Շվեդիայի խորհրդարանը հրաժարվել է ճանաչել Հայոց ցեղասպանությունը

Հունիսի 12-ին Շվեդիայի խորհրդարանը 245 «կողմ» և 37 «դեմ» ձայների հարաբերակցությամբ մերժել է Օսմանյան Թուրքիայում Հայոց ցեղասպանութունը ճանաչելու կոչը: Ինչպես հաղորդել է PanARMENIAN.Net-ին Շվեդաիայի հայկական ասոցիացիաների միության նախագահ Վահագն Ավեդյանը հունիսի 11-ին շվեդական խորհրդարանում քննարկումներ են անցկացվել, որոնց շրջանակներում քննարկվել է հարաբերությունների կոմիտեի կողմից նախապատրաստված մարդու իրավունքների զեկույցը, այդ թվում և 5 ուղղումները, որոնք կոչ են անում Շվեդիայի խորհրդարանին և կառավարությանը պաշտոնապես ճանաչել Հայոց ցեղասպանությունը: Արդյունքում, խորհրդարանական մեծամասնությունը, ինչպես նաև սոցիալ-դեմոկրատների ներկայացուցիչները մերժել են ուղղումները, հիմնավորելով դա նրանով, որ «տվյալ հարցը չի դիտարկվել որպես ՄԱԿ-ի բանաձև , եթե 1948 թվականի Կոնվենցիան գոյություն ունենար 20-րդ դարասկզբում, ապա Օսմանյան կայսրության հայերի, ասորիների ողբերգությունը առանց որևէ կասկածի կորակվեր ցեղասպանություն, փորձագետները դեռևս միասնական կարծիք չեն հայտնել Օսմանյան կայսրության իրադարձությունների շուրջ, ինչպես նաև, դրանց պատճառների և որակման: Բացի այդ, Հայոց ցեղասպանության ճանաչումը կարող է բացասաբար ազդել Թուրքիայի զարգացման վրա:»