Հարգանքի տուրք` Անդրանիկ Մարգարյանի հիշատակին

ՀՀ նախկին վարչապետ, Հայաստանի Հանրապետական կուսակցության նախագահ Անդրանիկ Մարգարյանի ծննդյան 57-ամյակի կապակցությամբ ՀՀ վարչապետ Տիգրան Սարգսյանի գլխավորությամբ կառավարության անդամներն այցելեցին Կոմիտասի անվան այգու պանթեոն` հարգանքի տուրք մատուցելու նրա հիշատակին։ Ներկաները ծաղիկներ դրեցին Ա. Մարգարյանի շիրիմին։
Ա. Մարգարյանի ծննդյան կապակցությամբ այսօր Կոմիտասի անվան այգու պանթեոն կայցելեն նաև ՀՀ նախագահը, կուսակից ընկերները և ընտանիքի անդամները։
Հիշեցնենք, որ Ա. Մարգարյանը սրտի կաթվածից հանկարծամահ է եղել 2007թ-ի մարտի 25-ին` կյանքի 56-րդ տարում։

Նա 1995թ. ընտրվել է ԱԺ առաջին գումարման պատգամավոր։ 1999թ. ընտրվել է ԱԺ պատգամավոր, ղեկավարել «Միասնություն» խմբակցությունը։ 2000թ. նշանակվել է ՀՀ վարչապետ, 2003թ. ՀՀ ԱԺ ընտրություններից հետո ղեկավարել ընտրությունների արդյունքում ձևավորված կոալիցիոն կառավարությունը։


/Արմենպրես/