանդնուպոլսի պատրիարքարանի առաջնորդի լիազորված անձը՝ Եկեղեցական խորհրդի վարչության ղեկավար արքեպիսկոպոս Արամ Ատեշյանը, ներկայացրել է իր դիրքորոշումը Հայաստանի և Թուրքիայի նախագահներ Սերժ Սարգսյանին ու Աբդուլլա Գյուլին թուրքական Բուրսա քաղաք կատարած այցի շրջանակներում, որտեղ հոկտեմբերի 14-ին կայացավ երկու երկրների ֆուտբոլային հավաքականների միջև հանդիպումը։

Ըստ պաշտոնական տվյալների՝ Թուրքիայում բնակվում է մոտավորապես 70 հազ. հայ։ Նրանց մեծամասնությունը փոխել են հայկական ազգանունները թուրքերենով։ Այնուամենայնիվ, իրականում էթնիկ հայերի թիվը, ովքեր իսլամ են ընդունել Հայոց ցեղասպանության ժամանակ արտաքսումից խուսափելու համար, գերազանցում է պաշտոնական ցուցանիշը մի քանի անգամ։ Համշենահայերի (մահմեդական հայեր) մեծ մասը մինչև վերջերս բացասաբար է վերաբերվել «էրմենի» (հայ) անվանումին։ Սակայն հայ-թուրքական բանակցությունների մեկնարկից հետո երիտասարդ համշենահայերի մեջ նկատվում է հայկական ինքնությունը ճանաչելու ձգտում։ Այսպես, օրինակ, նկարահանվել է առաջին համշենական ֆիլմը համշենահայերի բարբառով, թողարկվել է ձայնասկավառակ ժողովրդական երգերով։

Նշենք, որ հայ-թուրքական հարաբերությունների բարելավումից հետո Թուրքիայում բնակվող հայերը հույս ունեն, որ կլուծվի նաև հոգևոր առաջնորդի ընտրության հարցը, քանի որ երկար ժամանակ է, ինչ Թուրքիայի կառավարությունը չի թույլատրում հայկական համայնքին նշանակել նոր պատրիարքի կամ նրա փոխանորդի ընտրություններ։ Կոստանդնուպոլսի պատրիարք Մեսրոպ Մութաֆյանը գտնվում է ծանր առողջական վիճակում բազմաթիվ վիրահատություններից և «Էրգենեկոն» ահաբեկչական խմբավորման կողմից իրականացված մահափորձերից հետո։

Նշենք նաև, որ Հայ առաքելական եկեղեցու Կոստանդնուպոլսի պատրիարքարանը՝ Երուսաղեմի պատրիարքարանի հետ միասին, Հայկական եկեղեցու ինքնավար պատրիարքարաններից մեկն է։ Երկու պատրիարքներն էլ ենթարկվում են Էջմիածնի կաթողիկոսին։


Թերթ.am

Շարունակել կարդալ >>>
Leer mas >>>